બોલિવૂડ અભિનેતા ઈમરાન હાશ્મી આજે પોતાનો 46મો જન્મદિવસ ઉજવી રહ્યાં છે. અભિનેતાએ તેમની કારકિર્દીમાં અત્યાર સુધીમાં ઘણી હિટ ફિલ્મો આપી છે. ઈમરાન હાશ્મીની પ્રોફેશનલ જર્ની શાનદાર રહી છે, પરંતુ તેમનું અંગત જીવન પણ એટલું જ રસપ્રદ છે. શું તમે જાણો છો કે આલિયા ભટ્ટ અને ઇમરાન હાશ્મી એક ખાસ બોન્ડ શેર કરે છે.
ઇમરાન હાશ્મી અને આલિયા ભટ્ટનો સંબંધ
મીડિયા રિપોર્ટ્સ અનુસાર ઇમરાન હાશ્મી અને આલિયા ભટ્ટ કઝિન્સ છે. ઈમરાન હાશ્મીની દાદી, મેહરબાનો મોહમ્મદ અલી (પૂર્ણિમા દાસ વર્મા તરીકે વધુ જાણીતી) શિરીન મોહમ્મદ અલીની બહેન હતી, જે પ્રખ્યાત ફિલ્મ નિર્માતાઓ મહેશ ભટ્ટ અને મુકેશ ભટ્ટની માતા હતી. આલિયા ભટ્ટની દાદી અને ઇમરાન હાશ્મીની દાદી બહેનો હતી. ઇમરાન હાશ્મી અને આલિયા ભટ્ટ કઝિન્સ છે.
ઈમરાન હાશ્મીની નેટવર્થ
ઈમરાન હાશ્મીની નેટવર્થ વિશે વાત કરીએ તો, અભિનેતા તેની બે દાયકા લાંબી કારકિર્દી દરમિયાન ઘણી ફિલ્મોનો ભાગ રહ્યાં છે. ફિલ્મોમાં અભિનય કરવા ઉપરાંત, તે બ્રાન્ડ એન્ડોર્સમેન્ટ અને રિયલ એસ્ટેટ રોકાણોમાંથી ઘણી કમાણી કરે છે. 2023ના મીડિયા રિપોર્ટ અનુસાર, ઇમરાન હાશ્મીની કુલ નેટવર્થ 105 કરોડ રૂપિયા હોવાનો અંદાજ હતો, જે કથિત રીતે વધીને 120 કરોડ રૂપિયા થઈ ગઈ છે. અભિનેતા પાસે મુંબઈના બાંદ્રામાં એક ભવ્ય 4BHK એપાર્ટમેન્ટ છે, જેની કિંમત 16 કરોડ રૂપિયા છે. તેમની પાસે લક્ઝરી કારનો પણ મોટુ કલેક્શન છે.
