Ducati launches Panigale V4 Tricolor: Ducati એ ભારતમાં તેની સૌથી વિશિષ્ટ અને સંગ્રહયોગ્ય મોટરસાયકલોમાંની એક, પાનિગલ V4 ટ્રાઇકલોર (Panigale V4 Tricolore) લોન્ચ કરી છે. કંપનીએ જણાવ્યું છે કે, તે વિશ્વભરમાં આ બાઇકના ફક્ત 1,000 યુનિટ વેચશે, જેમાંથી ખૂબ ઓછા યુનિટ ભારતીય બજારમાં લાવવામાં આવ્યા છે. આ મોડલ ખાસ કરીને કલેક્ટર્સ અને ટ્રેક રાઇડિંગ પ્રેમીઓને ધ્યાનમાં રાખીને રજૂ કરવામાં આવ્યું છે. આ બાઇકની ₹ 77.00 લાખથી શરૂ થાય છે.
પાવરફુલ એન્જિન અને પ્રીમિયમ ફીચર્સ
આ બાઇક 1,103cc Desmosedici Stradale V4 એન્જિન દ્વારા સંચાલિત છે, જે તેના હાઇ-પર્ફોમન્સ માટે જાણીતું છે. તે ઓહલિન્સ ઇલેક્ટ્રોનિક સસ્પેન્શન, ડ્રાય ક્લચ, એડજસ્ટેબલ ફૂટપેગ્સ, GPS મોડ્યુલ, અલ્કાન્ટારા સીટ અને ઘણા કાર્બન ફાઇબર પાર્ટસ સ્ટાન્ડર્ડ કરવામાં આવ્યા છે.
દરેક બાઇકને એક યુનિક ઓળખ નંબર મળશે
દરેક Panigale V4 Tricolore બાઇક એક અનન્ય યુનિટ નંબર સાથે ચિહ્નિત થયેલ છે. માલિકોને Certificate of Authenticity, એક ખાસ બાઇક કવર અને એક એક્સક્લૂસિવ Accessories બોક્સ પણ મળે છે.
ઇટાલિયન વારસાને સમર્પિત ખાસ ડિઝાઇન
Panigale V4 Tricolore, ડુકાટીના ઇટાલિયન વારસાની ઉજવણી કરે છે અને 1984 ની પ્રતિષ્ઠિત Ducati 750 F1 ને શ્રદ્ધાંજલિ આપે છે. તેમાં asymmetrical tricolor livery છે, જે Aldo Drudi દ્વારા સેન્ટ્રો સ્ટાઇલ ડુકાટીના સાથે મળીને ડિઝાઇન કરવામાં આવી છે. આ બાઇકમાં ઇટાલિયન ધ્વજ કલર, રેસિંગથી ઇન્સપાયર ગ્રાફિક્સ, નીચલા ફેરિંગ પર ચેકર્ડ ધ્વજ ડિઝાઇન અને નંબર-વન પ્લેટ્સ છે, જે તેને ફેક્ટરી રેસ બાઇકનો લુક આપે છે.
લેટેસ્ટ Panigale V4 પ્લેટફોર્મ પર આધારિત
આ સ્પેશિયલ એડિશન ડુકાટીના લેટેસ્ટ Panigale V4 પ્લેટફોર્મ પર આધારિત છે, જેમાં સાતમી જનરેશનના સુપરબાઇક અપડેટ્સનો સમાવેશ થાય છે. આમાં નવી ચેસિસ, ઇન્ટિગ્રેટેડ એરોડાયનેમિક્સ અને ડુકાટી વ્હીકલ ઓબ્ઝર્વર (DVO) અને રેસ eCBS જેવા અદ્યતન ઇલેક્ટ્રોનિક્સનો સમાવેશ થાય છે, જે રોડ અને ટ્રેક બંને પર પર્ફોમન્સને વધારે છે.
ટ્રેક-ફોકસ્ડ હાર્ડવેર
Panigale V4 ટ્રાઇકલોર એ કાર્બન ફાઇબર વ્હીલ્સ ધરાવતી પ્રથમ ટ્રાઇકલોર બાઇક છે. આ વજન ઘટાડે છે અને હેન્ડલિંગ અને ટર્ન-ઇનમાં સુધારો કરે છે. તે બ્રેમ્બોની 338.5 મીમી ટી-ડ્રાઇવ ફિન્ડ બ્રેક ડિસ્ક ધરાવતી વિશ્વની પ્રથમ પ્રોડક્શન બાઇક પણ છે.
બાઇક કલેક્ટર્સ માટે એક બાઇક
ભારતમાં બુકિંગ શરૂ થઈ ગયું છે, પરંતુ ઉપલબ્ધતા અત્યંત મર્યાદિત છે. તેની વિશિષ્ટતા, રેસિંગ હાર્ડવેર અને પ્રીમિયમ લુક સાથે, આ બાઇક ખાસ કરીને ડુકાટીના ઉત્સાહી ચાહકો અને કલેક્ટર્સ માટે બનાવવામાં આવી છે.
