Gir Somnath Dolphin : ગીર સોમનાથના ઉના પાસે આવેલા અહેમદપુર માંડવી બીચ પર શિયાળાની શરૂઆત થતાં જ ડોલ્ફિનનું આગમન થયું છે. તાજેતરમાં અહીં 40થી વધુ હમ્પબેક ડોલ્ફિનનું જૂથ જોવા મળ્યું છે, જેની દરિયામાં ઊછળકૂદ કેમેરામાં કેદ થઇ છે.
માંડવી બીચ પર ડોલ્ફિનનું આગમન
આ ડોલ્ફિન મોટે ભાગે તેમના બચ્ચાંના ઉછેર અને અનુકૂળ પાણીના તાપમાન તેમજ ખોરાકની ઉપલબ્ધતા માટે દીવની નજીક આવેલા આ વિશાળ દરિયાઈ વિસ્તારમાં આવે છે. આ અદ્ભુત દૃશ્ય પ્રવાસીઓ માટે મોટું આકર્ષણ બન્યું છે અને પર્યટનને વેગ મળ્યો છે.
પ્રવાસીઓ માટે મોટું આકર્ષણ
અહેમદપુર માંડવી બીચ ગુજરાતના સુંદર દરિયાકાંઠા પૈકી એક છે, જ્યાં વોટર સ્પોર્ટ્સ ઉપરાંત ડોલ્ફિન સ્પોટિંગ પણ લોકપ્રિય છે. ત્યારે આ નજારો જોવા માટે પ્રવાસીઓની ભીડ પણ વધી છે.
