Tata Motors : શું તમે પણ આ વર્ષે Tata ની નવી ઇલેક્ટ્રિક કાર ખરીદવાનું વિચારી રહ્યા છો? તો Tata Motors તમારા માટે શાનદાર તક લઈને આવ્યું છે. Tata Motors એ માર્ચ 2026 માટે તેની બધી ઇલેક્ટ્રિક કાર પર બમ્પર ડિસ્કાઉન્ટ આપવાની જાહેરાત કરી છે. ફેબ્રુઆરીની જેમ જ આ મહિને પણ ગ્રાહકોને ફાયદો કરાવવા માટે ટાટા મોટર્સ જૂની ઇન્વેન્ટરી (2024 અને 2025 મોડલ્સ) પર મોટું ડિસ્કાઉન્ટ આપી રહી છે.
Tiago EV પર ડિસ્કાઉન્ટ
ટાટાની સૌથી લોકપ્રિય અને સસ્તી ઇલેક્ટ્રિક કારોમાંથી એક Tiago EV પર આ મહિને જબરદસ્ત ડિસ્કાઉન્ટ મળી રહ્યું છે. નવા MY26 (Model Year 2026) ના XT વેરિઅન્ટ પર ₹90,000 સુધીનું બમ્પર ડિસ્કાઉન્ટ, જ્યારે ટોપ મોડલ XZ+ પર ₹1.20 લાખ સુધીની બચત કરી શકાય છે. જો તમે જૂના સ્ટોક (MY24 અને MY25) માંથી કાર ખરીદો, તો XT વેરિઅન્ટ પર ₹1.80 લાખ અને XZ+ વેરિઅન્ટ પર ₹2.10 લાખ સુધીનું ડિસ્કાઉન્ટ મેળવી શકો છો.
Tata Punch EV પર ઓફર
ટાટા મોટર્સની સૌથી વધુ ડિમાન્ડ હોય તેવી ઇલેક્ટ્રિક કાર ટાટા પંચ EV ના એન્ટ્રી-લેવલ 'સ્માર્ટ' વેરિઅન્ટ પર ₹90,000 અને અન્ય વેરિઅન્ટ્સ પર ₹1.20 લાખ સુધીનું ડિસ્કાઉન્ટ છે. જો તમે 'લોન્ગ રેન્જ' વર્ઝન પસંદ કરો છો, તો આ વર્ઝન પર કુલ બચત ₹1.40 લાખ સુધી પહોંચી શકે છે.
Tata Nexon EV પર ડીલ્સ
ભારતમાં સૌથી લોકપ્રિય ઇલેક્ટ્રિક SUV માંથી એક Nexon EV પર પણ માર્ચ મહિનામાં ઑફર્સ આપવામાં આવી રહી છે. MY24 અને MY25 મોડલ્સ પર ₹1.20 લાખ સુધીનું ડિસ્કાઉન્ટ મળી રહ્યું છે. જ્યારે MY26 વર્ઝન પર લગભગ ₹50,000 સુધીની છૂટ આપવામાં આવી રહી છે. આમાં ટાટાની જૂની પેટ્રોલ/ડીઝલ કાર એક્સચેન્જ કરવા પર સ્પેશિયલ લોયલ્ટી બોનસ પણ સામેલ છે.
Tata Curvv EV પર ભારે છૂટ
હાલમાં લોન્ચ થયેલી Curvv EV પર સૌથી મોટું ડિસ્કાઉન્ટ આપવામાં આવી રહ્યું છે. MY26 Creative 45 વેરિઅન્ટ પર ₹2.80 લાખ અને અન્ય વેરિઅન્ટ્સ પર ₹3.30 લાખ સુધીની બચત થશે. જૂના MY24 અને MY25 સ્ટોક પર આ બચત અનુક્રમે ₹3.30 લાખ અને ₹3.80 લાખ સુધી પહોંચી જાય છે, જે આ ડીલને ખૂબ જ ખાસ બનાવે છે.
Tata Harrier EV પર ઓફર
ટાટા મોટર્સની મોટી, પ્રીમિયમ અને લક્ઝરી ઇલેક્ટ્રિક SUV શોધતા હોવ તો Harrier EV બેસ્ટ છે. આ કારના બધા વેરિઅન્ટ્સમાં સીધું ₹1.50 લાખ સુધીનું ડિસ્કાઉન્ટ આપવામાં આવી રહ્યું છે.
નોંધ : ઓફર વિશેની વધુ અને વિગતવાર માહિતી મેળવવા માટે તમારા નજીકના Tata Motors ના શોરૂમમાં જઈને ડિસ્કાઉન્ટની ખાતરી કરી લેવી, કારણ કે ડિસ્કાઉન્ટ શહેર અને સ્ટોકની ઉપલબ્ધતા પર આધારિત હોઈ શકે છે.
