Dhurandhar Box Office Collection: રણવીર સિંહ અભિનીત આદિત્ય ધરની દિગ્દર્શિત સ્પાય એક્શન થ્રિલર 'Dhurandhar' બોક્સ ઓફિસ પર અવિરત ધૂમ મચાવી રહી છે. 5 ડિસેમ્બરે રિલીઝ થયેલી આ ફિલ્મે માત્ર 21 દિવસમાં વિશ્વવ્યાપી ₹1000 કરોડની કમાણી કરી લીધી છે, જેમાં ભારતમાં નેટ કલેક્શન ₹650 કરોડ અને ગ્રોસ ₹760 કરોડ છે.
અનેક રેકોર્ડ તોડ્યા
ધુરંધરે વર્ષ 2025ની સૌથી વધુ કમાણી કરનારી ફિલ્મો કાંતારા ચેપ્ટર 1 (₹852 કરોડ) અને છાવા (₹807 કરોડ)ના વિશ્વવ્યાપી રેકોર્ડને પાછળ છોડી દીધા છે. આ સાથે તે હિન્દી સિનેમાની સૌથી મોટી હિટ બની ગઈ છે અને વર્ષની ટોચની ભારતીય ફિલ્મ તરીકે સ્થાન મેળવ્યું છે.
ક્રિસમસ પર મજબૂત પ્રદર્શન
ક્રિસમસના દિવસે, આદિત્ય ધર દ્વારા દિગ્દર્શિત ધુરંધરે ₹28.60 કરોડની કમાણી કરી, જેનાથી તેનું ચોખ્ખું કલેક્શન ₹668.80 કરોડ થયું. ક્રિસમસના દિવસે (21મો દિવસ) ફિલ્મે મજબૂત ઓક્યુપન્સી દર્શાવી, જેનાથી તેની કમાણી વધુ વેગ પકડી રહી છે. ઓવરસીઝમાં પણ ₹220 કરોડની કમાણી સાથે ફિલ્મનું પ્રદર્શન શાનદાર રહ્યું છે.
સ્ટારકાસ્ટ અને સિક્વલની જાહેરાત
ફિલ્મમાં રણવીર સિંહ સાથે અક્ષય ખન્ના, આર માધવન, સંજય દત્ત, અર્જુન રામપાલ અને સારા અર્જુન મુખ્ય ભૂમિકામાં છે. જિયો સ્ટુડિયોના પ્રોડક્શનમાં બનેલી આ ફિલ્મની સફળતા પર ધુરંધર 2ની જાહેરાત પણ કરવામાં આવી છે, જે 19 માર્ચ 2026ના રોજ રિલીઝ થશે.ધુરંધરે સાબિત કરી દીધું છે કે મજબૂત કન્ટેન્ટ અને દમદાર અભિનયથી બોક્સ ઓફિસ પર કમાલ કરી શકાય છે. ફિલ્મ હજુ પણ થિયેટર્સમાં ધૂમ મચાવી રહી છે અને ₹1000 કરોડ ક્લબમાં છે!
