Dhurandhar Box Office Collection Day 19: બોલિવૂડની સ્પાય એક્શન થ્રિલર ‘ધુરંધર’ બોક્સ ઓફિસ પર તોફાન મચાવી રહી છે. રણવીર સિંહ, અક્ષય ખન્ના, આર. માધવન, સંજય દત્ત અને અર્જુન રામપાલ સ્ટારર આ ફિલ્મે 19મા દિવસે પણ ધમાકેદાર કમાણી કરી છે. આદિત્ય ધરના નિર્દેશનમાં બનેલી આ ફિલ્મે વર્લ્ડવાઇડ 900 કરોડ ક્લબમાં એન્ટ્રી કરી લીધી છે અને 2025ની સૌથી વધુ કમાણી કરનારી ભારતીય ફિલ્મ બની ગઈ છે.
ધડાધડ તોડ્યા રેકોર્ડ્સ
થર્ડ વીકમાં બેસ્ટ પર્ફોર્મન્સ: માત્ર 5 દિવસમાં જ થર્ડ વીકમાં 129 કરોડ પાર કરી લીધા, જે પુષ્પા 2 (129 કરોડ) અને બાહુબલી 2 (127 કરોડ)ના રેકોર્ડને તોડી નાખ્યા. ક્રિસમસ હોલિડેને કારણે આ વીક 170 કરોડ સુધી પહોંચી શકે છે.
2025ની ટોપ ફિલ્મ: ‘કાંતારા ચેપ્ટર 1’ (852 કરોડ)ને પાછળ છોડીને વર્ષની સૌથી મોટી હિટ બની.
ઓલ ટાઇમ ટોપ 10માં એન્ટ્રી: ‘સિક્રેટ સુપરસ્ટાર’, ‘એનિમલ’ અને ‘બજરંગી ભાઇજાન’ને પાછળ છોડીને ઓલ ટાઇમ હાઇએસ્ટ ગ્રોસર્સની યાદીમાં સ્થાન મેળવી લીધું.
ફિલ્મમાં રણવીર સિંહ ‘હમજા’ના રોલમાં છે
એક ભારતીય ઇન્ટેલિજન્સ ઓફિસર જે કરાચીમાં ઘૂસીને આતંકવાદી નેટવર્કને નિશાન બનાવે છે. આ હાઇ-ઓક્ટેન એક્શન અને ગ્રિપિંગ સ્ટોરીએ દર્શકોને થિયેટરમાં ખેંચી લાવ્યા છે.‘ધુરંધર’ની આ અજેય દોડ હજુ ચાલુ છે અને આગામી દિવસોમાં 1000 કરોડ ક્લબમાં એન્ટ્રીની આશા છે. રણવીર સિંહની કારકિર્દીની સૌથી મોટી હિટ બનેલી આ ફિલ્મ બોલિવૂડ માટે 2025નું સૌથી મોટું સરપ્રાઇઝ છે!
મહત્વનું છે કે,પુષ્પા 2 ધ રુલ એ પૂરા થર્ડ વીકમાં 129 કરોડ રૂપિયાની કમાણી કરી હતી, જ્યારે બાહુબલી 2 મૂવીએ 127 કરોડની કમાણી કરી હતી, પરંતુ ધુરંધર મૂવીએ માત્ર 5 દિવસમાં જ 129 કરોડનો આંકડો પાર કરી લીધો છે. ક્રિસમસ હોલિડેને કારણે થર્ડ વીકમાં 170 કરોડ સુધી પહોંચી શકે છે.
