Dhurandhar Box Office Collection: બોલિવૂડની ધમાકેદાર સ્પાય એક્શન થ્રિલર ધુરંધર બોક્સ ઓફિસ પર તહેલકો મચાવી રહી છે. રણવીર સિંહ અને અક્ષયે ખન્ના અભિનીત આ ફિલ્મે રિલીઝના 14 દિવસમાં જ ભારતમાં 460 કરોડને પાર કરી લીધા છે, જ્યારે વર્લ્ડવાઇડ કલેક્શન 700 કરોડને વટાવી ગયું છે. આદિત્ય ધરના ડિરેક્શનમાં બનેલી આ ફિલ્મે બીજા વીકમાં પણ અદ્ભુત પ્રદર્શન કર્યું છે અને પઠાણ તથા ગદર 2 જેવી ફિલ્મોના રેકોર્ડ તોડી નાખ્યા છે.14મા દિવસની કમાણીબોક્સ ઓફિસ ટ્રેકર સેકનિલ્કના પ્રારંભિક આંકડા અનુસાર, 14મા દિવસે ફિલ્મે લગભગ 23 કરોડનું કલેક્શન કર્યું છે. આ સાથે ભારતમાં નેટ કલેક્શન 460.25 કરોડ સુધી પહોંચી ગયું છે, જ્યારે ગ્રોસ કલેક્શન 552 કરોડને પાર કરી ગયું છે. વર્લ્ડવાઇડ આંકડો 702 કરોડ સુધી પહોંચ્યો છે. ફિલ્મનો બીજો વીકેન્ડ પહેલા વીકેન્ડ કરતાં વધુ મોટો રહ્યો, જેમાં પુષ્પા 2ને પણ પાછળ છોડી દીધી.
દિવસવાર કલેક્શનનો વિગતવાર આંકડો
દિવસ 1: 28 કરોડ
દિવસ 2: 32 કરોડ
દિવસ 3: 43 કરોડ
દિવસ 4: 23.25 કરોડ
દિવસ 5: 27 કરોડ
દિવસ 6: 27 કરોડ
દિવસ 7: 27 કરોડ
દિવસ 8: 32.5 કરોડ
દિવસ 9: 53 કરોડ
દિવસ 10: 58 કરોડ
દિવસ 11: 30.5 કરોડ
દિવસ 12: 30.5 કરોડ
દિવસ 13: 25.5 કરોડ
દિવસ 14: 23 કરોડ (અંદાજિત)
ધુરંધરે તોડ્યા અનેક રેકોર્ડ
પહેલા વીકમાં 207.25 કરોડ અને બીજા વીકમાં વધુ મજબૂત કમાણી સાથે ફિલ્મે ઘણા રેકોર્ડ તોડ્યા છે. ધુરંધરે બીજા વીકમાં પઠાણ (446.3 કરોડ) અને ગદર 2 (419.1 કરોડ)ને પાછળ છોડી દીધા છે. આ સાથે ફિલ્મે હિન્દી સિનેમાના સૌથી મોટા બીજા વીકનો રેકોર્ડ પોતાના નામે કર્યો છે. વર્લ્ડવાઇડ પણ ફિલ્મે ઘણી મોટી ફિલ્મોને પછાડી છે અને હવે જવાન જેવી ફિલ્મોને પણ ટાર્ગેટ કરી રહી છે. ચાહકોનું માનવું છે કે ત્રીજા વીકેન્ડમાં વર્લ્ડવાઇડ 1000 કરોડ અને ભારતમાં 500 કરોડનો આંકડો પાર થઈ જશે.5 ડિસેમ્બરે રિલીઝ થયેલી આ ફિલ્મમાં રણવીર સિંહ, અક્ષયે ખન્ના, આર. માધવન, સંજય દત્ત અને અર્જુન રામપાલ મુખ્ય ભૂમિકામાં છે. ફિલ્મની એક્શન, થ્રિલ અને પેટ્રિયોટિઝમનું મિશ્રણ દર્શકોને ખૂબ પસંદ આવી રહ્યું છે. આવનારા દિવસોમાં પણ ફિલ્મની ધૂમ ચાલુ રહેવાની આશા છે!
