Bollywood News: બોક્સ ઓફિસ પર રણવીર સિંહ અભિનીત 'ધુરંધર'એ રેકોર્ડ તોડી નાખ્યા છે. 19 દિવસમાં વિશ્વભરમાં 877 કરોડથી વધુની કમાણી કરીને ફિલ્મે દર્શકોના દિલ જીતી લીધા છે. રણવીર સિંહના પાવરફુલ અભિનયથી લઈને અક્ષય ખન્ના સુધીના દરેક કલાકારની પ્રશંસા થઈ રહી છે. આ સફળતાના વાતાવરણ વચ્ચે મેકર્સે 'ધુરંધર 2'ની સત્તાવાર જાહેરાત કરી દીધી છે, જે આવતા વર્ષે ઈદ પર ધમાકેદાર રિલીઝ થશે.
ઈદ 2026 પર પાંચ ભાષામાં રિલીઝ થશે 'ધુરંધર 2'
'ધુરંધર'ને ઉત્તર ભારતની સાથે દક્ષિણ ભારતમાં પણ અપાર પ્રેમ મળ્યો છે. સોશિયલ મીડિયા પર વર્ડ ઓફ માઉથ અને રિપીટ વ્યૂઅર્સને કારણે સાઉથમાં ફિલ્મનો ક્રેઝ ખૂબ વધ્યો છે. આને ધ્યાનમાં રાખીને મેકર્સે 'ધુરંધર 2'ને હિન્દી સિવાય તેલુગુ, તમિલ, કન્નડ અને મલયાલમ – કુલ પાંચ ભાષાઓમાં એકસાથે રિલીઝ કરવાનો નિર્ણય કર્યો છે. ફિલ્મ 19 માર્ચ 2026ના રોજ ઈદના તહેવાર પર રિલીઝ થશે, જે પાન-ઈન્ડિયા અને વૈશ્વિક સ્તરે મોટી ઓપનિંગની આશા જગાવે છે.
સાઉથ અને વિદેશી દર્શકોની માંગથી પાંચ ભાષામાં રિલીઝ
પહેલી ફિલ્મ માત્ર હિન્દીમાં રિલીઝ થઈ હતી, પરંતુ સાઉથના ડિસ્ટ્રિબ્યુટર્સે ડબ્ડ વર્ઝનની મજબૂત માંગ કરી હતી. વિદેશી દર્શકો પણ ફિલ્મના ક્રેઝમાં જોડાયા છે. આ કારણે મેકર્સે સિક્વલને મલ્ટીલિંગ્વલ બનાવીને વધુ મોટું કેન્વાસ આપવાનું નક્કી કર્યું છે. વિદેશી બજારોમાં પણ વ્યાપક રિલીઝની યોજના છે.
'ધુરંધર 2' હાલ પોસ્ટ-પ્રોડક્શનમાં, વાર્તા અને એક્શન વધુ મોટા સ્કેલ પર
નેશનલ એવોર્ડ વિજેતા દિગ્દર્શક આદિત્ય ધરના નિર્દેશનમાં બની રહેલી 'ધુરંધર 2'નું પ્રોડક્શન જિયો સ્ટુડિયોઝ અને B62 સ્ટુડિયોઝ સંભાળી રહ્યા છે. પહેલા ભાગ કરતાં વાર્તા અને એક્શનને કેટલાય ગણા મોટા સ્તરે લઈ જવામાં આવશે. ફિલ્મ હાલ પોસ્ટ-પ્રોડક્શનમાં છે અને 2026ની સૌથી વધુ પ્રતીક્ષિત ફિલ્મોમાં સ્થાન મેળવી ચૂકી છે. 'ધુરંધર'ની સફળતાએ ફ્રેન્ચાઈઝીને નવી ઊંચાઈઓ આપી છે, અને સિક્વલ દર્શકોની અપેક્ષાઓને વધુ ઉંચી કરી રહી છે.
