ચેમ્પિયન્સ ટ્રોફીની બીજી સેમીફાઈનલ હાર્યા બાદ દર્દ છલકાયું! : દક્ષિણ આફ્રિકા ટીમના મુખ્ય કોચનું સૌથી મોટું નિવેદન, પિચને લઈને જણાવી એવી વાત કે...

Champions Trophy 2025 SA vs NZ: ગઈકાલે ચેમ્પિયન્સ ટ્રોફી 2025 ની બીજી સેમીફાઈનલ મેચ દક્ષિણ આફ્રિકા અને ન્યુઝીલેન્ડ વચ્ચે રમાઈ હતી. આ મેચમાં દક્ષિણ આફ્રિકાને 50 રનથી હારનો સામનો કરવો પડ્યો હતો. ન્યૂઝીલેન્ડે દક્ષિણ આફ્રિકાને હરાવીને ફાઇનલમાં પ્રવેશ મેળવ્યો હતો. સેમિફાઇનલમાં હાર બાદ દક્ષિણ આફ્રિકાની ટીમના ખેલાડીઓ અને કોચ પણ ઘણા નિરાશ જોવા મળ્યા હતા. આ પહેલીવાર નથી જ્યારે દક્ષિણ આફ્રિકાને ICC ટૂર્નામેન્ટની નોકઆઉટ મેચમાં હારનો સામનો કરવો પડ્યો હોય. તે જ સમયે, હાર બાદ ટીમના મુખ્ય કોચ રોબ વોલ્ટરનું એક મોટું નિવેદન સામે આવ્યું છે.

શું કહ્યું દક્ષિણ આફ્રિકાના હેડ કોચ રોબ વોલ્ટરે?
સેમીફાઈનલમાં ન્યુઝીલેન્ડ સામેની હાર બાદ સાઉથ આફ્રિકા ટીમના હેડ કોચ રોબ વોલ્ટરે મીડિયા સાથે વાત કરતા કહ્યું કે અમે મધ્યમાં કેટલીક મહત્વની વિકેટો ગુમાવી દીધી હતી. જો અમે ત્યાં મજબૂત ભાગીદારી જાળવવામાં સફળ થયા હોત તો મને લાગે છે કે તે ખૂબ જ મુશ્કેલ મેચ હોત. દેખીતી રીતે તમે ક્યારેય ખેલાડીઓના પ્રયત્નો પર સવાલ ઉઠાવતા નથી અને અમે તેમના પર અમારાથી બનતું બધું કર્યું, પરંતુ કમનસીબે અમે તે ભાગીદારી તોડી શક્યા નહીં."

મુખ્ય કોચ રોબ વોલ્ટરે ટોસ જીત્યા બાદ પ્રથમ બેટિંગ કરવાના ન્યૂઝીલેન્ડના નિર્ણયની પ્રશંસા કરી હતી. જ્યારે તેમને પૂછવામાં આવ્યું કે જો દક્ષિણ આફ્રિકા ટોસ જીત્યું હોત તો તેનો નિર્ણય શું હોત? આના પર મુખ્ય કોચે કહ્યું, 'હા, અમે પ્રથમ બેટિંગ કરી હોત.' મેચમાં પ્રથમ બેટિંગ કરીને ન્યૂઝીલેન્ડે 362 રનનો વિશાળ સ્કોર બનાવ્યો હતો.

કીવી ટીમ માટે કેન વિલિયમસન અને રચિન રવિન્દ્રએ સદી ફટકારી હતી. આ પછી દક્ષિણ આફ્રિકાની ટીમ ટાર્ગેટનો પીછો કરતા 312 રન જ બનાવી શકી હતી. દક્ષિણ આફ્રિકા માટે ડેવિડ મિલરે શાનદાર બેટિંગ કરી અને માત્ર 67 બોલમાં સદી ફટકારી.