Criminal Justice ભારતની સૌથી લોકપ્રિય OTT ડ્રામા સિરીઝમાંની એક બની ગઈ છે જે કાયદાની લડત સાથે સંવેદનાત્મક માનવ સંબંધોનો તણાવ પણ દર્શાવે છે. દરેક સીઝનમાં એક નવો કેસ, નવા પાત્રો અને વકીલ માધવ મિશ્રાની (પંકજ ત્રિપાઠી) નિર્ભય દલીલો જોવા મળે છે. પહેલા ત્રણ સીઝનમાં પણ તેણે અસામાન્ય કેસો સમાધાન કરી પોતાની અનોખી શૈલીથી દર્શકોને મંત્રમુગ્ધ કર્યા હતા.
હવે Criminal Justice – A Family Matter એટલે કે ચોથો સીઝન એકદમ અલગ personal zone માં લઈ જાય છે. અહીં કેસ છે એક જાણીતા ડૉક્ટર રાજ નાગપાલ (મોહમ્મદ ઝીશાન અયૂબ) સામે – જેમના પર આરોપ છે પોતાની પ્રેમિકા રોશની (આશા નેગી)ની હત્યાનો. ચોંકાવનારી વાત એ છે કે તેની પત્ની અંજુ નાગપાલ (સુવિન ચાવલા) પણ સહઆરોપી છે.
માધવ મિશ્રા ફરી એકવાર કેસ હેન્ડલ કરે છે, પણ આ વખતે તે અંજુનું પ્રતિનિધિત્વ કરે છે – અને સચોટ રીતે જાણે છે કે આ લડાઈ અંજુને રાજથી જુદી પડાવાની કીમત પણ ચૂકવવી પડી શકે છે. સામે છે પાવરફુલ પ્રોસિક્યુટર લેખા (શ્વેતા બાસુ પ્રસાદ) અને એક નવા ચતુર વકીલની એન્ટ્રી પણ જે બનાવે છે કેસને વધુ જોખમભર્યો.
સ્ટોરી આ વખતે માત્ર કોર્ટરૂમમાં અટકી નથી, પણ રાજ-અંજુની દીકરી ઇરા, ઘરની નોકર કમલા અને રોશનીના પૂર્વ પ્રેમી દિગ્વિજય સુધી પહોંચી જાય છે દરેક પાસે છે કંઈક એવું જે સત્યને બદલી શકે.
ભલે આ સીઝન કોઈ મોટું એક્સપેરીમેન્ટ નથી કરતી, પણ પંકજ ત્રિપાઠીનું પાવરફુલ અભિનય, ટકરાવભર્યા ડાયલોગ્સ, અને મજબૂત અભિનય Criminal Justice 4ને એક engaging courtroom thriller બનાવે છે. જો તમને કોર્ટરૂમ ડ્રામા, લાગણીઓ અને રહસ્ય ભરેલી કહાનીઓ ગમે છે, તો આ સીઝન તમારા માટે છે.
તમારો ફેવરિટ વકીલ પાછો આવ્યો છે પણ આ વખતે કેસ 'personal' છે. Criminal Justice – A Family Matter હવે જોવા મળશે Disney+ Hotstar પર.
શાહરુખ ખાનની ‘King’ માં દીપિકા પાદુકોણની એન્ટ્રી?: કેપટાઉનમાં શૂટિંગના વીડિયોથી ચર્ચા તેજ
