જીતની ઉજવણી કરવી પડી ભારે : પોલીસે કર્યો લાઠી ચાર્જ

ચેમ્પિયન્સ ટ્રોફી જીતતાની સાથે જ સમગ્ર દેશમાંથી ઉજવણી જોવા મળી હતી. રોડ રસ્તા પર લોકો આવીને ફટાકડા ફોડી, ત્રિરંગો લહેરાવી ઉજવણી કરી રહ્યાં હતા. પરંતુ આ બધાની વચ્ચે ભારતીય જનતા પાર્ટીએ આરોપ લગાવ્યો છે કે તેલંગાણામાં પોલીસે ઉજવણી કરતા લોકો પર લાઠીચાર્જ કર્યો છે. ભાજપના નેતાએ વીડિયો સોશિયલ મીડિયા પર શેર કર્યો છે.

Hyderabad police used lathicharge in Dilsukhnagar to stop citizens from celebrating India’s Champions Trophy victory. Similar scenes were reported in Karimnagar as well. Is this the new playbook in Congress-ruled states? Who exactly are they trying to appease? Where are Indians… pic.twitter.com/z34BOHQd6C

— Amit Malviya (@amitmalviya) March 9, 2025

ભાજપના IT સેલના નેતા અમિત માલવિયાએ લાઠીચાર્જનો વીડિયો શેર કર્યો અને લખ્યું, "હૈદરાબાદ પોલીસે દિલસુખનગરમાં નાગરિકોને ભારતની ચેમ્પિયન્સ ટ્રોફીની જીતની ઉજવણી કરતા રોકવા માટે લાઠીચાર્જ કર્યો. કરીમનગરમાં પણ આવા જ દ્રશ્યો જોવા મળ્યા હતા. શું કોંગ્રેસ શાસિત રાજ્યોમાં આ નવો ટ્રેન્ડ છે? તેઓ ખરેખર કોને ખુશ કરવાનો પ્રયાસ કરી રહ્યા છે? ભારતીયોએ પોતાના દેશની જીતની ઉજવણી ક્યાં કરવી જોઈએ?

MPમાં ઘર્ષણ
મધ્યપ્રદેશના ઇન્દોર નજીક મહૂમાં ચેમ્પિયન્સ ટ્રોફીમાં ભારતની જીત બાદ ઉજવણી દરમિયાન બે જૂથો વચ્ચે અથડામણ થઈ હતી. આ અથડામણ મહુમાં જામા મસ્જિદ નજીક થઈ હતી, જ્યાં વિજયની શોભાયાત્રા કાઢનારા લોકો અન્ય જૂથ સાથે ઝપાઝપી કરવા લાગ્યા હતા, જે પથ્થરમારામાં પરિણમી હતી. પરિસ્થિતિ કાબૂ બહાર જતા દેખાવકારોએ તોડફોડ કરી હતી. બે દુકાનો અને બે વાહનોને આગ ચાંપવામાં આવી હતી.