ભારતીય ટીમના દિગ્ગજ બેટ્સમેન અને ભૂતપૂર્વ કેપ્ટન વિરાટ કોહલીના બેંગ્લોર રેસ્ટોરન્ટ સામે પોલીસે કેસ નોંધ્યો છે. હકીકતમાં કબ્બન પાર્ક પોલીસે COTPA એક્ટ (સિગારેટ અને અન્ય તમાકુ ઉત્પાદનો અધિનિયમ 2003) ના ઉલ્લંઘનને ધ્યાનમાં લેતા વિરાટ કોહલીના રેસ્ટોરન્ટ અને પબ વન 8 કોમ્યુન સામે કલમ 4 અને 21 હેઠળ કેસ નોંધ્યો છે. આ કેસ સિગારેટ અને તમાકુ ઉત્પાદનોના ઉલ્લંઘન સાથે સંબંધિત છે.
કેસ કેમ નોંધવામાં આવ્યો?
આ કેસ રેસ્ટોરન્ટમાં સ્મોકિંગ ઝોન સાથે સંબંધિત છે. વન 8 કોમ્યુન રેસ્ટોરન્ટથી કબ્બન પાર્ક પોલીસ સ્ટેશનનું અંતર માત્ર 200 મીટર છે. પોલીસે રેસ્ટોરન્ટનું ઓચિંતું નિરીક્ષણ કરીને સંવેદનશીલતા દર્શાવીને તાત્કાલિક આ બાબતની નોંધ લીધી. પોલીસે યોગ્ય ધૂમ્રપાન સુવિધાઓ પૂરી ન પાડવા બદલ રેસ્ટોરન્ટ મેનેજર અને સ્ટાફ સામે કેસ નોંધ્યો છે.
Karnataka | Cubbon Park Police registered a suo-moto case against Virat Kohli-owned One 8 Commune pub and restaurant in Bengaluru for COTPA Act (Cigarettes and Other Tobacco Products Act) violations. The pub has been booked under Sections 4 and 21 of COTPA Act for not having a…
— ANI (@ANI) June 2, 2025
COTPA એક્ટની કલમ 4 અને 21 શું છે?
COTPA ની કલમ 4 જાહેર સ્થળોએ ધૂમ્રપાન પર પ્રતિબંધ મૂકે છે. કલમ 21 આ કાયદાના ઉલ્લંઘન માટે સજા અને દંડ લાદે છે. કલમ 4 હેઠળ શાળાઓ રેસ્ટોરન્ટ અથવા અન્ય શૈક્ષણિક સંસ્થાઓ જેવા જાહેર સ્થળોના પ્રવેશદ્વાર પર ધૂમ્રપાન પ્રતિબંધ બોર્ડ લગાવવાનું રહેશે. કલમ 21 માં કલમ 4ના નિયમોનું પાલન ન કરતા જોવા મળે તો સજા અને દંડની જોગવાઈ છે. દંડની રકમ 200 રૂપિયાથી શરૂ થાય છે.
મીડિયા રિપોર્ટ્સ અનુસાર પોલીસે સ્વતઃ સંજ્ઞાન લીધું છે અને કોઈપણ ફરિયાદ વિના રેસ્ટોરન્ટ સામે કાર્યવાહી કરી છે. આ બાબતે વન 8 કોમ્યુન રેસ્ટોરન્ટ તરફથી અત્યાર સુધી કોઈ પ્રતિક્રિયા આવી નથી. અગાઉ જુલાઈ 2024 માં પણ વિરાટ કોહલીનું આ રેસ્ટોરન્ટ વિવાદમાં આવ્યું હતું. તે સમયે રેસ્ટોરન્ટ લાંબા સમયથી ખુલ્લું હોવાની ફરિયાદ નોંધાઈ હતી.
