Good news for luxury car lovers : ભારત અને યુરોપિયન યુનિયન (EU) એ એક ઐતિહાસિક મુક્ત વેપાર કરાર (FTA) ની જાહેરાત કરી છે. આ કરાર બંને પક્ષો વચ્ચે વેપારના નવા દ્વાર ખોલશે. આ સમજૂતીની સૌથી મોટી અસર લક્ઝરી કાર સેગમેન્ટ પર જોવા મળશે, કારણ કે યુરોપથી આયાત થતી કાર પર હવે ટેક્સનું ભારણ ઘટશે.
ટેક્સમાં મોટો ઘટાડો
અત્યાર સુધી ભારત સરકાર યુરોપથી આવતી મોંઘી કાર ($40,000 થી વધુ કિંમતની) પર 110% કસ્ટમ ડ્યુટી વસૂલતી હતી. પરંતુ આ નવા કરાર મુજબ, આ ડ્યુટી તબક્કાવાર ઘટાડીને માત્ર 10% સુધી લાવવામાં આવશે. આ ફેરફારને કારણે વિદેશી ગાડીઓની કિંમતમાં કરોડો રૂપિયાનો ઘટાડો જોવા મળી શકે છે.
કઈ બ્રાન્ડ્સને થશે ફાયદો?
આ કરારનો સીધો લાભ યુરોપિયન કંપનીઓ જેવી કે Mercedes-Benz, BMW, Audi, Porsche, Land Rover, અને Rolls-Royce ને મળશે. દર વર્ષે આશરે 2.5 લાખ જેટલી યુરોપિયન કાર આ ઘટાડેલા ટેક્સનો લાભ લઈ શકશે. તેનાથી ભારતના લક્ઝરી કાર માર્કેટમાં વેચાણ વધવાની પૂરી શક્યતા છે.
સંભવિત નવી કિંમતો
કાર મોડલ | વર્તમાન કિંમત | નવી કિંમત (અંદાજે) |
|---|---|---|
Mercedes-Benz G-Class | ₹2.90 - 4.00 કરોડ | ₹2.00 - 2.70 કરોડ |
Land Rover Defender 130 | ₹1.70 - 2.00 કરોડ | ₹1.15 કરોડ |
Range Rover | ₹2.60 - 4.17 કરોડ | ₹1.80 - 2.90 કરોડ |
Rolls-Royce Ghost | ₹6.95 - 7.95 કરોડ | ₹4.80 - 5.50 કરોડ |
ફાયદો ક્યારે મળશે?
ધ્યાન રાખવા જેવી બાબત એ છે કે, ગાડીઓ રાતોરાત સસ્તી નહીં થાય. આ ઘટાડો તબક્કાવાર (Phased Manner) અમલમાં આવશે. પ્રથમ વર્ષે ડ્યુટી ઘટાડીને 40% કરવામાં આવી શકે છે. કરાર સંપૂર્ણપણે અમલમાં આવ્યા પછી જ ગ્રાહકોને તેનો પૂરેપૂરો લાભ મળશે. અપેક્ષા છે કે, આવતા વર્ષથી શોરૂમ કિંમતોમાં ફેરફાર દેખાવાનું શરૂ થશે.
EV અને સ્થાનિક સુરક્ષા
ભારત સરકારે આ સમજૂતીમાં એક સારું પગલું ભર્યું છે. ઇલેક્ટ્રિક વાહનો (EV) ને શરૂઆતના 5 વર્ષ માટે આ કરારથી બહાર રાખવામાં આવ્યા છે. આનું કારણ ટાટા મોટર્સ અને મહિન્દ્રા જેવી સ્થાનિક કંપનીઓના હિતોનું રક્ષણ કરવાનું છે, જેથી તેઓ વિદેશી સ્પર્ધા સામે ટકી શકે. આ લાભ હાલ પૂરતો માત્ર પેટ્રોલ અને ડીઝલ એન્જિન વાળી કારને જ મળશે.
