Border 2 Teaser Release: સની દેઓલની ગર્જના સાથે વરુણ ધવન, દિલજીત દોસાંઝ અને અહાન શેટ્ટીની શક્તિશાળી એન્ટ્રી, પાકિસ્તાનને ફરી ચેતવણી!વિજય દિવસના ખાસ પ્રસંગે 16 ડિસેમ્બર 2025ના રોજ રિલીઝ થયેલા બોર્ડર 2ના ટીઝરે દર્શકોમાં ભારે ઉત્તેજના પેદા કરી છે. 1997ની ક્લાસિક ફિલ્મ બોર્ડરની સિક્વલમાં સની દેઓલ મેજર કુલદીપ સિંહ ચંદપુરીની ભૂમિકામાં ફરી પાછા ફર્યા છે અને તેમની શક્તિશાળી ગર્જના સાથે વરુણ ધવન, દિલજીત દોસાંઝ અને અહાન શેટ્ટીની બટાલિયન દુશ્મનને ચેતવણી આપી રહી છે.
ભારત-પાકિસ્તાન યુદ્ધની પૃષ્ઠભૂમિ
ટીઝરમાં સની દેઓલના પાવરફુલ સંવાદો ગૂંજી ઉઠ્યા છે: "તમે જ્યાં પણ પ્રવેશવાનો પ્રયાસ કરશો – આકાશમાંથી, જમીન પરથી કે સમુદ્રમાંથી – તમને એક ભારતીય સૈનિક તમારી સામે ઉભો મળશે!" અને અંતમાં તેમની આઇકોનિક ગર્જના: "આવાજ ક્યાં સુધી જવો જોઈએ? લાહોર સુધી!"આ ટીઝર 1971ના ભારત-પાકિસ્તાન યુદ્ધની પૃષ્ઠભૂમિ પર આધારિત છે, જેમાં ભારતીય સેનાના ત્રણેય અંગો – થલસેના, વાયુસેના અને નૌસેના –ની બહાદુરી દર્શાવવામાં આવી છે. વરુણ ધવન થલસેનાના અધિકારી, દિલજીત દોસાંઝ વાયુસેનાના પાઇલટ અને અહાન શેટ્ટી નૌસેનાના અધિકારીની ભૂમિકામાં જોરદાર એક્શન કરતા જોવા મળે છે.
ટીઝરે સોશિયલ મીડિયા પર તહેલકો મચાવ્યો
ફિલ્મમાં મહિલા કલાકારો તરીકે મોના સિંહ, સોનમ બાજવા અને મેધા રાણા પણ મહત્વપૂર્ણ ભૂમિકામાં છે.અનુરાગ સિંહના દિગ્દર્શનમાં બનેલી આ ફિલ્મનું નિર્માણ ભૂષણ કુમાર અને જે.પી. દત્તા કરી રહ્યા છે. અંદાજિત બજેટ ₹250-300 કરોડની આ મોટી ફિલ્મ 23 જાન્યુઆરી 2026ના રોજ પ્રજાસત્તાક દિવસના વીકેન્ડમાં સિનેમાઘરોમાં રિલીઝ થશે. ટીઝરે સોશિયલ મીડિયા પર તહેલકો મચાવ્યો છે અને દર્શકો આતુરતાથી ફિલ્મની રાહ જોઈ રહ્યા છે. આ ભારતીય સૈનિકોની બહાદુરીને સલામ કરતી એક મહાકાવ્ય બનવાની છે!
