બોલિવૂડના એક્શન કિંગ સની દેઓલ ફરી એકવાર બોક્સ ઓફિસ પર 'ગદર' મચાવી રહ્યા છે. તેમની મોસ્ટ અવેટેડ ફિલ્મ 'બોર્ડર 2' રિલીઝ થતાની સાથે જ સિનેમાઘરોમાં છવાઈ ગઈ છે. માત્ર 8 દિવસના ટૂંકા ગાળામાં જ ફિલ્મે વર્લ્ડવાઈડ 300 કરોડ રૂપિયાથી વધુની કમાણી કરીને નવો ઈતિહાસ રચી દીધો છે. સની દેઓલની દેશભક્તિ અને દમદાર ડાયલોગ્સે પ્રેક્ષકોને ફરી એકવાર થિયેટરો તરફ ખેંચી લાવ્યા છે. આ ભવ્ય સફળતાથી ગદગદ થયેલા સની દેઓલે તાજેતરમાં જ કેક કાપીને અને મન મૂકીને ડાન્સ કરીને ફિલ્મની સક્સેસનું સેલિબ્રેશન કર્યું હતું, જેનો વીડિયો સોશિયલ મીડિયા પર વાયરલ થઈ રહ્યો છે.
8 દિવસમાં તોડ્યા અનેક રેકોર્ડ્સ
23 જાન્યુઆરીએ રિલીઝ થયેલી 'બોર્ડર 2' એ પહેલા દિવસથી જ બોક્સ ઓફિસ પર પકડ મજબૂત બનાવી હતી. ફિલ્મે ભારતમાં 250 કરોડનો આંકડો પાર કરી લીધો છે અને હવે તે ઝડપથી 350 કરોડના વર્લ્ડવાઈડ કલેક્શન તરફ આગળ વધી રહી છે. ટ્રેડ એનાલિસ્ટ્સના મતે, ફિલ્મની કમાણી જે ગતિએ વધી રહી છે તે જોતા આ વર્ષની સૌથી મોટી બ્લોકબસ્ટર સાબિત થઈ શકે છે.
દિવસવાર કમાણીનો ગ્રાફ (T-Series ના આંકડા મુજબ)
ફિલ્મની કમાણી પર નજર કરીએ તો તે કંઈક આવી રીતે રહી છે:
પહેલો દિવસ: 32.10 કરોડ
બીજો દિવસ: 40.59 કરોડ
ત્રીજો દિવસ: 57.20 કરોડ
ચોથો દિવસ: 63.59 કરોડ (સૌથી વધુ કમાણી)
પાંચમો દિવસ: 23.31 કરોડ
આઠમો દિવસ: 11.00 કરોડ (ભારતીય બજાર)
સની દેઓલનો 'બાહુબલી' અંદાજ
સોશિયલ મીડિયા પર વાયરલ થયેલા વીડિયોમાં સની દેઓલ ખૂબ જ ખુશ જોવા મળી રહ્યા છે. તેમણે પોતાની ટીમના સભ્યો સાથે કેક કાપી અને ડાન્સ પણ કર્યો હતો. આ સફળતા બાદ સનીએ ફેન્સનો આભાર માનતા જણાવ્યું કે, આ પ્રેમ જ તેમને વધુ મહેનત કરવાની પ્રેરણા આપે છે. ફિલ્મના શાનદાર કલેક્શનને જોઈને ફેન્સ સોશિયલ મીડિયા પર તેમને 'બોક્સ ઓફિસનો અસલી બાહુબલી' કહીને વધાવી રહ્યા છે.
શું 'બોર્ડર 2' 500 કરોડનો આંકડો પાર કરશે?
ફિલ્મ સમીક્ષકોનું માનવું છે કે વીકેન્ડમાં ફિલ્મ ફરી એકવાર તેજી પકડશે. જે રીતે ફેમિલી ઓડિયન્સ ફિલ્મ જોવા માટે ઉમટી રહી છે, તે જોતા 'બોર્ડર 2' આગામી દિવસોમાં 500 કરોડની ક્લબમાં સામેલ થાય તો નવાઈ નહીં. દેશભક્તિના રંગમાં રંગાયેલી આ ફિલ્મ 1997ની ઓરિજિનલ 'બોર્ડર'ની યાદો તાજી કરી રહી છે.
