બોલિવૂડ અભિનેતા ઇમરાન હાશ્મીને થયો ડેન્ગ્યુ : શૂટિંગમાંથી લીધો બ્રેક, કેવી છે હવે હાલત

બોલિવૂડ અભિનેતા ઇમરાન હાશ્મીના ચાહકો માટે ખરાબ સમાચાર છે. ઇમરાનને ડેન્ગ્યુ થયો હોવાનું નિદાન થયું છે. ઇમરાન હાલમાં તેની આગામી પેન-ઇન્ડિયા ફિલ્મ OGનું શૂટિંગ કરી રહ્યો છે. આ ફિલ્મમાં દક્ષિણના અભિનેતા અને નેતા પવન કલ્યાણ પણ તેની સાથે છે. હાલમાં, ફિલ્મનું શૂટિંગ પણ બંધ કરી દેવામાં આવ્યું છે. ઇમરાન ફિલ્મ OGનું શૂટિંગ આરે કોલોની, ગોરેગાંવ, મુંબઈમાં કરી રહ્યો હતો.

ફિલ્મ OGના શૂટિંગ દરમિયાન ઇમરાનની તબિયત બગડી હતી, ત્યારબાદ તે ડૉક્ટર પાસે ગયો હતો. ડૉક્ટરે તેને ડેન્ગ્યુ હોવાનું નિદાન કર્યું છે, અને તેને આરામ કરવાની સલાહ આપી છે. ફિલ્મ સાથે સંકળાયેલા પ્રોડક્શન લોકોનું કહેવું છે કે ઇમરાનની તબિયતમાં સતત સુધારો થઈ રહ્યો છે અને એવું કહેવામાં આવી રહ્યું છે કે તે ટૂંક સમયમાં સ્વસ્થ થઈ જશે.

ઇમરાન પવન કલ્યાણની ફિલ્મ સાથે તેલુગુમાં ડેબ્યૂ કરવા જઈ રહ્યો છે. તે આ ફિલ્મમાં મહત્વપૂર્ણ ભૂમિકા ભજવવા જઈ રહ્યો છે. આ અભિનેતાની બીજી ઇનિંગ છે. ઈમરાન સલમાન અને વાયઆરએફની સ્પાય યુનિવર્સ ફિલ્મ ટાઈગર 3 સાથે કમબેક કર્યું હતું. આ ફિલ્મમાં તેણે વિલનની ભૂમિકા ભજવી હતી, પરંતુ તેના કમબેકને નિર્માતાઓ અને ઈમરાનને અપેક્ષા મુજબનો પ્રેમ મળ્યો નહીં. તાજેતરમાં જ ઈમરાનની ફિલ્મ ગ્રાઉન્ડ ઝીરો રિલીઝ થઈ હતી. આ ફિલ્મમાં તેણે બીએસએફ કમાન્ડન્ટ નરેન્દ્ર નાથ ધર દુબેની ભૂમિકા ભજવી હતી. આ ફિલ્મનું નિર્માણ રિતેશ સિધવાની અને ફરહાન અખ્તર દ્વારા સંયુક્ત રીતે કરવામાં આવ્યું હતું.