Bihar Assembly Election: બિહાર વિધાનસભા ચૂંટણી પહેલા, કોંગ્રેસ નેતા રાહુલ ગાંધીએ મુઝફ્ફરપુરથી પોતાનો પ્રચાર શરૂ કર્યો. એક રેલીમાં આરજેડી નેતા તેજસ્વી યાદવ સાથે સ્ટેજ શેર કરતા, તેમણે વડા પ્રધાન નરેન્દ્ર મોદી અને મુખ્યમંત્રી નીતિશ કુમાર બંને પર આકરા પ્રહારો કર્યા. "જો તમે નરેન્દ્ર મોદીને મતના બદલામાં નાચવાનું કહો છો, તો તેઓ સ્ટેજ પર નાચશે."
રાહુલ ગાંધીએ કહ્યું, તેમણે વધુમાં કહ્યું કે મોદીને છઠ પૂજા કે યમુના નદીની સ્વચ્છતામાં કોઈ રસ નથી; તેઓ ફક્ત તમારા મત ઇચ્છે છે. તેમણે દિલ્હીમાં પ્રદૂષિત યમુના નદીમાં પૂજા કરતા ભક્તોની સરખામણી ખાસ 'બનવવમાં આવેલ તળાવમાં સ્નાન' કરતા વડા પ્રધાન સાથે કરતા કહ્યું, "મોદી તેમના સ્વિમિંગ પુલમાં નહાવા ગયા હતા; તેમને છઠ પૂજા સાથે કોઈ લેવાદેવા નથી."
BJP નો પલટવાર
ભાજપે પીએમ મોદી પર રાહુલ ગાંધીની ટિપ્પણીનો વળતો જવાબ આપ્યો. શાસક ભાજપે રાહુલ ગાંધીની ભાષાને "સ્થાનિક ગુંડા" ગણાવી અને કહ્યું કે તેમણે "પીએમ મોદીને મત આપનારા દરેકનું અપમાન કર્યું છે." ભાજપે આરોપ લગાવ્યો કે આ ટિપ્પણીઓએ "ભારતીય મતદાતાઓ અને લોકશાહીની મજાક ઉડાવી છે."
મુખ્યમંત્રી નીતિશ કુમાર પર પણ પ્રહાર
રાહુલે મુખ્યમંત્રી નીતિશ કુમાર પર પણ પ્રહાર કરતા કહ્યું કે તેમણે 20 વર્ષમાં પછાત વર્ગો માટે કંઈ કર્યું નથી. તેમણે આરોપ લગાવ્યો કે ભાજપ નીતિશ કુમારની ઇમેજનો ઉપયોગ કરી રહી છે જ્યારે "રિમોટ કંટ્રોલ ભાજપ પાસે છે." રાહુલે કહ્યું, "નીતીશ જીના ચહેરાનો ઉપયોગ થઈ રહ્યો છે, પરંતુ વાસ્તવિક નિયંત્રણ ભાજપ પાસે છે. તેમને સામાજિક ન્યાયની કોઈ ચિંતા નથી."
"મત ચોરી કરવાનો પ્રયાસ થઈ શકે છે" - રાહુલ ગાંધી
લોકસભામાં વિરોધ પક્ષના નેતા રાહુલ ગાંધીએ ભાજપ "મત ચોરી" માં સામેલ હોવાના તેમના લાંબા સમયથી ચાલતા આરોપને પુનરાવર્તિત કર્યો. તેમણે કહ્યું, "તેઓએ મહારાષ્ટ્ર અને હરિયાણામાં ચૂંટણી ચોરી કરી, અને હવે તેઓ બિહારમાં પણ પોતાનો પૂરો પ્રયત્ન કરશે." બિહારમાં મતદાતા યાદીઓમાંથી આશરે 66 લાખ નામો કાઢી નાખવાનો ઉલ્લેખ કરતા, રાહુલે લોકોને "મહાગઠબંધન" ને મત આપવા અપીલ કરી.
