Volkswagen Tayron R-Line : જર્મન કાર નિર્માતા કંપની 'Volkswagen' ભારતીય બજારમાં પોતાનો દબદબો બનાવવા માટે એક નવી ફ્લેગશિપ SUV Tayron R-Line લાવી રહી છે. આ કાર Tiguan નું મોટું વર્ઝન છે, જે ખાસ એવા લોકો માટે બનાવવામાં આવી છે જેમને વધુ સ્પેસ અને લક્ઝરી જોઈએ છે.
ડિઝાઇન સ્પોર્ટી અને આકર્ષક લુક
ટેરોન R-લાઇનનો એક્સટિરિયર લુક ખૂબ જ બોલ્ડ અને આધુનિક છે. તેની આગળની બાજુએ ચમકતો Volkswagen લોગો અને કનેક્ટેડ LED લાઇટ બાર આપવામાં આવી છે જે રાત્રે શાનદાર દેખાવ આપે છે. કારની સાઇડમાં 19 ઇંચના ડ્યુઅલ-ટોન એલોય વ્હીલ્સ અને વિન્ડો પર ક્રોમ ફિનિશ તેને પ્રીમિયમ લુક આપે છે. પાછળના ભાગમાં પિક્સલ સ્ટાઇલવાળી કનેક્ટેડ ટેલ લેમ્પ્સ તેને અન્ય SUV કરતા અલગ પાડે છે.
હાઇ-ટેક અને આરામદાયક કેબિન
આ કારનું કેબિન કોઈ લક્ઝરી લાઉન્જ જેવું છે. તેમાં 15 ઇંચની વિશાળ ટચસ્ક્રીન ઇન્ફોટેનમેન્ટ સિસ્ટમ અને 10.25 ઇંચનું ડિજિટલ ડ્રાઇવર ડિસ્પ્લે છે. મુસાફરોની સુવિધા માટે મસાજ ફંક્શનવાળી વેન્ટિલેટેડ સીટો અને 30 અલગ-અલગ કલરની એમ્બિયન્ટ લાઇટિંગ આપવામાં આવી છે. પેનોરેમિક સનરૂફ કેબિનને વધુ ખુલ્લું અને હવાદાર બનાવે છે.
પ્રીમિયમ ફીચર્સનો ખજાનો
Tayron માં ટેકનોલોજીનો ભરપૂર ઉપયોગ થયો છે. તેમાં 3-ઝોન ક્લાઇમેટ કંટ્રોલ, બે વાયરલેસ ફોન ચાર્જર, હરમન કાર્ડન સાઉન્ડ સિસ્ટમ અને હેડ્સ-અપ ડિસ્પ્લે (HUD) જેવા ફીચર્સ છે. મોટાભાગના કંટ્રોલ ટચસ્ક્રીન દ્વારા થાય છે, જ્યારે ડ્રાઇવ મોડ અને વોલ્યુમ માટે ખાસ મલ્ટી-ફંક્શન નોબ આપવામાં આવ્યું છે.
પર્ફોર્મન્સ અને પાવરફુલ એન્જિન
આ SUV માં 2.0 લિટરનું ટર્બો પેટ્રોલ TSI એન્જિન મળવાની શક્યતા છે, જે 204ps પાવર અને 320Nm ટોર્ક જનરેટ કરશે. આ એન્જિન 7-સ્પીડ DCT ગિયરબોક્સ સાથે જોડાયેલું હશે. ખરાબ રસ્તાઓ પર સારી પકડ માટે તેમાં '4-મોશન' ઓલ-વ્હીલ ડ્રાઇવ સિસ્ટમ પણ મળી શકે છે.
સેફ્ટીમાં નંબર-1
ફોક્સવેગને સુરક્ષા સાથે કોઈ બાંધછોડ કરી નથી. ટેરોન R-લાઇન 9 એરબેગ્સ, 360 ડિગ્રી કેમેરા અને ચારેય વ્હીલ પર ડિસ્ક બ્રેક સાથે આવે છે. સૌથી મહત્વનું ફીચર લેવલ-2 ADAS છે, જેમાં એડેપ્ટિવ ક્રુઝ કંટ્રોલ અને ઇમરજન્સી બ્રેકિંગ જેવા ફીચર્સ મળે છે, જે અકસ્માતનો ખતરો ઘટાડે છે.
કિંમત અને બૂકિંગ
ફોક્સવેગને Tayron R-Line નું બૂકિંગ શરૂ કરી દીધું છે. ભારતમાં આ કારની અંદાજિત એક્સ-શોરૂમ કિંમત ₹45 થી ₹50 લાખ વચ્ચે હોઈ શકે છે. બજારમાં તેના કોમ્પિટિટર્સ ટોયોટા ફોર્ચ્યુનર, સ્કોડા કોડિયાક અને એમજી ગ્લોસ્ટર જેવી દિગ્ગજ કારો સાથે થશે.
