Bhabhi Ji Ghar Par Hain: લોકપ્રિય કોમેડી શો ‘Bhabhi Ji Ghar Par Hain’માં અંગૂરી ભાભીનો રોલ કરીને ઘર-ઘરમાં છવાઈ ગયેલી અભિનેત્રી શુભાંગી અત્રેએ આખરે શો છોડવાની સત્તાવાર જાહેરાત કરી દીધી છે. લગભગ 10 વર્ષ સુધી આ આઇકોનિક કેરેક્ટરને જીવંત કરનાર શુભાંગીની જગ્યાએ હવે ફરી એકવાર શિલ્પા શિંદે અંગૂરી ભાભી બનીને પ્રેક્ષકોના દિલ જીતવા આવી રહી છે.
શુભાંગીએ શિલ્પા શિંદેને ખૂબ જ સુંદર રીતે વિદાય આપી
શુભાંગીએ પોતે પુષ્ટિ કરી છે કે તેણે ગયા અઠવાડિયે શોનો છેલ્લો એપિસોડ શૂટ કરી લીધો છે. ભાવુક થતાં તેણે કહ્યું,
“હું આ શોને આન, બાન અને શાનથી જોડાઈ હતી અને એ જ કૃપાથી અલવિદા કહી રહી છું. હું નવા પાત્રો અને નવી તકો શોધવા માંગું છું. મારી પુત્રી અને કામ – બસ આ બે જ વસ્તુઓ પર હવે મારું ધ્યાન છે.”
10 વર્ષ પછી શો છોડ્યો
તેણે કહ્યું, “આ રિપ્લેસમેન્ટ ગેમનો હવે અંત આવી ગયો છે. 10 વર્ષ પહેલા શિલ્પાએ 9 મહિના પછી શો છોડ્યો ત્યારે એવું લાગ્યું કે તેણે મને નવજાત બાળક સોંપ્યું છે. મેં એ બાળકનો 10 વર્ષ સુધી ઉછેર કર્યો, મૂલ્યો-સંસ્કાર આપ્યા અને હવે તેને પાછું આપી રહી છું. શિલ્પા એક શાનદાર અભિનેત્રી છે, હું તેની ખરેખર પ્રશંસા કરું છું. શોના 2.0 વર્ઝન માટે શિલ્પા અને આખી ટીમને ખૂબ ખૂબ શુભકામનાઓ!
શુભાંગીએ દર્શકોના અપાર પ્રેમ માટે આભાર માન્યો
”ઉલ્લેખનીય છે કે શુભાંગીએ આ પહેલાં પણ ‘ચિડિયાઘર’ શોમાં શિલ્પા શિંદેની જગ્યા લીધી હતી. એટલે આ બીજી વખત છે જ્યારે બંને વચ્ચે રોલની આપ-લે થઈ રહી છે. શુભાંગીએ દર્શકોના અપાર પ્રેમ માટે આભાર માન્યો છે અને કહ્યું કે અંગૂરી ભાભીનું પાત્ર તેના માટે હંમેશા ખાસ રહેશે. હવે બધાની નજર શિલ્પા શિંદે પર છે – શું તે ફરી એકવાર અંગૂરી ભાભીના જાદુઈ અંદાજથી દર્શકોને હસાવી શકશે? જલ્દી જ શોનું નવું વર્ઝન ઓન એર થશે!
