Bad news has come to light in the cricket world: ઓસ્ટ્રેલિયન ક્રિકેટમાંથી ખૂબ જ ચિંતાજનક સમાચાર સામે આવ્યા છે. પૂર્વ ઓસ્ટ્રેલિયન બેટ્સમેન Damien Martyn પોતાના જીવન માટે લડાઈ લડી રહ્યા છે. 54 વર્ષીય Martyn મગજના તાવ (Meningitis) ના ગંભીર રોગથી પીડાઈ રહ્યો છે. તેમને હોસ્પિટલમાં કોમામાં રાખવામાં આવ્યા છે. બોક્સિંગ ડે પર તેમની તબિયત અચાનક બગડી ગઈ, ત્યારપછી તેમને તાત્કાલિક ક્વીન્સલેન્ડની એક હોસ્પિટલમાં દાખલ કરવામાં આવ્યા.
બોક્સિંગ ડે પર તબિયત વધુ ખરાબ થઈ
Damien Martyn ની બીમારીની પુષ્ટિ તેમના નજીકના મિત્ર અને પૂર્વ ઓસ્ટ્રેલિયન વિકેટકીપર Adam Gilchrist એ કરી છે. Adam Gilchrist એ મીડિયાને જણાવ્યું હતું કે, Martyn ને ઉત્તમ તબીબી સંભાળ મળી રહી છે. તેમણે કહ્યું કે, ડોકટરોની એક ટીમ સતત તેમની સ્થિતિ પર નજર રાખી રહી છે. Adam Gilchrist ના જણાવ્યા મુજબ, Martyn ની પત્ની Amanda અને તેમનો પરિવાર આ મુશ્કેલ સમયમાંથી પસાર થઈ રહ્યા છે, પરંતુ તેમને વિશ્વભરમાંથી મળી રહેલી પ્રાર્થનાઓ અને શુભેચ્છાઓથી પ્રોત્સાહન મળી રહ્યું છે.
ક્રિકેટ જગતમાંથી પ્રાર્થનાઓનો વરસાદ
જ્યારથી Damien Martyn ની સ્થિતિ જાણીતી થઈ છે, ત્યારથી ક્રિકેટ જગતમાંથી પ્રાર્થનાઓનો વરસાદ થઈ રહ્યો છે. ઓસ્ટ્રેલિયાના પૂર્વ કોચ અને ખેલાડી Darren Lehmann સોશિયલ મીડિયા પર એક ભાવનાત્મક સંદેશ પોસ્ટ કર્યો. તેમણે Damien Martyn અને તેમના પરિવાર માટે તેમની અતૂટ પ્રાર્થનાઓ વ્યક્ત કરી અને આશા વ્યક્ત કરી કે, આ દૃઢ ખેલાડી આ યુદ્ધમાંથી બહાર નીકળી જશે. ઘણા પૂર્વ અને હાલમાં રમતા ખેલાડીઓએ પણ Damien Martyn ના ઝડપી સ્વસ્થ થવાની પ્રાથના કરી છે.
Damien Martyn શ્રેષ્ઠ સ્ટ્રોક-ખેલાડી
Damien Martyn ને તેમના યુગના શ્રેષ્ઠ સ્ટ્રોક-ખેલાડીઓમાંના એક ગણવામાં આવતા હતા. તેમણે ઓસ્ટ્રેલિયા માટે 67 ટેસ્ટ અને 208 ODI રમ્યા હતા. તેમણે ચાર T20 ઇન્ટરનેશનલ મેચ પણ રમી હતી. Damien Martyn 1999 અને 2003 વર્લ્ડ કપ વિજેતા ઓસ્ટ્રેલિયન ટીમનો ભાગ હતા. 2003 વર્લ્ડ કપ ફાઇનલમાં ભારત સામે તેમના નોટઆઉટ 88 રન હજુ પણ ક્રિકેટ ફેન્સને યાદ છે. તે મેચમાં, તેમણે અને કેપ્ટન રિકી પોન્ટિંગે 234 રનની નોટઆઉટ પાર્ટનરશીપ કરી હતી, જેને ઓસ્ટ્રેલિયન ટીમની જીતમાં મુખ્ય ભૂમિકા ભજવી હતી.
Damien Martyn ના આંકડા
પોતાની કારકિર્દી દરમિયાન, Damien Martyn એ ટેસ્ટ ક્રિકેટમાં 4406 અને ODI માં 5346 રન બનાવ્યા. તેમણે T20 ઇન્ટરનેશનલ મેચોમાં પણ 120 રન બનાવ્યા. 2006 માં ઇન્ટરનેશનલ ક્રિકેટમાંથી નિવૃત્તિ લીધા પછી પણ, તેઓ ક્રિકેટ સાથે જોડાયેલા રહ્યા અને રમત પ્રત્યેનો તેમનો જુસ્સો હંમેશા સ્પષ્ટ રહ્યો.
