England squad announced for SCG Test: ઇંગ્લેન્ડ અને વેલ્સ ક્રિકેટ બોર્ડ (ECB) એ ઓસ્ટ્રેલિયા સામે સિડનીમાં રમાનારી 5 મી અને અંતિમ એશિઝ ટેસ્ટ માટે ટીમની જાહેરાત કરી છે. ECB એ 12 ખેલાડીઓની ટીમ પસંદ કરી છે, પ્લેઇંગ ઇલેવન મેચના દિવસે બેન સ્ટોક્સ દ્વારા નક્કી કરવામાં આવશે. ઓસ્ટ્રેલિયા vs ઇંગ્લેન્ડ 5 મી ટેસ્ટ 4 જાન્યુઆરીથી રમાશે. સિડની ટેસ્ટ માટે ઇંગ્લેન્ડ ટીમમાં બે મોટા ફેરફારો કરવામાં આવ્યા છે. ઓફ સ્પિનર શોએબ બશીર અને ફાસ્ટ બોલર મેથ્યુ પોટ્સને 12 સભ્યોની ટીમમાં સામેલ કરવામાં આવ્યા છે.
એશિઝ 2025-26 માં પહેલીવાર સ્પેશિયાલિસ્ટ સ્પિનર રમશે
2024 માં ભારત સામે ટેસ્ટ ડેબ્યૂ કરનાર 22 વર્ષીય શોએબ બશીરે 19 ટેસ્ટ મેચ રમી છે અને 39.00 ની એવરેજથી 68 વિકેટ લીધી છે. આ ઓફ-સ્પિનરે અત્યાર સુધીમાં ટેસ્ટમાં 2 વખત 4 વિકેટ-હૉલ અને 4 વખત 5 વિકેટ-હૉલ લીધી છે. નોંધનીય છે કે, આ પહેલી વાર છે, જ્યારે ઇંગ્લેન્ડે વર્તમાન એશિઝ સિરીઝમાં કોઈ સ્પેશિયાલિસ્ટ સ્પિનરને સામેલ કર્યો છે. અગાઉ, ઓલરાઉન્ડર વિલ જેક્સ ટીમનો એકમાત્ર સ્પિન બોલિંગ ઓપ્શન હતો. 27 વર્ષીય મેથ્યુ પોટ્સે જૂન 2022 માં પ્રતિષ્ઠિત લોર્ડ્સમાં ન્યુઝીલેન્ડ સામે ટેસ્ટ ડેબ્યૂ કર્યું હતું. ત્યારથી, આ રાઇટ હેન્ડેડ ફાસ્ટ બોલરે 10 મેચ રમી છે, જેમાં 29.44 ની એવરેજથી 36 વિકેટ લીધી છે, જેમાં 2 વખત 4 વિકેટ-હૉલનો સમાવેશ થાય છે.
ગસ એટકિન્સન ટીમમાંથી બહાર
મેલબોર્નમાં બોક્સિંગ-ડે ટેસ્ટમાં ઓસ્ટ્રેલિયાને 4 વિકેટથી હરાવનાર ટીમમાંથી રાઇટ હેન્ડેડ ફાસ્ટ બોલર ગસ એટકિન્સન એકમાત્ર ખેલાડી છે જે ટીમમાં સામેલ નથી. હેમસ્ટ્રિંગની ઇજાને કારણે ગસ એટકિન્સન પાંચમી ટેસ્ટમાંથી બહાર થઈ ગયો છે. ઓસ્ટ્રેલિયા 3-1 થી આગળ છે અને પહેલાથી જ સિરીઝ જીતી લીધી છે.
ઓસ્ટ્રેલિયા સામેની પાંચમી એશિઝ ટેસ્ટ માટે ઇંગ્લેન્ડની ટીમ:
બેન સ્ટોક્સ (કેપ્ટન), શોએબ બશીર, જેકબ બેથેલ, હેરી બ્રુક, બ્રાયડન કાર્સ, ઝેક ક્રોલી, બેન ડકેટ, વિલ જેક્સ, મેથ્યુ પોટ્સ, જો રૂટ, જેમી સ્મિથ (વિકેટકીપર), જોશ ટંગ.
