ફિલ્મ જગત હોય કે પછી મ્યૂઝિક ઈન્ડસ્ટ્રી, અહીં પોતાની ઓળખ બનાવવી કોઈ માટે પણ સરળ કામ નથી. પરંતુ ઘણા સ્ટાર્સે પોતાની મહેનતથી સંઘર્ષ કરીને પોતાની ઓળખ બનાવી છે. આજે અમે તમને એક એવી જ સેલિબ્રિટી વિશે જણાવી રહ્યા છીએ જેનો આજે જન્મદિવસ છે. તે એક ગાયક છે જેણે પોતાની પ્રતિભાથી સંગીત ઉદ્યોગમાં પોતાની ઓળખ બનાવી છે.
આપણે વાત કરી રહ્યા છીએ પાકિસ્તાની ગાયક આતિફ અસલમની, જેમનો સિક્કો ભારતમાં પણ ખૂબ ચાલ્યો. પાકિસ્તાનના વઝીરાબાદમાં 12 માર્ચ 1983ના રોજ જન્મેલા આ ગાયક આજે પોતાનો 42મો જન્મદિવસ ઉજવી રહ્યા છે. આ ખાસ દિવસે, ચાલો તેમના જીવન વિશેની કેટલીક રસપ્રદ હકીકતો જણાવીએ આતિફ અસલમ એક સમયે પોતાની રોજીરોટી માટે ટેક્સી ચલાવતો હતો, પરંતુ આજે તેની પાસે અપાર સંપત્તિ છે.
આતિફ અસલમ ક્રિકેટર બનવા માગતો હતો
આતિફ અસલમે 2005માં ફિલ્મ 'ઝહર'ના ગીત 'વો લમ્હે' થી બોલિવૂડમાં ડેબ્યુ કર્યું હતું. ભારતીય ચાહકો પર તેમના અવાજનો એવો જાદુ ચાલ્યો કે સિંગરને એકથી વધુ ગીતોની ઓફર મળી હતી. પરંતુ શું તમે જાણો છો કે આતિફ અસલમ, જેને આજે ટોચના હિન્દી ગાયકોમાંના એક માનવામાં આવે છે, તેણે ક્યારેય ગાયક બનવાનું સપનું જોયું નહોતું, પરંતુ તે ક્રિકેટનો ચાહક હતો અને ક્રિકેટર બનવા માંગતો હતો. આવી સ્થિતિમાં સવાલ એ છે કે તે સંગિતની દુનિયામાં કેવી રીતે આવ્યો?
નુસરત ફતેહ અલી ખાન બન્યા સિંગિંગના ઈન્સ્પિરેશન
ધ ટ્રિબ્યુન સાથેની એક જૂની મુલાકાતમાં, આતિફ અસલમે ખુલાસો કર્યો હતો કે જ્યારે તેના ભાઈએ તેને નુસરત ફતેહ અલી ખાન સાથે પરિચય કરાવ્યો ત્યારે તેનું જીવન બદલાઈ ગયું હતું. નુસરતના ગીતો સાંભળ્યા પછી આતિફ ભગવાનની નજીક આવી ગયો અને તેણે તેના અવાજમાં છુપાયેલી પ્રતિભા જોઈ. આતિફ અસલમે ખુલાસો કર્યો હતો કે તેણે પોતાના ફાજલ સમયમાં પોકેટ મનીથી એક ગીત રેકોર્ડ કર્યું હતું.
પોકેટ મનીથી રેકોર્ડ કરાવ્યું પ્રથમ ગીત
"મેં મારા ખિસ્સામાંથી પૈસા ખર્ચીને મારું પહેલું ગીત આદત રેકોર્ડ કર્યું. જ્યારે વોટ્સએપ જેવું કંઈ નહોતું, ત્યારે મને તેને ઇન્ટરનેટ પર અપલોડ કરવામાં થોડી સેકંડ લાગી હતી. લોકોને તે ગમવા લાગ્યું અને પછી મેં એક મ્યુઝિક વીડિયો બનાવ્યો. અને ત્યાંથી જ મારી કારકિર્દીની શરૂઆત થઈ.
180 કરોડના માલિક છે આતિફ
આતિફ અસલમ પાસે ધન દોલતની કોઈ કમી નથી. કેટલાક મીડિયાના અહેવાલો અનુસાર, તેમની પાસે વૈભવી બંગલા અને વૈભવી કારની સાથે 180 કરોડ રૂપિયાની સંપત્તિ છે. ગાયક 2013માં સારા ભરવાના સાથે લગ્ન કર્યા હતા, જેની સાથે તેમને 2 પુત્રો અને એક પુત્રી છે.
