AR Rahman Controversy: ઓસ્કાર વિજેતા સંગીતકાર એઆર રહેમાન તાજેતરમાં એક ઇન્ટરવ્યુમાં આપેલી ટિપ્પણીઓને કારણે વિવાદમાં ઘેરાયા હતા. બીબીસી એશિયન નેટવર્ક સાથેના ઇન્ટરવ્યુમાં તેમણે બોલિવૂડમાં છેલ્લા આઠ વર્ષમાં કામ ઘટવાનું કારણ જણાવતાં "પાવર શિફ્ટ" અને "સાંપ્રદાયિકતા" (communal thing)નો ઉલ્લેખ કર્યો હતો. તેમણે વિક્કી કૌશલ અભિનીત ફિલ્મ છાવા (Chhaava)ને પણ "વિભાજનકારી" (divisive) ગણાવી હતી, જોકે તેના સંગીત માટે તેમને ગર્વ અનુભવાયો હોવાનું પણ કહ્યું હતું.
કંગના રનૌત સહિત કેટલાક વ્યક્તિઓએ ટીકા કરી
આ ટિપ્પણીઓએ સોશિયલ મીડિયા અને ફિલ્મ ઇન્ડસ્ટ્રીમાં તીવ્ર પ્રતિક્રિયાઓ ઉભી કરી. કેટલાકએ તેમને આક્ષેપ કર્યા, જ્યારે અન્યોએ બોલિવૂડમાં પક્ષપાત અને સાંપ્રદાયિકતાના મુદ્દાને ઉઠાવ્યો. કંગના રનૌત સહિત કેટલાક પ્રખ્યાત વ્યક્તિઓએ પણ તેમની સામે ટીકા કરી. વિવાદ વચ્ચે રવિવારે એઆર રહેમાને પોતાના ઇન્સ્ટાગ્રામ એકાઉન્ટ પર એક વીડિયો મેસેજ શેર કરીને મૌન તોડ્યું. તેમણે સ્પષ્ટ કર્યું કે તેમનો ક્યારેય કોઈને દુઃખ પહોંચાડવાનો કે નફરત ફેલાવવાનો ઇરાદો નહોતો.
મેં ક્યારેય કોઈને દુઃખ પહોંચાડવાનું ઇચ્છ્યું નથી
તેમણે કહ્યું:"ભારત મારી પ્રેરણા, મારા શિક્ષક અને મારું ઘર છે. ક્યારેક ઇરાદાઓને ગેરસમજ કરવામાં આવે છે, પરંતુ મારો હેતુ હંમેશા સંગીત દ્વારા લોકોને જોડવાનો, ઉત્થાન કરવાનો અને સેવા કરવાનો રહ્યો છે. મેં ક્યારેય કોઈને દુઃખ પહોંચાડવાનું ઇચ્છ્યું નથી અને આશા છે કે મારી પ્રામાણિકતા અનુભવાશે.
"હું ભારતીય હોવાનો ખૂબ જ ગર્વ અનુભવું છું"
"તેમણે વધુમાં કહ્યું: "હું ભારતીય હોવાનો ખૂબ જ ગર્વ અનુભવું છું, અને પોતાને ભાગ્યશાળી માનું છું, કારણ કે આ ઓળખ મને એવી જગ્યા બનાવવા માટે સશક્ત બનાવે છે જ્યાં અભિવ્યક્તિની સ્વતંત્રતા હોય અને બહુસાંસ્કૃતિક અવાજોની ઉજવણી થાય."રહેમાને પોતાની સંગીત યાત્રાના ઉદાહરણો આપ્યા, જેમ કે નાગાલેન્ડના યુવા સંગીતકારો સાથે કામ, સિક્રેટ માઉન્ટેન બેન્ડ અને નિતેશ તિવારીની રામાયણ ફિલ્મ (રણબીર કપૂર અભિનીત) માટે હંસ ઝિમર સાથે સંગીત કંપોઝ કરવાનું ગર્વનું કાર્ય ગણાવ્યું.
સ્પષ્ટીકરણથી વિવાદને શાંત કરવાના પ્રયાસ
પોસ્ટનું કેપ્શન આપ્યું: "સંગીત, સંસ્કૃતિ, કૃતજ્ઞતા." તેમણે જય હિંદ કહીને વીડિયો પૂરો કર્યો. આ સ્પષ્ટીકરણથી વિવાદને શાંત કરવાના પ્રયાસ તરીકે જોવામાં આવી રહ્યો છે, જ્યારે તેમની ટિપ્પણીઓએ બોલિવૂડમાં સર્જનાત્મકતા, પક્ષપાત અને સાંસ્કૃતિક વિવિધતા અંગેની ચર્ચા ફરી ઉભી કરી છે.
