સુસ્ત માર્કેટમાં પણ Appleની મોટી છલાંગ : માત્ર 3 મહિનામાં વેચ્યાભારતમાં 30 મિલિયન iPhone

iPhone નિર્માતા એપલ માટે વર્ષ 2025ની શરૂઆત સારી રહી છે. Apple પ્રથમ ત્રિમાસિક ગાળામાં ભારતમાં તેના અત્યાર સુધીના સૌથી વધુ iPhone વેચાણ હાંસલ કરવાના ટ્રેક પર છે. IDCના પ્રારંભિક અંદાજ મુજબ કંપનીએ 2025ના પ્રથમ ત્રણ મહિનામાં 3 મિલિયનથી વધુ iPhone વેચ્યા છે. આ આંકડો પાછલા નાણાકીય વર્ષના સમાન ત્રિમાસિક ગાળા કરતાં ઘણો વધારે છે.

આ કારણે આવ્યું બુસ્ટ
Appleએ ગયા વર્ષના પ્રથમ ત્રિમાસિક ગાળામાં 2.21 મિલિયન iPhone વેચ્યા હતા અને આ વર્ષના પ્રથમ ત્રણ મહિનામાં વેચાણનો આંકડો વધીને 3 મિલિયનથી વધુ થઈ ગયો છે. મની કંટ્રોલના એક રિપોર્ટ અનુસાર, ઈન્ટરનેશનલ ડેટા કોર્પોરેશન (IDC)ના રિસર્ચ મેનેજર ઉપાસના જોશીએ જણાવ્યું કે, 2025નો પ્રથમ ક્વાર્ટર એપલ માટે શાનદાર સાબિત થયો છે. કંપની દ્વારા ગ્રાહકોને આપવામાં આવેલી ડીલ્સ અને ડિસ્કાઉન્ટ ઓફરોએ 1Q25માં 3 મિલિયન iPhone વેચાણનો આંકડો પાર કરવામાં મહત્વની ભૂમિકા ભજવી છે. આમાં નો-કોસ્ટ EMI, કેશબેક ઑફર્સ અને અન્ય ડિસ્કાઉન્ટ વગેરેનો સમાવેશ થાય છે.

એટલા માટે છે મહત્વપૂર્ણ સિદ્ધિ
અમેરિકન દિગ્ગજ એપલે આ સિદ્ધિ એવા સમયે હાંસલ કરી છે, જ્યારે ભારતીય સ્માર્ટફોન માર્કેટ આ ત્રિમાસિક ગાળામાં જંગી ડિસ્કાઉન્ટ અને કિંમતમાં ઘટાડા છતાં મધ્ય સિંગલ ડિજિટથી ઘટવાની ધારણા છે. એપલની લેટેસ્ટ iPhone 16 સિરીઝ અને તેના હેઠળ લૉન્ચ કરવામાં આવેલ સસ્તું iPhone 16e મૉડલ પણ કંપનીના વિકાસમાં મહત્વની ભૂમિકા ભજવી છે. આ iPhone મોડલ્સનું વેચાણ 1Q25માં ઘણું વધારે રહ્યું છે. તેઓ કુલ શિપમેન્ટના અડધાથી વધુ હિસ્સો ધરાવે છે.

સૌથી ઝડપી વૃદ્ધિ નોંધાઈ
IDC એ હજુ ભારતીય સ્માર્ટફોન માર્કેટ માટે સંપૂર્ણ ડેટા જાહેર કર્યો નથી, પરંતુ જાન્યુઆરી અને ફેબ્રુઆરીના આંકડા વાર્ષિક ધોરણે 8.1 ટકાનો ઘટાડો દર્શાવે છે કારણ કે ગ્રાહકો સાવચેત રહે છે. વિવો અને સેમસંગના વેચાણમાં અનુક્રમે 2.7 ટકા અને 19.5 ટકાનો ઘટાડો જોવા મળ્યો હતો. જ્યારે Oppo અને Realme એ અનુક્રમે 14.3 ટકા અને 5.3 ટકા વૃદ્ધિ નોંધાવી છે. આઈડીસીના આદિત્ય રામપાલના જણાવ્યા અનુસાર એપલ, જે માર્કેટ શેરની દ્રષ્ટિએ ચોથા ક્રમે છે, તેણે 36.1 ટકાની સૌથી ઝડપી વૃદ્ધિ નોંધાવી છે.