Anupam Kher birthday: રેબલ સ્ટાર પ્રભાસની આગામી પીરિયડ એક્શન ડ્રામા 'Fauji'માં વરિષ્ઠ અભિનેતા અનુપમ ખેરનો સમાવેશ થયો છે. ફિલ્મના નિર્માતાઓએ અનુપમ ખેરના 71મા જન્મદિવસ નિમિત્તે તેમનો ખાસ પોસ્ટર રિલીઝ કરીને આ મોટી જાહેરાત કરી છે.
પોસ્ટર સાથે અનુપમ ખેરનો ફર્સ્ટ લુક
મૈત્રી મૂવી મેકર્સ (Mythri Movie Makers) દ્વારા સોશિયલ મીડિયા પર શેર કરાયેલા પોસ્ટમાં લખવામાં આવ્યું છે કે, "'Fauzi' બેટાલિયનમાં તમને મેળવવાનું અમારા માટે સન્માનની વાત છે. અદ્ભુત અનુપમ ખેરજીને જન્મદિવસની હાર્દિક શુભેચ્છાઓ! તમને સુખ-સમૃદ્ધિ અને સારું સ્વાસ્થ્ય મળે." આ પોસ્ટર સાથે અનુપમ ખેરનો ફર્સ્ટ લુક રજૂ કરવામાં આવ્યો છે, જે ફિલ્મના પ્રેક્ષકોમાં ભારે ઉત્સાહ જગાવી રહ્યો છે.
બહાદુર સૈનિકની પ્રેરણાદાયી વાર્તા
'Fauzi' એક પીરિયડ એક્શન ડ્રામા છે, જે ભારતીય ઇતિહાસના ઓછા જાણીતા પ્રકરણો પર આધારિત છે અને એક બહાદુર સૈનિકની પ્રેરણાદાયી વાર્તા કહે છે. ફિલ્મનું દિગ્દર્શન અને લેખન 'સીતા રામમ' ફેમ હનુ રાઘવપુડીએ કર્યું છે. નિર્માણ ભૂષણ કુમાર અને વાય. રવિ શંકર (Mythri Movie Makers) દ્વારા કરવામાં આવ્યું છે. સંગીત વિશાલ ચંદ્રશેખરનું છે, જ્યારે સિનેમેટોગ્રાફી સુદીપ ચેટર્જીએ હેન્ડલ કરી છે.
અનુપમ ખેરના ઉમેરાથી ફિલ્મની કાસ્ટ વધુ મજબૂત
ફિલ્મમાં પ્રભાસ લીડ રોલમાં છે, જ્યારે નવોદિત અભિનેત્રી ઇમાન્વી (Imanvi Esmail) હિરોઈન તરીકે ડેબ્યુ કરી રહી છે. કાસ્ટમાં મિથુન ચક્રવર્તી, જયપ્રદા અને અન્ય કલાકારો પણ મહત્વની ભૂમિકાઓમાં જોવા મળશે. અનુપમ ખેરના ઉમેરાથી ફિલ્મની કાસ્ટ વધુ મજબૂત બની છે, જે પાન-ઇન્ડિયા લેવલ પર ધમાલ મચાવવાની સંભાવના ધરાવે છે.અનુપમ ખેરે ફેબ્રુઆરી 2025માં જ પોતાના સોશિયલ મીડિયા પર આ પ્રોજેક્ટની જાહેરાત કરી હતી અને પ્રભાસને "બાહુબલી ઓફ ઇન્ડિયન સિનેમા" કહીને પ્રશંસા કરી હતી. તેઓ હાલમાં ફિલ્મના શૂટિંગમાં સક્રિય છે.
'Fauzi'નું રિલીઝ ઇન્ડિપેન્ડન્સ ડે વીકએન્ડ 2026 (14 ઓગસ્ટ 2026) આસપાસ થવાની અપેક્ષા છે, જો કે અધિકૃત તારીખ હજુ જાહેર થઈ નથી. પ્રભાસના ફેન્સ માટે આ ફિલ્મ એક મોટી ભેટ સમાન છે, જેમાં પેટ્રિયોટિક થીમ સાથે ભવ્ય એક્શન અને ઇમોશનલ ડેપ્થ જોવા મળશે.
