ગુજરાત ભાજપમાં 'ટીમ જગદીશ' જાહેર : 10 મંત્રી, 10 ઉપપ્રમુખ, 4 મહામંત્રી સહિત 27ની ટીમ જાહેર

Gujarat BJP Organization : ગુજરાત ભાજપમાં પ્રદેશ પ્રમુખ તરીકે જગદીશ વિશ્વકર્માની નિમણૂંક બાદ હવે સંપૂર્ણ નવી સંગઠનાત્મક ટીમ જાહેર કરવામાં આવી છે. ગુજરાત પ્રદેશ ભાજપ સંગઠનની આ નવી રચનામાં કુલ 27 સભ્યોનો સમાવેશ કરવામાં આવ્યો છે. જેમાં 10 મંત્રી, 10 ઉપપ્રમુખ અને 4 મહામંત્રીની નિમણૂંક કરવામાં આવી છે, જેથી સંગઠનને વધુ મજબૂત અને અસરકારક બનાવવાનો પ્રયાસ કરવામાં આવ્યો છે. નવી ટીમમાં કુલ 10 ઉપપ્રમુખ બનાવવામાં આવ્યા છે, જે અલગ-અલગ વિસ્તાર અને સમાજવર્ગનું પ્રતિનિધિત્વ કરે છે.

મહામંત્રી ચાર નામ જાહેર

મહામંત્રી તરીકે અનિરુદ્ધ દવે, ડો. પ્રશાંત કોરાટ, હિતેન્દ્રસિંહ ચૌહાણ અને અજય બ્રહ્મભટ્ટની નિમણૂંક કરવામાં આવી છે. ખાસ વાત એ છે કે ચાર મહામંત્રીમાંથી ત્રણ મહામંત્રી સૌરાષ્ટ્ર-કચ્છ વિસ્તારના છે, જેના કારણે આ વિસ્તારને સંગઠનમાં વિશેષ પ્રતિનિધિત્વ મળ્યું છે. મહામંત્રી અને મંત્રી તરીકે નિમાયેલ તમામ નેતાઓની પસંદગી સંગઠનને મજબૂત બનાવવા માટે સંતુલિત, અનુભવી અને પ્રતિનિધિત્વ ધરાવતી ટીમ તૈયાર કરવાની દૃષ્ટિથી કરવામાં આવી છે.

મોરચાઓ પ્રમુખોની પણ જાહેરાત

આ સાથે ભાજપના વિવિધ મોરચાઓની પણ જાહેરાત કરવામાં આવી છે. જેમાં કિસાન મોરચા, યુવા મોરચા, મહિલા મોરચા, SC-ST મોરચા, OBC મોરચા અને અલ્પસંખ્યક મોરચાના પ્રદેશ પ્રમુખોની નિમણૂંક કરવામાં આવી છે. નવી સંગઠનાત્મક રચના દ્વારા ભાજપ રાજ્યભરમાં પોતાની પ્રવૃત્તિઓને વધુ મજબૂત બનાવશે અને આવનારા સમયમાં રાજકીય તેમજ સંગઠનાત્મક પડકારોને વધુ અસરકારક રીતે સામનો કરશે તેવી અપેક્ષા વ્યક્ત કરવામાં આવી રહી છે.

જુઓ લિસ્ટ

4 મહામંત્રીની નિમણૂક

10 મંત્રીની નિમણૂક

1 કોષાધ્યક્ષ અને 1 સહ કોષાધ્યક્ષની નિમણૂક

કાર્યાલય મંત્રીની નિમણૂક

મુખ્ય પ્રવક્તા અને મીડિયા ઈન્ચાર્જની નિમણૂક

વિવિધ મોરચાના પ્રમુખની નિમણૂક