મહિન્દ્રા ગ્રૂપના ચેરમેન આનંદ મહિન્દ્રાની સોશિયલ મીડિયા પોસ્ટ હંમેશા ચર્ચામાં રહે છે. ક્યારેક ભારતના કોઈ ગામમાં મહેનત કરતાં વ્યક્તિ પર આનંદ મહિન્દ્રા અચાનક પ્રેમ વરસાવીને બોલેરો કાર ગિફ્ટ કરે છે તો ક્યારેક દુનિયામાં ચાલતી અજબ ગજબ વસ્તુઓના વીડિયો મુક્તા હોય છે. જોકે તેમના ફેન્સ હંમેશા તેમની કામગીરી અને સોશિયલ મીડિયા એક્ટવિટીની પ્રશંસા કરતા હોય છે.
હવે તેમણે સોશિયલ મીડિયા પ્લેટફોર્મ એક્સ પર એક વીડિયો શેર કર્યો છે, જેમાં તેમણે 1991થી અત્યાર સુધી મોબાઇલ ફોનના વિકાસને દર્શાવ્યો છે.
આ વીડિયો શેર કરીને તેમણે સેલ ફોનની આ અદભૂત સફર પર પોતાના વિચારો પણ શેર કર્યા. આનંદ મહિન્દ્રાનું માનવું છે કે તે દિવસ આવશે જ્યારે મોબાઇલ માનવ મગજમાં ફિટ થઈ જશે.
Fascinating
— anand mahindra (@anandmahindra) February 19, 2025
Yes, I’ve been around long enough to witness each and every one of these avatars of the ubiquitous cell phone.
But I’m not sure I want to be around long enough to see a cellphone be installed and implanted in our brains!
pic.twitter.com/w9iXe87VHC
1991થી વસ્તુઓ કેવી રીતે બદલાઈ છે
આનંદ મહિન્દ્રા દ્વારા શેર કરવામાં આવેલા વીડિયોમાં બતાવવામાં આવ્યું છે કે કેવી રીતે 1991થી મોબાઇલ ફોનમાં પરિવર્તનના વિવિધ તબક્કાઓ જોવા મળ્યા છે, જે તેમને આજના સ્માર્ટફોન તરફ દોરી જાય છે. વીડિયો શેર કરતાં તેણે લખ્યું, "હા, મેં સર્વવ્યાપક સેલ ફોનના આ બધા પ્રકારો જોયા છે. પરંતુ મને નથી લાગતું કે હું આપણા મગજમાં સેલ ફોન સ્થાપિત કરવા અને રોપવા માટે લાંબુ જીવવા માગુ છું! આનંદ મહિન્દ્રાની આ પોસ્ટ સોશિયલ મીડિયા પર ઝડપથી વાયરલ થઈ રહી છે. ઘણા યૂઝર્સે તેના પર કોમેન્ટ પણ કરી છે.
તમારા વીડિયો નિયમિતપણે શેર કરો
આ પહેલીવાર નથી જ્યારે મહિન્દ્રાએ ટેકનોલોજીકલ ઇનોવેશન પર પોતાના વિચારો શેર કર્યા હોય. અગાઉ મે 2024માં તેમણે આઈઆઈટીના વિદ્યાર્થીઓ દ્વારા વિકસાવવામાં આવેલા ફ્લાઇંગ ટેક્સી પ્રોજેક્ટને શેર કર્યો હતો. ગયા વર્ષે ઓગસ્ટમાં, તેમણે એક ચીની વ્યક્તિ દ્વારા વિકસાવવામાં આવેલા મચ્છર મારવાના ઉપકરણનો એક વીડિયો શેર કર્યો હતો, જેને તેમણે ઘરો માટે "લોખંડના ગુંબજ" જેવો ગણાવ્યો હતો.
