ગુજરાત કોંગ્રેસ પ્રદેશ પ્રમુખ તરીકે અમિત ચાવડાની નિમણૂક કરવામાં આવી છે. જ્યારે આદિવાસી નેતા તુષાર ચૌધરીને ગુજરાત વિધાનસભામાં કોંગ્રેસ પક્ષના નેતા બનાવવામાં આવ્યાં છે. અત્રે જણાવીએ કે, ધારાસભ્ય તુષાર ચૌધરી ખેડબ્રહ્માના કોંગ્રેસના ધારાસભ્ય છે.
૩૩ વર્ષમાં ગુજરાત કોંગ્રેસના 12 પ્રદેશ પ્રમુખ બદલાયાઃ
1) પ્રબોધ રાવલ – 1992 to 1997
2) સીડી પટેલ – 1997 to 2001
3) અમરસિંહ ચૌધરી – 2001 to 2002
4) શંકરસિંહ વાઘેલા – 2002 to 2004
5) બી.કે.ગઢવી – 2004 to 2005
6) ભરતસિંહ સોલંકી – 2006 to 2008
7) સિદ્ધાર્થ પટેલ – 2008 to 2010
8) અર્જુન મોઢવાડીયા – 2011 to 2015
9) ભરતસિંહ સોલંકી – 2015 to 2018
10) અમિત ચાવડા – 2018 to 2021
11) જગદીશ ઠાકોર – 2021 to 2023
12) શક્તિસિંહ ગોહિલ – 2023 to 2025
13) અમિત ચાવડા- બીજીવાર પ્રદેશ કોંગ્રેસ પ્રમુખ બન્યા
ગુજરાત કોંગ્રેસમાં રાજકીય પાટખુંભ બદલાયું છે. શક્તિસિંહ ગોહિલના રાજીનામા બાદ આંકલાવના ધારાસભ્ય અમિત ચાવડાને ગુજરાત કોંગ્રેસના નવા પ્રદેશ પ્રમુખ તરીકે નિમણૂક કરવામાં આવી છે. સાથે સાથે પાર્ટીએ તુષાર ચૌધરીને વિધાનસભામાં વિપક્ષના નેતા તરીકે જવાબદારી સોંપી છે. આ સાથે અમિત ચાવડા બીજી વખત ગુજરાત પ્રદેશ કોંગ્રેસના પ્રમુખ બન્યા છે. તેમણે અગાઉ 2018થી 2021 દરમિયાન આ પદ સંભાળ્યું હતું. તે સમયે મહાનગરપાલિકા અને જિલ્લા પંચાયતની ચૂંટણીમાં મળેલા પરાજય પછી તેમણે રાજીનામું આપ્યું હતું.
રાજકીય વારસાને આગળ ધપાવનાર અમિત ચાવડા-
અમિત ચાવડા રાજકીય વારસાવાળું વ્યક્તિત્વ ધરાવે છે. તેમના દાદા ઈશ્વરભાઈ ચાવડા એક સમયના લોકસભા સાંસદ હતા અને તેઓ ગુજરાતના પૂર્વ મુખ્યમંત્રી માધવસિંહ સોલંકીના સસરા હતા. આમ અમિત ચાવડા, ભૂતપૂર્વ પ્રદેશ પ્રમુખ ભરતસિંહ સોલંકીના મામાના દીકરા બને છે. તેમના પિતા અજીત ચાવડા પણ રાજકીય પ્રવૃત્તિથી સંકળાયેલા રહ્યા છે.
પ્રમુખપદ માટે હતી તીવ્ર સ્પર્ધા-
પ્રદેશ પ્રમુખ પદ માટે ગેનીબેન ઠાકોર અને લાલજી દેસાઈ સહિતના નેતાઓના નામ પણ ચર્ચામાં હતા, પણ અંતે અમિત ચાવડા પર ભરોસો મુકાયો. કોંગ્રેસ હાઈકમાન્ડે organizational experience અને સંગઠનશક્તિ ધ્યાનમાં લઇને તેમને પસંદ કર્યો.
છેલ્લાં 7 વર્ષમાં ત્રણ પ્રમુખ બદલાવ-
ગુજરાત કોંગ્રેસે છેલ્લા સાત વર્ષમાં ત્રણ પ્રદેશ પ્રમુખ બદલ્યા છે.
2021માં શહેર અને ગ્રામ પંચાયતોની ચૂંટણીમાં પરાજય બાદ અમિત ચાવડાએ રાજીનામું આપ્યું હતું.
પછી જગદીશ ઠાકોર બનેલા, જેઓ 2022ની વિધાનસભા ચૂંટણી બાદ સ્થાને રાજીનામું આપવું પડ્યું.
2023માં શક્તિસિંહ ગોહિલ પ્રદેશ પ્રમુખ બન્યા હતા, પરંતુ તાજેતરમાં કડી અને વિસાવદરની પેટાચૂંટણીઓના પરિણામો બાદ તેમણે પદ છોડ્યું.
કોંગ્રેસ માટે અગામી પડકારો-
નવી નિયુક્તિઓ સાથે કોંગ્રેસ હવે 2027ની વિધાનસભા ચુંટણી અને પૂર્વાર્ધ ચૂંટણીમાં પોતાનું સંગઠન મજબૂત કરવા પ્રયાસ કરશે. અમિત ચાવડા અને તુષાર ચૌધરી સામે પાર્ટીને પતનશીલ સ્થિતિમાંથી બહાર લાવવા અને વિશ્વાસ પુનઃપ્રાપ્ત કરવાનો મોટો પડકાર રહેશે.
1995થી ગુજરાતમાં સત્તાથી દૂર છે કોંગ્રેસઃ
રાજ્યમાં 1995, 1998, 2002, 2007, 2012 અને 2017, 2022 એમ 7 વિધાનસભા ચૂંટણી યોજાઈ ચૂકી છે અને આ તમામ ચૂંટણીમાં કોંગ્રેસને પછડાટ મળી છે. માત્ર એટલું જ નહીં, 2014 અને 2019ની લોકસભા ચૂંટણીમાં તો કોંગ્રેસનો તમામ 26 લોકસભા બેઠકો પર પરાજય થયો હતો, જોકે 2024ની લોકસભા ચૂંટણીમાં સમ ખાવા પૂરતી એક સીટ મળી હતી.
