AI Impact Summit: ભારત આજે વૈશ્વિક AI ક્ષેત્રે નવો ઇતિહાસ રચી રહ્યું છે! India AI Impact Summit 2026ના ચોથા દિવસે (19 ફેબ્રુઆરી 2026) પ્રધાનમંત્રી નરેન્દ્ર મોદી નવી દિલ્હીના ભારત મંડપમ ખાતે 20થી વધુ દેશોના રાષ્ટ્રાધ્યક્ષો અને સરકારી વડાઓનું સ્વાગત કરશે. આ સમિટ ગ્લોબલ સાઉથમાં આયોજિત પ્રથમ મોટા AI સમિટ તરીકે ખાસ મહત્વ ધરાવે છે.
મુખ્ય હાઇલાઇટ્સ:
સવારે આશરે 9:15 વાગ્યે વિશ્વ નેતાઓ સાથે ગ્રુપ ફોટો (ફેમિલી ફોટો) લેવામાં આવશે.
9:40 વાગ્યે સમિટના ઉદ્ઘાટન સમારોહની શરૂઆત થશે.
સવારે 10:25 વાગ્યે પીએમ મોદી વૈશ્વિક નેતાઓ, ટેક દિગ્ગજો અને હાજર તમામને સંબોધિત કરશે, જેમાં ભારતનું AI વિઝન, હ્યુમન-સેન્ટ્રિક AI અને સમાવેશી વિકાસ પર ભાર મૂકવામાં આવશે.
સમિટમાં ફ્રાન્સ, બ્રાઝિલ, ભૂતાન સહિતના નેતાઓ સહિત 20થી વધુ દેશોના હેડ્સ ઑફ સ્ટેટ/ગવર્નમેન્ટ હાજર રહેશે. આ ઉપરાંત ઓપનએઆઇના સીઇઓ સેમ ઑલ્ટમેન, ગૂગલ ડીપમાઇન્ડના ડેનિસ હેસાબિસ, બિલ ગેટ્સ, મુકેશ અંબાણી જેવા ટેક લીડર્સ પણ ભાગ લઈ રહ્યા છે.
16 ફેબ્રુઆરીએ શરૂ થયેલી આ સમિટ 20 ફેબ્રુઆરી સુધી ચાલશે, જેમાં 100થી વધુ દેશોના 500+ ગ્લોબલ AI લીડર્સ, સ્ટાર્ટઅપ્સ અને એકેડેમિક્સ ભાગ લઈ રહ્યા છે. ભારતીય સ્ટાર્ટઅપ્સ સહિત અત્યાધુનિક AI ટેક્નોલોજીનું પ્રદર્શન થઈ રહ્યું છે.
આ સમિટ ભારતને AIના વૈશ્વિક નેતૃત્વમાં મજબૂત સ્થાન અપાવવા માટે મહત્વનું પગલું છે, જેમાં "સર્વજન હિતાય, સર્વજન સુખાય"ના સિદ્ધાંત સાથે AIનો ઉપયોગ માનવતા, સમાવેશી વિકાસ અને ટકાઉ ભવિષ્ય માટે કરવા પર ધ્યાન કેન્દ્રિત કરવામાં આવી રહ્યું છે.આજનું આ કાર્યક્રમ ભારતની AI જર્નીમાં એક માઇલસ્ટોન સાબિત થશે!
