'Saiyaara' ફેમ આ જોડીના ગળા પાછળ એક સરખા 'નોર્થ સ્ટાર' ટેટૂ દેખાતા ફેન્સમાં રોમાંચ, ડેટિંગની ચર્ચાઓ શરૂ
બોલિવૂડના ઉભરતા કલાકારો Ahaan Panday અને Aneet Padda હાલમાં ઇન્ટરનેટ પર જોરદાર ચર્ચામાં છે. સોશિયલ મીડિયા પર વાયરલ થયેલી તેમની લેટેસ્ટ તસવીરોએ ફેન્સ વચ્ચે એક નવો જ ગણગણાટ શરૂ કરી દીધો છે. આ તસવીરોમાં બંનેના ગળાના પાછળના ભાગમાં એક સરખા 'નોર્થ સ્ટાર' (North Star) ના ટેટૂ જોવા મળી રહ્યા છે. આ મેચિંગ ટેટૂ સામે આવ્યા બાદ ફેન્સ અનુમાન લગાવી રહ્યા છે કે બંને રીઅલ લાઈફમાં પણ એકબીજાને ડેટ કરી રહ્યા છે.
ફિલ્મ 'Saiyaara' ની સુપરહીટ કેમિસ્ટ્રી
Ahaan Panday અને Aneet Padda એ વર્ષ 2025 માં યશરાજ ફિલ્મ્સની બ્લોકબસ્ટર ફિલ્મ 'Saiyaara' થી બોલિવૂડમાં ડેબ્યૂ કર્યું હતું. મોહિત સુરીના ડિરેક્શનમાં બનેલી આ મ્યુઝિકલ લવ સ્ટોરીને દર્શકોનો અઢળક પ્રેમ મળ્યો હતો. આ ફિલ્મે બોક્સ ઓફિસ પર વર્લ્ડવાઇડ 571 કરોડ રૂપિયાથી વધુની કમાણી કરીને ઇન્ડિયન સિનેમાની સૌથી કમાણી કરનારી લવ સ્ટોરીઝમાં સ્થાન મેળવ્યું છે. ફિલ્મમાં બંનેની ઓન-સ્ક્રીન કેમિસ્ટ્રી એટલી શાનદાર હતી કે ફેન્સ ત્યારથી જ તેમને રીઅલ લાઈફમાં સાથે જોવા ઈચ્છતા હતા.
એરપોર્ટ પર છુપાવ્યો હતો ચહેરો
ટેટૂની તસવીરો વાયરલ થતા પહેલાં આ જોડી અમૃતસર એરપોર્ટ પર પણ સાથે જોવા મળી હતી. તેનો એક વીડિયો સોશિયલ મીડિયા પર સામે આવ્યો હતો, જેમાં બંને પેપરાઝી (મીડિયા કેમેરા) થી બચવા માટે માસ્ક પહેરીને પોતાના ચહેરા છુપાવતા અને ઉતાવળે ચાલતા જોવા મળ્યા હતા. લો-પ્રોફાઇલ રહેવાના આ પ્રયાસ અને હવે ગળા પર મેચિંગ ટેટૂ દેખાવાને કારણે ફેન્સ સોશિયલ મીડિયા પર હાર્ટ ઇમોજીસનો વરસાદ કરી રહ્યા છે.
આગામી પ્રોજેક્ટમાં ફરી દેખાશે સાથે
વર્ક ફ્રન્ટની વાત કરીએ તો, 'Saiyaara' ની જોરદાર સફળતા બાદ ડિરેક્ટર મોહિત સુરી ફરી એકવાર આ હિટ જોડી પર ભરોસો મૂકી રહ્યા છે. યશરાજ ફિલ્મ્સના બેનર હેઠળ અક્ષય વિધવાની દ્વારા પ્રોડ્યુસ થનારી એક આગામી અનટાઇટલ્ડ ફિલ્મ માટે Ahaan અને Aneet ફરી એકસાથે શૂટિંગ શરૂ કરવા જઈ રહ્યા છે, જે પણ એક ઇન્ટેન્સ લવ સ્ટોરી હશે તેવું માનવામાં આવે છે.
