England vs West Indies: IPL 2025 દરમિયાન ઈંગ્લેન્ડ અને વેસ્ટ ઈન્ડિઝ વચ્ચે 3 ODI અને 3 T20 મેચની શ્રેણી રમાશે. જેના માટે ઈંગ્લેન્ડ ટીમની પણ જાહેરાત કરવામાં આવી છે. હેરી બ્રુક ODI અને T20 શ્રેણીમાં ઈંગ્લેન્ડ ટીમનું નેતૃત્વ કરતા જોવા મળશે. જ્યારે ઈંગ્લેન્ડની T20 ટીમમાં એક એવો ખેલાડી પ્રવેશ્યો છે જેને 3 વર્ષનો લાંબો સમય રાહ જોવી પડી હતી. 3 વર્ષમાં આ ખેલાડીને આંતરરાષ્ટ્રીય મેચ રમવાની તક મળી નથી.
3 વર્ષ પછી ઈંગ્લેન્ડની ટીમમાં વાપસી
IPL 2025 ની અંતિમ મેચ 3 જૂને રમાશે. દરમિયાન ઈંગ્લેન્ડ અને વેસ્ટ ઈન્ડિઝ વચ્ચે 29 મેથી ODI શ્રેણી શરૂ થશે. ODI પછી બંને ટીમો વચ્ચે T20 શ્રેણી રમાશે. જેના માટે ડાબોડી સ્પિન ઓલરાઉન્ડર લિયામ ડોસનને પણ T20 ટીમમાં સામેલ કરવામાં આવ્યો છે. લિયામ ડોસનને 3 વર્ષ પછી ટીમમાં પસંદ કરવામાં આવ્યો છે. લિયામ ડોસને 2016 માં ઈંગ્લેન્ડ માટે ડેબ્યૂ કર્યું હતું. જ્યારે, તેણે 2022 માં તેની છેલ્લી આંતરરાષ્ટ્રીય મેચ રમી હતી. 3 વર્ષ સુધી આંતરરાષ્ટ્રીય ક્રિકેટથી દૂર રહ્યા પછી આ ખેલાડી ઘરેલુ ક્રિકેટ રમવાનું ચાલુ રાખ્યું.
🏏 Who are you backing to have a BIG summer? 🤔#ENGvWI | #EnglandCricket pic.twitter.com/34NuA4adju
— England Cricket (@englandcricket) May 13, 2025
લિયામ ડોસનની ક્રિકેટ કારકિર્દી
લિયામ ડોસને ઇંગ્લેન્ડ માટે અત્યાર સુધી 6 ODI, 3 ટેસ્ટ અને 11 T20 મેચ રમી છે. લિયામે અત્યાર સુધી ODI માં ફક્ત 63 રન બનાવ્યા છે, આ સિવાય તેણે બોલિંગ કરતી વખતે 5 વિકેટ પણ લીધી છે. તે જ સમયે, 3 ટેસ્ટ મેચમાં તેના બેટમાંથી 84 રન આવ્યા છે અને આ ખેલાડીએ બોલિંગ કરતી વખતે 7 વિકેટ લીધી છે. તે જ સમયે, તેણે 11 T20 મેચમાં 57 અને 6 વિકેટ લીધી છે.
England name their squad for the three-match T20I series against West Indies next month 🏴
— ESPNcricinfo (@ESPNcricinfo) May 13, 2025
Liam Dawson is set to play for the first time since 2022, while Liam Livingstone has been left out of the 15-man squad pic.twitter.com/s5bnok17QD
વેસ્ટ ઈન્ડિઝ સામે ઈંગ્લેન્ડની T20 ટીમ
હેરી બ્રુક (કેપ્ટન), ફિલ સોલ્ટ, જોસ બટલર, બેન ડકેટ, જેકબ બેથેલ, બ્રાયડન કાર્સ, વિલ જેક્સ, રેહાન અહેમદ, ટોમ બેન્ટન, જેમી ઓવરટન, લિયામ ડોસન, સાકિબ મહમૂદ, મેથ્યુ પોટ્સ, આદિલ રશીદ, લ્યુક વુડ.
