જુનાગઢના પ્રખ્યાત યુ ટ્યૂબર અબજલ સીડાએ કીર્તિ પટેલ અને તેની ટોળકીના ત્રાસને કારણે ફિનાઈલ પીધું. આ સમગ્ર ઘટના કીર્તિ પટેલના વિવાદિત લાઈવ વીડિયોને લઇને બની છે. કીર્તિ પટેલે મૃગીકુંડમાં સ્નાન કરીને એક વિવાદ સર્જ્યો હતો, જે અબજલ સીડાએ યૂટ્યુબ પર લાઈવ કરીને બતાવ્યો હતો. આ લાઈવ વીડિયોને કારણે કીર્તિ પટેલના ફોલોઅર્સની સંખ્યા ઘટી ગયા છે તેવું કહી ધાક ધમકી આપી હતી.
કીર્તિ પટેલના ત્રાસથી એક યુ ટ્યૂબરે ફિનાઇલ પીધું!
અબજલ સીડાએ દાવો કર્યો હતો કે કીર્તિ પટેલ અને તેની ટોળકી દ્વારા 20 લાખ રૂપિયાની ખંડણી માંગવામાં આવી હતી, અને તેમાં જ ક્રમમાં અબજલને ખોટા દુષ્કર્મના કેસમાં ફસાવવાની ધમકી આપવામાં આવી હતી. આ દબાવના કારણે અબજલ સીડાએ બેવાર ફિનાઈલ પીધું હોવાનો પોતે વીડિયો બનાવી દાવો કર્યો હતો. જો કે, અત્યારે તે હોસ્પિટલમાં દાખલ છે અને તેની સારવાર ચાલ રહ છે.
કીર્તિ, દિવ્યા સહિત પાંચ લોકો સામે ગુનો નોંધવામાં આવ્યો
આ બનાવને પગલે, જુનાગઢમાં કીર્તિ પટેલ સામે ગુનો નોંધવામાં આવ્યો છે. આ ગુનો કીર્તિ પટેલ અને તેની ટોળકી સામે નોંધાયો છે, જેમાં દિવ્યા સહિત પાંચ લોકોનો સમાવેશ થાય છે. કીર્તિ પટેલ સામે છેલ્લા પખવાડિયામાં બીજા બં ગુનાઓ પણ નોંધાઈ ચુક્યા છે, આ સમગ્ર મસલો આજના સમયના સોશિયલ મીડિયાના વિવાદોના પરિપ્રેક્ષ્યમાં ઘણા મોટા પ્રમાણમાં ચર્ચાઈ રહ્યો છે. કીર્તિ પટેલ અને તેની ટોળકી સામે આગળ કઈ કાર્યવાહી થશે, તે જોવું રહ્યું.
