‘Aap Jaisa Koi’ એક રોમેન્ટિક કોમેડી ફિલ્મ છે, જેનું દિગ્દર્શન વિવેક સોનીએ કર્યું છે અને તે Netflix પર 11 જુલાઈ, 2025ના રોજ રિલીઝ થઈ છે. આ ફિલ્મમાં R. Madhavan અને Fatima Sana Shaikh મુખ્ય ભૂમિકામાં છે, જે એક એવી લવ સ્ટોરી રજૂ કરે છે જે સમાજના દબાણ અને પરંપરાઓની વચ્ચે પ્રેમની શોધ કરે છે. આ ફિલ્મ કરણ જોહરના ધર્મા પ્રોડક્શન દ્વારા નિર્મિત છે. R. Madhavanની આ રોમ-કોમ ફિલ્મ 2015માં આવેલી ‘Tanu Weds Manu: Returns’ પછીની તેમની પ્રથમ રોમેન્ટિક કોમેડી છે, જે ફેન્સ માટે ખાસ આકર્ષણ ધરાવે છે.
ફિલ્મની સ્ટોરી શું છે?
ફિલ્મની સ્ટોરી શ્રીરેનુ ત્રિપાઠી (R. Madhavan) નામના એક મધ્યમવયના સંસ્કૃત શિક્ષકની આસપાસ ફરે છે, જે જમશેદપુરમાં રહે છે. શ્રીરેનુ એક શરમાળ અને પોતાની ભાવનાઓને દબાયેલી રાખે તેવો વ્યક્તિ છે,જે 42 વર્ષની ઉંમરે પણ 'unmarried' છે અને પોતાના જીવનમાં એકલતા અનુભવે છે. તે માને છે કે તેના બાળપણની એક ઘટના, જ્યાં તેની સ્કૂલની સાથીદારે તેને શાપ આપ્યો હતો કે તે ક્યારેય લગ્ન નહીં કરી શકે, તેના જીવન પર અસર કરી રહી છે. બીજી તરફ, મધુ બોસ (Fatima Sana Shaikh) એક આત્મવિશ્વાસથી ભરેલી ફ્રેન્ચ શિક્ષિકા છે, જે કોલકાતામાં રહે છે. તે એક ખુલ્લા વિચારોવાળી અને મોડર્ન મહિલા છે. આ બંનેની મુલાકાત એક ડેટિંગ એપ ‘Aap Jaisa Koi’ દ્વારા થાય છે, જે એકલા લોકોને જોડે છે. શ્રીરેનુ અને મધુ એકબીજા સાથે પ્રેમમાં પડે છે, પરંતુ તેમના સંબંધને કૌટુંબિક દબાણ અને સમાજની રૂઢિગત માન્યતાઓનો સામનો કરવો પડે છે. ફિલ્મમાં બરાબરીના પ્રેમની વાતને ખૂબ જ સુંદર રીતે રજૂ કરવામાં આવી છે.
ફિલ્મ કેવી છે?
‘Aap Jaisa Koi’ એક એવી ફિલ્મ છે જે રોમેન્ટિક કોમેડીના માધ્યમથી ગંભીર સામાજિક મુદ્દાઓ પર પ્રકાશ પાડે છે. R. Madhavan શ્રીરેનુના પાત્રમાં ખૂબ જ સારી રીતે ફિટ થાય છે, જે એક શરમાળ, પરંતુ પ્રામાણિક માણસની ભૂમિકા ભજવે છે. Fatima Sana Shaikh પણ મધુના પાત્રમાં ઉત્તમ પ્રદર્શન આપે છે, જે એક સ્વતંત્ર મહિલાની ભૂમિકા ભજવે છે. બંનેની કેમેસ્ટ્રી શરૂઆતમાં ખૂબ જ આકર્ષક લાગે છે, જોકે કેટલાક દ્રશ્યોમાં તે થોડી નબળી પડે છે. કેટલાક ક્રિટીક્સનું માનવું છે કે ફિલ્મનો સ્ક્રીનપ્લે થોડો નબળો છે અને સ્ટોરી એક સમયે દિશાહીન લાગે છે. ખાસ કરીને, બીજા ભાગમાં ફિલ્મ થોડી ધીમી થઈ જાય છે, જે દર્શકોની રુચિને થોડી અસર કરે છે. આ ઉપરાંત, કેટલાક દ્રશ્યોમાં પિતૃસત્તાક સમાજના મુદ્દાને ખૂબ જ ભારે હાથે રજૂ કરવામાં આવ્યો છે, જેનાથી ફિલ્મનો રોમેન્ટિક મૂડ થોડો ખોવાઈ જાય છે.
જો તમે રોમેન્ટિક કોમેડીના ફેન છો અને સામાજિક મુદ્દાઓ પર આધારિત ફિલ્મો જોવાનું પસંદ કરો છો, તો આ ફિલ્મ તમારા માટે વન ટાઇમ વોચ છે.
અમારું રેટિંગ: 3.5/5
અનુપમ ખેરના વાળ પર ભાજપ નેતાની ટિપ્પણીથી વિવાદ: અભિનેતાએ આપ્યો જવાબ
