મુંબઈમાં બોલિવૂડ અભિનેતા સલમાન ખાનના ગેલેક્સી એપાર્ટમેન્ટમાં અચાનક એક શંકાસ્પદ યુવક ઘૂસી ગયો. આ વાતની જાણ થતાં જ હોબાળો મચી ગયો. યુવકનું નામ જીતેન્દ્ર કુમાર સિંહ હોવાનું કહેવાય છે જે છત્તીસગઢનો રહેવાસી છે. એવું કહેવાય છે કે તે યુવક પોલીસને ચકમો આપીને કાર પાછળ છુપાઈને સલમાન ખાનના બિલ્ડિંગ પરિસરમાં પ્રવેશ્યો હતો. જ્યારે પોલીસને શંકા ગઈ ત્યારે તેમણે જિતેન્દ્ર કુમારને બિલ્ડિંગના ગેટ પાસે કસ્ટડીમાં લીધો. પોલીસ આ મામલાની તપાસ કરી રહી છે.
યુવાન ગેલેક્સી એપાર્ટમેન્ટની બહાર ફરતો હતો
એક અહેવાલ મુજબ આ ઘટના 20 મેના રોજ બની હતી જ્યારે સાંજે લગભગ 7:15 વાગ્યે શંકાસ્પદ વ્યક્તિ જીતેન્દ્ર કુમાર સિંહ બિલ્ડિંગમાં પ્રવેશતા પહેલા ગેલેક્સી એપાર્ટમેન્ટની બહાર ચાલતો જોવા મળ્યો હતો. તે સમયે પોલીસે તેને ત્યાંથી ચાલ્યા જવાનું કહ્યું હતું. આનાથી ગુસ્સે થઈને તેણે પોતાનો મોબાઈલ તોડી નાખ્યો. થોડા સમય પછી જીતેન્દ્ર કુમાર ગેલેક્સી એપાર્ટમેન્ટ બિલ્ડિંગમાં પ્રવેશ્યો. જ્યારે પોલીસે તેને કસ્ટડીમાં લીધો અને પૂછપરછ કરી ત્યારે જીતેન્દ્ર કુમારે કહ્યું કે તે સલમાન ખાનને મળવા માંગે છે.
ગયા મહિને 14 એપ્રિલના રોજ સલમાન ખાનને તેમના ઘરમાં ઘૂસીને જાનથી મારી નાખવાની ધમકી આપવામાં આવી હતી. મુંબઈના વરલીમાં ટ્રાન્સપોર્ટ વિભાગના વોટ્સએપ નંબર પર એક અજાણ્યા યુવકે મેસેજ મોકલ્યો હતો કે તેઓ સલમાન ખાનના ઘરમાં ઘૂસીને તેને મારી નાખશે. એટલું જ નહીં તેની કારને બોમ્બથી ઉડાવી દેવાની ધમકી પણ આપવામાં આવી હતી. બાદમાં વરલી પોલીસે યુવકને કસ્ટડીમાં લીધો હતો ત્યારબાદ તેના પરિવારે કહ્યું હતું કે યુવક માનસિક રીતે બીમાર છે.
ગયા વર્ષે ગોળીબાર થયો હતો
નવાઈની વાત એ હતી કે 14 એપ્રિલે જ્યારે સલમાન ખાનને જાનથી મારી નાખવાની ધમકી આપવામાં આવી હતી. બરાબર એક વર્ષ પહેલા 14 એપ્રિલ 2024 ના રોજ ગેલેક્સીમાં અભિનેતાના એપાર્ટમેન્ટની બહાર ગોળીબાર થયો હતો. આ ઘટના બાદ સલમાન ખાનની સુરક્ષા વધારી દેવામાં આવી હતી.
આમિર ખાન સ્ટેજ પર રડી પડ્યો: લાડલા દીકરા જુનૈદની ફિલ્મનું ગીત જોઈ હૈયું ભરાઈ આવ્યું
