IPL 2026 : ઇન્ડિયન પ્રીમિયર લીગ (IPL) ની 19 મી સીઝનનો પ્રારંભ થવાને થોડાક જ દિવસો બાકી રહ્યા છે. IPL 2026 ની પહેલી મેચ બેંગ્લોર અને હૈદરાબાદ વચ્ચે થવાની છે. વિરાટ કોહલી, રોહિત શર્મા અને એમ. એસ ધોની જેવા ખેલાડીઓએ આ લીગને દુનિયાની સૌથી મોટી લીગ બનાવી છે. જોકે, સમયની સાથે હવે એવા સંકેતો મળી રહ્યા છે કે, IPL 2026 ઘણા દિગ્ગજો ખેલાડી માટે આ છેલ્લી સીઝન સાબિત થઈ શકે છે. જાણો એવા 7 સ્ટાર ખેલાડીઓ વિશે જે આ સીઝન પછી નિવૃત્તિ લઈ શકે છે.
એમ. એસ ધોની
સૌથી પહેલા જે નામ આવે છે તે એમ. એસ ધોનીનું છે, જે 2008 થી ઇન્ડિયન પ્રીમિયર લીગનો ભાગ છે. હવે, ધોનીના ખભા પરથી કેપ્ટનશીપનો ભાર ઉતરી ગયો છે, કારણ કે રુતુરાજ ગાયકવાડે કેપ્ટન તરીકે સારું પ્રદર્શન કર્યું છે. અને રાજસ્થાન રોયલ્સ સાથે સંજુ સેમસનની ટ્રેડ ડીલથી CSK ને એક વિકેટકીપર પણ મળી ગયો છે, જે ધોનીની જવાબદારી સંભાળી શકે છે. શક્ય છે કે આ વખતે, એમ. એસ ધોની ચેન્નાઈ સુપર કિંગ્સ માટે ફક્ત એક મેન્ટર તરીકે રમશે, અને બધું ગોઠવ્યા પછી, આ વખતે IPL માંથી વિદાય લેશે.
અજિંક્ય રહાણે
કોલકાતા નાઈટ રાઈડર્સે પુષ્ટિ આપી છે કે, અજિંક્ય રહાણે IPL 2026 માં KKR ટીમનું નેતૃત્વ કરશે. જોકે, જો અજિંક્ય રહાણેનું વ્યક્તિગત પ્રદર્શન નબળું રહેશે, તો અજિંક્ય રહાણે પણ આ IPL પછી રિટાયરમેન્ટ લઈ શકે છે. IPL 2026 માં તેના ખરાબ પ્રદર્શન પછી, કોઈ પણ ટીમ અજિંક્ય રહાણેમાં ઇન્વેસ્ટ કરવા માંગે તેવી શક્યતા ખૂબ ઓછી છે, કારણ કે, IPL 2025 માં અજિંક્ય રહાણે મેગા ઓક્શનના પહેલા રાઉન્ડમાં પણ અનસોલ્ડ રહ્યો હતો. તેમ છતાં, KKR એ તેનામાં વિશ્વાસ દર્શાવ્યો.
ઇશાંત શર્મા
37 વર્ષીય ઇશાંત શર્માએ IPL 2025 માં ગુજરાત ટાઇટન્સ માટે સાત મેચ રમી હતી, જેમાં તેને ફક્ત 4 વિકેટ લીધી હતી. તે હજુ પણ ગુજરાત ટીમનો ભાગ છે, પરંતુ જો IPL 2026 માં તેનું પ્રદર્શન પણ નિરાશાજનક રહ્યું, તો ઇશાંત શર્માની પણ આ સીઝન છેલ્લી બની શકે છે.
મિશેલ સ્ટાર્ક
મિશેલ સ્ટાર્ક છેલ્લા બે સીઝનમાં કુલ 31 વિકેટો લઈને વિશ્વના સૌથી ઘાતક ફાસ્ટ બોલરોમાંના એક રહ્યો છે. સ્ટાર્ક નવા બોલ સાથે ખૂબ જ ઘાતક છે અને ડેથ ઓવરોમાં પણ સારી બોલિંગ કરે છે. જોકે, ઇન્ટરનેશનલ ક્રિકેટ શેડ્યૂલ અને વર્કલોડ મેનેજમેન્ટને જોતાં, સ્ટાર્ક ફ્રેન્ચાઇઝી ક્રિકેટ છોડી શકે છે.
ડેવિડ મિલર
સાઉથ આફ્રિકાના એક્સપિરિયન્સ ડેવિડ મિલર IPL 2026 માં દિલ્હી કેપિટલ્સ માટે રમશે. 36 વર્ષીય આ ખેલાડીનું ગયા સિઝનમાં નિરાશાજનક પ્રદર્શન રહ્યું હતું, તેને 11 મેચમાં ફક્ત 153 રન બનાવ્યા હતા અને એક પણ ફિફ્ટી ફટકારી ન હતી. IPL દર વર્ષે વધુને વધુ સ્પર્ધાત્મક બનતી જાય છે, જો ડેવિડ મિલરનું પ્રદર્શન 2026 માં સારું નહીં હોય, તો શક્ય છે કે તેની IPL કારકિર્દી આગામી સિઝન સુધી ન પહોંચે.
સુનીલ નારાયણ
હાલમાં વેસ્ટ ઈન્ડિઝના દિગ્ગજ ઓલરાઉન્ડર આન્દ્રે રસેલે IPL માંથી રિટાયરમેન્ટની જાહેરાત કરી. જો 2026 ની IPL 37 વર્ષીય ખેલાડી માટે સારી નહીં જાય, તો તે પણ રસેલની જેમ નારાયણ પણ રિટાયરમેન્ટ લઈ શકે છે. નારાયણએ 140 મેચની IPL કારકિર્દીમાં 192 વિકેટ લીધી છે અને 1,780 રન બનાવ્યા છે.
ટ્રેન્ટ બોલ્ટ
ન્યુઝીલેન્ડના દિગ્ગજ ખેલાડી ટ્રેન્ટ બોલ્ટે ઇન્ટરનેશનલ ક્રિકેટમાંથી રિટાયરમેન્ટ લઈ લીધું છે, પરંતુ ફ્રેન્ચાઇઝી ક્રિકેટમાં ટ્રેન્ટ બોલ્ટ હજુ પણ એક્ટિવ છે. તે IPL 2026 માં મુંબઈ ઇન્ડિયન્સ તરફથી રમશે, પરંતુ એ નોંધવું જોઈએ કે તે ટૂંક સમયમાં 37 વર્ષનો થશે અને જો IPL 2026 માં સારું પ્રદર્શન નહીં કરે તો શક્યતા રહેશે કે, ટ્રેન્ટ બોલ્ટ પણ આ સીઝન પછી રિટાયરમેન્ટ લઈ શકે છે.
