Gujarat ATS Latest Updates: ગુજરાત એન્ટી-ટેરરિસ્ટ સ્ક્વોડ (ATS) એ સોશિયલ મીડિયા દ્વારા ધાર્મિક કટ્ટરતા અને આતંકવાદી વિચારધારા ફેલાવતા અલકાયદા ઇન ઇન્ડિયન સબકોન્ટિનન્ટ (AQIS) સાથે સંકળાયેલા ચાર શખ્સોની ધરપકડ કરી છે. આ ચારેય આરોપીઓએ પાંચ ઇન્સ્ટાગ્રામ એકાઉન્ટ્સ દ્વારા ભડકાઉ અને દેશવિરોધી સામગ્રી ફેલાવીને યુવાનોને ઉશ્કેરવાનું અને શરિયત લાગુ કરવાનું કાવતરું ઘડ્યું હતું. આ કેસમાં એક આરોપીનું પાકિસ્તાન સાથે જોડાણ પણ સામે આવ્યું છે.
આરોપીઓની ઓળખઃ
મોહમ્મદ ફૈક રિઝવાન (દિલ્હી): રેસ્ટોરન્ટમાં ફ્લોર મેનેજર તરીકે કામ કરતો હતો.
મોહમ્મદ ફરદીન રઈસ (ફતેહવાડી, અમદાવાદ): દુકાનમાં નોકરી કરતો હતો.
સેફુલ્લા કુરેશી રફીક (મોડાસા, અરવલ્લી): ફર્નિચરની દુકાનમાં કામ કરતો હતો.
ઝીશાન અલી આસિફ (નોઈડા): કપડાં અને ફાસ્ટફૂડની દુકાનમાં નોકરી કરતો હતો.
આ પાંચ સોશિયલ મીડિયા પર ઝેર ઓકતા હતા આતંકીઓઃ
1) શરિયત યા શહાદત
2) ફરદીન-3
3) મુજાહિદ્દ- 1
4) મુજાહિદ્દ-3
5) સેફુલ્લા મુજાહિદ્દ- 313
આરોપીઓની ઓળખઃ
મોહમ્મદ ફૈક રિઝવાન (દિલ્હી): રેસ્ટોરન્ટમાં ફ્લોર મેનેજર.
મોહમ્મદ ફરદીન રઈસ (અમદાવાદ): દુકાનમાં નોકરી.
સેફુલ્લા કુરેશી રફીક (મોડાસા): ફર્નિચરની દુકાનમાં કામ.
ઝીશાન અલી આસિફ (નોઈડા): કપડાં અને ફાસ્ટફૂડની દુકાનમાં નોકરી.
ઇન્સ્ટાગ્રામ દ્વારા કટ્ટરતાનો પ્રચારઃ
ગુજરાત ATSને 10 જૂન, 2025ના રોજ પાંચ શંકાસ્પદ ઇન્સ્ટાગ્રામ એકાઉન્ટ્સ - શરિયત_યા_શહાદત, ફરદીન_03, મુજાહિદ્દ_1, મુજાહિદ્દ_3, અને સેફુલ્લા_મુજાહિદ્દ_313 - વિશે માહિતી મળી હતી. આ એકાઉન્ટ્સ દ્વારા આરોપીઓ ઉર્દૂ અને અંગ્રેજીમાં ભડકાઉ પોસ્ટ્સ, જિહાદી સાહિત્ય, અને અફઘાનિસ્તાનમાં મૃત આસિમ ઉમરના ભાષણો શેર કરતા હતા, જે કોમી વૈમનસ્ય અને હિંસા ભડકાવવાના હેતુથી હતા.
પાકિસ્તાન કનેક્શન અને ઓટો-ડિલીટ એપ્સઃ
મોહમ્મદ ફૈક પાકિસ્તાની ઇન્સ્ટાગ્રામ એકાઉન્ટ્સ gujjar_sab.111 અને M Salauddin Siddiqui 1360 સાથે સંપર્કમાં હતો, જેના દ્વારા જિહાદી સામગ્રી મેળવતો હતો. આરોપીઓ ઓટો-ડિલીટ એપ્સનો ઉપયોગ કરીને પોતાના સંદેશાઓના પુરાવા નાશ કરતા હતા, જેથી તપાસ એજન્સીઓથી બચી શકે.
અમદાવાદના ફતેહવાડીમાં ફરદીનના ઘરેથી તલવાર અને ઓપરેશન સિંદૂર સાથે સંબંધિત દસ્તાવેજો મળ્યા, જે ભારત વિરોધી અને પાકિસ્તાન તરફી હતા. આરોપીઓ વિરુદ્ધ UAPAની કલમ 13, 18, 38, 39 અને ભારતીય ન્યાય સંહિતાની કલમ 113, 152, 196, 61 હેઠળ ગુનો નોંધાયો છે. અમદાવાદ અને મોડાસાના બે આરોપીઓને 14 દિવસના રિમાન્ડ પર મોકલાયા છે, જ્યારે અન્ય બે વિરુદ્ધ કાર્યવાહી ચાલુ છે.
ગુજરાત ATS હવે અન્ય સંભવિત સંડોવણીઓ અને ફંડિંગની તપાસ કરી રહી છે. આ કેસમાં 25 ઇન્સ્ટાગ્રામ એકાઉન્ટ્સ અને 62 સંબંધિત એકાઉન્ટ્સનું વિશ્લેષણ થઈ રહ્યું છે, જેથી આતંકી નેટવર્કનો સંપૂર્ણ પર્દાફાશ થઈ શકે.
