2026 Tata Punch Facelift: ટાટા મોટર્સે ભારતમાં તેની સૌથી વધુ વેચાતી માઇક્રો SUV, પંચનું નવું 2026 ફેસલિફ્ટ મોડલ (ટાટા પંચ ફેસલિફ્ટ) લોન્ચ કર્યું છે. નવી પંચ હવે પહેલા કરતા વધુ પાવરફુલ, સુરક્ષિત અને હાઇટેક છે. તેની એક્સ-શોરૂમ કિંમત ₹5.59 લાખથી શરૂ થાય છે અને ટોપ-ઓફ-ધ-લાઇન મોડેલ માટે ₹10.54 લાખ સુધી જાય છે. જાણો નવા પંચમાં મુખ્ય ફેરફારો વિશેની માહિતી.
પહેલી વાર ટર્બો એન્જિન
નવી પંચની સૌથી મોટી ખાસિયત તેનું નવું 1.2-લિટર ટર્બોચાર્જ્ડ પેટ્રોલ એન્જિન (iTurbo) છે. ટાટા નેક્સનથી ઇન્સપાયર આ એન્જિન 120PS પાવર અને 170Nm ટોર્ક જનરેટ કરે છે. જે લોકો વધુ સ્પીડ અને પર્ફોર્મન્સ પસંદ કરે છે તેમના માટે આ એન્જિન 6-સ્પીડ મેન્યુઅલ ગિયરબોક્સ સાથે આવે છે.
CNG માં પહેલી વાર ઓટોમેટિક ગિયરબોક્સ
ટાટાએ વધુ એક રેકોર્ડ બનાવ્યો છે. પંચ CNG હવે ઓટોમેટિક (AMT) ગિયરબોક્સ અને પેડલ શિફ્ટર્સ સાથે પણ ઓફર કરવામાં આવશે. ટાટાની ડ્યુઅલ-સિલિન્ડર ટેકનોલોજીને કારણે, તે 210 લિટરની મોટી બૂટ સ્પેસ પણ આપે છે.
સલામતીમાં નંબર 1
પંચને પહેલાથી જ ઇન્ડિયા NCAP તરફથી 5-સ્ટાર રેટિંગ મળ્યું છે. કંપનીએ હવે બધા વેરિઅન્ટ્સમાં 6 એરબેગ્સને સ્ટાન્ડર્ડ બનાવીને સેફટીમાં વધારો કર્યો છે. ESP (સ્ટેબિલિટી કંટ્રોલ) અને બહુવિધ ડ્રાઇવિંગ મોડ્સ પણ ઉપલબ્ધ છે.
પંચ ફેસલિફ્ટના મુખ્ય ફીચર્સ
નવી પંચ 6 વેરિઅન્ટમાં લોન્ચ કરવામાં આવી છે - સ્માર્ટ, પ્યોર, પ્યોર+, એડવેન્ચર, એક્મ્પ્લિશ્ડ અને એક્મ્પ્લિશ્ડ+.
સ્માર્ટ (બેઝ વેરિઅન્ટ) - તેમાં LED હેડલેમ્પ્સ, નવું સ્ટીયરિંગ વ્હીલ અને રિમોટ કીલેસ એન્ટ્રી જેવા ફીચર્સ છે.
પ્યોર અને પ્યોર+ - તેમાં 8 ઇંચ ટચસ્ક્રીન, રીઅર AC વેન્ટ્સ અને વાયરલેસ એન્ડ્રોઇડ ઓટો/એપલ કારપ્લે છે.
એડવેન્ચર - અહીંથી ટેકનોલોજી વધુ સારી બને છે. તેમાં 360-ડિગ્રી કેમેરા, બ્લાઇન્ડ-સ્પોટ મોનિટરિંગ અને પુશ-બટન સ્ટાર્ટ જેવા ફીચર્સ છે.
એક્મ્પ્લિશ્ડ અને એક્મ્પ્લિશ્ડ+ (ટોપના વેરિઅન્ટ્સ) - તેમાં પેનોરેમિક સનરૂફ, મોટી 10.25 ઇંચની ટચસ્ક્રીન, 16 ઇંચના એલોય વ્હીલ્સ, વાયરલેસ ચાર્જિંગ અને iRA કનેક્ટેડ કાર ટેકનોલોજી છે.
ડિઝાઇનમાં શું ફેરફાર થયો?
નવી પંચ હવે વધુ આકર્ષક લુક ધરાવે છે. હેડલાઇટ્સ, ગ્રિલ અને બમ્પરને ફરીથી ડિઝાઇન કરવામાં આવ્યા છે. પાછળના ભાગમાં LED લાઇટ બાર છે જે રાત્રે અદભુત લાગે છે. 6 રંગ વિકલ્પોમાં ઉપલબ્ધ: Cyantafic Blue, Caramel, Pristine White, Bengal Rouge, Dayton Grey અને Coorg Clouds. નવી ટાટા પંચ એવા લોકો માટે બેસ્ટ છે, જે બજેટમાં સેફટી, સ્ટાઇલિશ અને ફીચર-લોડેડ SUV શોધી રહ્યા છે.
