Hina Khan: ટીવીની લોકપ્રિય અભિનેત્રી હિના ખાનએ તાજેતરમાં એલ્વિશ યાદવના પોડકાસ્ટ 'Phodcast'માં પોતાની કમાણી અંગે મોટો ખુલાસો કર્યો છે. તેણીએ સ્પષ્ટ કહ્યું કે તેની મોટાભાગની સંપત્તિ અને ધનવાન બનાવનાર શો 'યે રિશ્તા ક્યા કહેલાતા હૈ' જ છે, જેમાં તેણીએ અક્ષરાનું પાત્ર ભજવ્યું હતું. હિનાએ જણાવ્યું કે તેણીએ આ શોમાં લગભગ 8 વર્ષ સુધી કામ કર્યું, જેના કારણે તેની મોટી કમાણી આ શોમાંથી જ થઈ. રાજન શાહી દ્વારા નિર્મિત આ શો તેના કરિયરનો સૌથી મોટો આધાર રહ્યો છે.
8 વર્ષ સુધી શો કર્યો
જ્યારે એલ્વિશે પૂછ્યું કે રાજન શાહી કે એકતા કપૂરમાંથી કોની સાથે કામ કરીને વધુ પૈસા કમાયા, તો હિનાએ જવાબ આપ્યો:
"મેં એકતા કપૂર સાથે 'નાગિન' થોડા સમય માટે કર્યું અને 'કસૌટી જિંદગી કી 2'માં કોમોલિકાનું પાત્ર 6-7 મહિના સુધી ભજવ્યું. પણ જો પૈસાની વાત કરીએ તો ચોક્કસપણે 'યે રિશ્તા ક્યા કહેલાતા હૈ' જ છે. મેં 8 વર્ષ સુધી તે શો કર્યો, તેથી મારી મોટાભાગની સંપત્તિ ત્યાંથી જ આવી છે.
'યે રિશ્તા ક્યા કહેલાતા'થી હૈ ડેબ્યૂ
"હિના ખાને 2008માં 'યે રિશ્તા ક્યા કહેલાતા હૈ'થી ટીવી ડેબ્યૂ કર્યું હતું અને આ શોએ તેને ઘર-ઘરમાં જાણીતી બનાવી. ત્યારબાદ તેણીએ 'નાગિન', 'કસૌટી જિંદગી કી 2' જેવા શોમાં કામ કર્યું, બિગ બોસ 11માં પ્રથમ રનર-અપ બની અને ફિલ્મો તથા વેબ સિરીઝમાં પણ હાજરી આપી.
રોકી જયસ્વાલ સાથે લગ્ન
તાજેતરમાં સ્તન કેન્સરની સારવાર પછી પણ હિના હિંમતથી પોતાના કરિયરમાં સક્રિય છે અને તાજેતરમાં 'પતિ, પત્ની ઔર પંગા' જેવા શોમાં જોવા મળી છે. તેના અંગત જીવનમાં તેણી રોકી જયસ્વાલ સાથે લગ્ન કરી ચૂકી છે.આ ખુલાસાએ ફરી એકવાર સાબિત કર્યું કે 'યે રિશ્તા ક્યા કહેલાતા હૈ' હિના ખાનના કરિયર અને આર્થિક સફળતાનો સૌથી મોટો સ્તંભ રહ્યો છે!
