Vivo T5x 5G Frozen Red : ભારતીય સ્માર્ટફોન બજારમાં પોતાની મજબૂત હાજરી ધરાવતી Vivo એ પોતાના લોકપ્રિય Vivo T5x 5G સ્માર્ટફોનને હવે નવા Fusion Red કલર વિકલ્પમાં લોન્ચ કર્યો છે. કંપનીએ આ સ્માર્ટફોનને માર્ચ મહિનામાં Star Silver અને Cyber Green રંગોમાં રજૂ કર્યો હતો, જેને ગ્રાહકો તરફથી સારો પ્રતિસાદ મળ્યો હતો. હવે નવા રંગ સાથે કંપની એવા ગ્રાહકોને આકર્ષવા માંગે છે, જેમને સ્ટાઇલિશ અને અલગ દેખાવ ધરાવતો સ્માર્ટફોન પસંદ હોય. કંપનીએ સ્પષ્ટ કર્યું છે કે નવા Fusion Red વેરિઅન્ટમાં માત્ર કલરનો ફેરફાર કરવામાં આવ્યો છે. ફોનના તમામ હાર્ડવેર અને સોફ્ટવેર ફીચર્સ અગાઉ લોન્ચ થયેલા મોડલ જેવા જ રહેશે. એટલે કે નવા રંગ સાથે પણ ગ્રાહકોને અગાઉની જેમ જ પ્રદર્શન, કેમેરા અને બેટરીનો અનુભવ મળશે.
કિંમત અને ઉપલબ્ધતા
Vivo T5x 5G ભારતમાં ત્રણ સ્ટોરેજ અને RAM વિકલ્પોમાં ઉપલબ્ધ રહેશે. 6GB RAM+128GB સ્ટોરેજ વેરિઅન્ટની કિંમત ₹18,999 રાખવામાં આવી છે. 8GB RAM+128GB સ્ટોરેજ વેરિઅન્ટ ₹20,999માં ઉપલબ્ધ રહેશે, જ્યારે 8GB RAM+256GB સ્ટોરેજ વેરિઅન્ટની કિંમત ₹22,999 છે. નવો Fusion Red કલર વેરિઅન્ટ 30 જુલાઈથી વેચાણ માટે ઉપલબ્ધ થશે. ગ્રાહકો તેને Vivoના અધિકૃત ઈ-સ્ટોર, Flipkart તેમજ પસંદગીના ઓફલાઇન રિટેલ સ્ટોર્સ પરથી ખરીદી શકશે.
આ પણ ખાસ વાંચો : Appleએ ફરી મેળવ્યો વિશ્વની સૌથી મૂલ્યવાન કંપનીનો તાજ : Nvidiaને પાછળ છોડીને ફરી નંબર-1 બન્યું
ડિસ્પ્લે અને પરફોર્મન્સ
Vivo T5x 5Gમાં 6.76 ઇંચની Full HD+ LCD ડિસ્પ્લે આપવામાં આવી છે, જેનું રિઝોલ્યુશન 2344 × 1080 પિક્સેલ્સ છે. ડિસ્પ્લે 120Hz રિફ્રેશ રેટ સપોર્ટ કરે છે, જેના કારણે સ્ક્રોલિંગ, ગેમિંગ અને એનિમેશન વધુ સ્મૂથ અનુભવ આપે છે. ઉપરાંત, 1200 નિટ્સ પીક બ્રાઇટનેસ હોવાથી બહારના પ્રકાશમાં પણ સ્ક્રીન સ્પષ્ટ રીતે જોઈ શકાય છે. પરફોર્મન્સ માટે કંપનીએ MediaTek Dimensity 7400 Turbo પ્રોસેસર આપ્યું છે, જે દૈનિક ઉપયોગ ઉપરાંત મલ્ટીટાસ્કિંગ અને ગેમિંગ માટે પણ સક્ષમ માનવામાં આવે છે. સ્માર્ટફોન Android 16 આધારિત OriginOS 6 પર ચાલે છે, જે નવીન ફીચર્સ અને સરળ યુઝર ઇન્ટરફેસ પ્રદાન કરે છે.
કેમેરા સેટઅપ
ફોટોગ્રાફી માટે Vivo T5x 5Gમાં ડ્યુઅલ રિયર કેમેરા સેટઅપ આપવામાં આવ્યો છે. તેમાં 50 મેગાપિક્સલનો પ્રાઇમરી કેમેરા f/1.8 અપર્ચર સાથે છે, જ્યારે 2 મેગાપિક્સલનો ડેપ્થ સેન્સર f/2.4 અપર્ચર સાથે આપવામાં આવ્યો છે, જે પોર્ટ્રેટ ફોટોગ્રાફીમાં મદદરૂપ બને છે. સેલ્ફી અને વીડિયો કોલિંગ માટે ફોનના આગળના ભાગમાં 32 મેગાપિક્સલનો ફ્રન્ટ કેમેરા આપવામાં આવ્યો છે, જે ઉચ્ચ ગુણવત્તાની તસવીરો અને વીડિયો રેકોર્ડિંગનો અનુભવ આપે છે.
આ પણ ખાસ વાંચો : USB 2.0 કે USB 3.0? : ખરીદતા પહેલાં આ તફાવત જાણો, નહીં તો થઈ શકે છે મોટું નુકસાન
7200mAh બેટરી ફોનની સૌથી મોટી ખાસિયત
Vivo T5x 5Gની સૌથી મોટી વિશેષતા તેની 7200mAh ક્ષમતાવાળી વિશાળ બેટરી છે. આ બેટરી 44W ફાસ્ટ ચાર્જિંગને સપોર્ટ કરે છે, જેથી ઓછી સમયમાં ફોનને ફરીથી ચાર્જ કરી શકાય છે. કંપનીના દાવા મુજબ, એક વખત સંપૂર્ણ ચાર્જ કર્યા પછી આ સ્માર્ટફોન 40 કલાક સુધી સતત વીડિયો પ્લેબેક અને 93 કલાક સુધી મ્યુઝિક પ્લેબેક આપી શકે છે. લાંબી મુસાફરી કરનારાઓ અથવા વારંવાર ચાર્જિંગથી બચવા ઇચ્છતા યુઝર્સ માટે આ બેટરી મહત્વપૂર્ણ આકર્ષણ બની શકે છે.
કનેક્ટિવિટી અને અન્ય ફીચર્સ
કનેક્ટિવિટી માટે સ્માર્ટફોનમાં 5G, Wi-Fi, Bluetooth, GPS, BeiDou અને USB Type-C પોર્ટ જેવા વિકલ્પો ઉપલબ્ધ છે. સુરક્ષા માટે ફોનમાં સાઇડ-માઉન્ટેડ ફિંગરપ્રિન્ટ સેન્સર આપવામાં આવ્યો છે, જે ઝડપી અનલોકિંગનો અનુભવ આપે છે. ફોનનું માપ 166 × 78.43 × 8.3 મિમી છે અને તેનું વજન અંદાજે 219 ગ્રામ છે. મોટી બેટરી હોવા છતાં કંપનીએ ફોનની ડિઝાઇનને સંતુલિત રાખવાનો પ્રયાસ કર્યો છે. નવા Fusion Red કલર સાથે Vivo T5x 5G હવે એવા ગ્રાહકો માટે વધુ આકર્ષક વિકલ્પ બની શકે છે, જેઓ લાંબી બેટરી લાઇફ, સ્મૂથ ડિસ્પ્લે, સારો કેમેરા અને સ્ટાઇલિશ ડિઝાઇન ધરાવતો 5G સ્માર્ટફોન ખરીદવા ઇચ્છે છે.
