જીવનમાં આર્થિક પ્રગતિ અને માનસિક શાંતિ માટે માત્ર મહેનત જ નહીં પરંતુ ઘરની આંતરિક વ્યવસ્થા પણ મહત્વનો ભાગ ભજવે છે. Vastu Shastra મુજબ આપણી કેટલીક નાની ભૂલો ઘરની પોઝિટિવ એનર્જીને નેગેટિવિટીમાં ફેરવી નાખે છે. ખાસ કરીને રાત્રિના સમયે કરવામાં આવતી બેદરકારી સીધી રીતે તમારી આર્થિક સ્થિતિ પર નકારાત્મક અસર કરી શકે છે.
જૂઠા વાસણો આર્થિક તંગીનું મુખ્ય કારણ
મોટાભાગના ઘરોમાં રાત્રે જમ્યા પછી વાસણો સવાર પર છોડી દેવાની આદત હોય છે. વાસ્તુ વિજ્ઞાન અનુસાર રસોડામાં આખી રાત જૂઠા વાસણો રાખવાથી ઉર્જાનો પ્રવાહ અવરોધાય છે અને તે અધૂરાપણાનો અહેસાસ કરાવે છે. આ આદત ધીમે ધીમે પૈસાની તંગી લાવી શકે છે. સુતા પહેલા કિચન સાફ કરીને વાસણો ધોઈ નાખવાથી સવારે ઘરમાં સુખદ વાતાવરણ અને શાંતિનો અનુભવ થાય છે.
એરોમા ઓઈલ્સથી દૂર કરો ઘરનું ભારેપણું
ઘરના વાતાવરણને ફ્રેશ રાખવા માટે Aroma Oils નો ઉપયોગ માત્ર સુગંધ માટે નહીં પણ સફાઈના ભાગરૂપે કરવો જોઈએ. પૂર્વ અને ઉત્તર દિશાના વિસ્તારોમાં લેમન અથવા યુકેલિપ્ટસ જેવા હળવા ઓઈલ્સનો ઉપયોગ કરવો હિતાવહ છે. જ્યારે દક્ષિણ અને પશ્ચિમ જેવા ભાગોમાં ચંદન કે લેવેન્ડર જેવા ગ્રાઉન્ડિંગ ઓઈલ્સ વધુ અસરકારક સાબિત થાય છે. પોતું કરતી વખતે પાણીમાં તેના થોડા ટીપાં ઉમેરવાથી ઘરની ઉર્જા સંતુલિત રહે છે.
ઇન્ડોર પ્લાન્ટ્સ અને તેની જાળવણી
ઘરમાં રાખેલા Plants ત્યારે જ ફાયદો આપે છે જ્યારે તેઓ જીવંત અને સ્વસ્થ હોય. સુકાઈ રહેલા કે કરમાઈ ગયેલા છોડ ઘરના વાતાવરણમાં તણાવ પેદા કરે છે. જો તમારા ઘરમાં આવા છોડ હોય તો તેને તુરંત હટાવી દેવા જોઈએ. કોમન એરિયા કે બારીઓ પાસે સારી રીતે મેન્ટેન કરેલા છોડ રાખવાથી ઘરનું સંતુલન જળવાય છે અને નવી ઉર્જાનો સંચાર થાય છે.
મુખ્ય દ્વાર અને સ્ટોરેજ એરિયાનું મહત્વ
મેઈન ગેટ અને બાલ્કની જેવા સ્થાનો પર સૌથી વધુ અવરજવર થતી હોવાથી ત્યાં બહારની ઉર્જા અને શોરબકોર રહે છે. અહીં ફટકડીનો નાનો ટુકડો રાખવાથી નકારાત્મક ઉર્જા શોષાઈ જાય છે અને તે સ્થાનો શાંત બને છે. આ ઉપરાંત બેડ બોક્સ કે અલમારીમાં બિનજરૂરી સામાન ભરી રાખવાથી ઘર ભારે લાગે છે. સ્ટોરેજ એરિયાને વ્યવસ્થિત રાખવાથી ઘરમાં હળવાશનો અનુભવ થાય છે અને અટકેલા કાર્યોમાં ગતિ આવે છે.
