સરકારી નોકરીનો સોનેરી મોકો : India Post office માં 21413 જગ્યાઓ માટે ખાલી પડી જગ્યા, પરીક્ષા વગર જ તમને મળશે નોકરી

India Post GDS Recruitment: ઈન્ડિયા પોસ્ટ 3 માર્ચ, 2025 ના રોજ ગ્રામીણ ડાક સેવક (GDS) પોસ્ટ્સ માટે ઓનલાઈન અરજી વિન્ડો બંધ કરશે. જેમાં કુલ 21413 જગ્યાઓ માટે અરજીઓ મંગાવવામાં આવી છે. જે ઉમેદવારો પોસ્ટ માસ્તર (BPM), આસિસ્ટન્ટ બ્રાન્ચ પોસ્ટમાસ્ટર (ABPM) ડાક સેવકોની પોસ્ટ માટે અરજી કરવા માગે છે, તેઓ પાસે આજનો દિવસ જ છે. રસ ધરાવતા ઉમેદવારો અધિકૃત વેબસાઇટ indiapostgdsonline.gov.in પર જઈને અરજી કરી શકે છે.

મેરિટના આધારે કરવામાં આવશે પસંદગી
આ ભરતી પ્રક્રિયામાં ઉમેદવારોએ નોકરી મેળવવા માટે કોઈપણ પરીક્ષામાં બેસવાની જરૂર નથી. ઉમેદવારોના નામોની મેરિટ યાદી સિસ્ટમ દ્વારા જ તૈયાર કરવામાં આવશે, જેના આધારે તેમની પસંદગી કરવામાં આવશે. જોકે, ધોરણ 10માં મેળવેલા ગુણના આધારે મેરિટ લિસ્ટ તૈયાર કરવામાં આવશે.

સમગ્ર પ્રક્રિયા પૂરી થયા પછી વિભાગ ઓનલાઈન પોર્ટલ પર શોર્ટલિસ્ટ કરાયેલા લોકોની યાદી જાહેર કરશે. આ પછી શોર્ટલિસ્ટ થયેલા ઉમેદવારોને આગળની પ્રક્રિયા વિશે જાણ કરવામાં આવશે. આ ઉપરાંત ક્વોલિફિકેશનમાં કોમ્પ્યુટર નોલેજ અને સાયકલીંગ ઉપરાંત અન્ય ઘણી બાબતોની પણ માંગ કરવામાં આવી છે.

અરજી ફી અને ઉંમર
ભરતી માટે ઉમેદવારોની ઉંમર 18 થી 40 વર્ષની વચ્ચે છે. અરજી કરવા માટે તમારે 100 રૂપિયાની ફી ચૂકવવી પડશે. આ ઉપરાંત મહિલાઓ, અનુસૂચિત જાતિ, અનુસૂચિત જનજાતિ, વિકલાંગ અને ટ્રાન્સ વુમન અરજદારો માટે પણ ફીમાં છૂટછાટ આપવામાં આવશે. આ સંબંધિત સંપૂર્ણ માહિતી માટે તમે સત્તાવાર સાઇટની મુલાકાત લઈ શકો છો.

કેવી રીતે અરજી કરવી?
ઈન્ડિયા પોસ્ટ GDS ભરતી માટે અરજી કરવા માટે, પહેલા સત્તાવાર વેબસાઈટ indiapostgdsonline.gov.in પર જાઓ. જ્યાં તમે નોંધણી લિંક જોશો, તેના પર ક્લિક કરો. નોંધણી માટે જરૂરી માહિતી ભર્યા પછી, લોગિન કરો. આ પછી, એપ્લિકેશન લિંક ખોલો, તમને કેટલાક દસ્તાવેજો અપલોડ કરવા માટે કહેવામાં આવશે. તેમને અપલોડ કર્યા પછી, ચુકવણી કરો અને ફોર્મની પ્રિન્ટ આઉટ લો.