Rinku Singh : ટીમ ઈન્ડિયાના સ્ટાર ફિનિશર Rinku Singh ને લઈને ચાહકો માટે મોટા સમાચાર સામે આવ્યા છે. પિતાની નાદુરસ્ત તબિયતના કારણે અચાનક પરત ફરેલા Rinku Singh ફરી એકવાર T20 World Cup 2026 ના મિશનમાં જોડાઈ રહ્યો છે. ઝિમ્બાબ્વે સામેની મહત્વની મેચ પહેલા ભારતીય ટીમ માટે આ રાહતના સમાચાર છે.
પિતાની બીમારી અને અચાનક વિદાય
Rinku Singh અચાનક ટીમ છોડીને પોતાના ઘરે પરત ફર્યા હતા કારણ કે, તેમના પિતાની તબિયત ઘણી ગંભીર હતી. રિપોર્ટ્સ મુજબ, તેમના પિતા સ્ટેજ 4 ના લીવર કેન્સર સામે ઝઝૂમી રહ્યા છે અને તેમને હોસ્પિટલમાં વેન્ટિલેટર પર રાખવા પડ્યા હતા. આ મુશ્કેલ સમયમાં Rinku Singh પોતાના પરિવારની સાથે હતા, જેના કારણે તે ટીમ સાથે જોડાયેલા રહેશે કે નહીં તે અંગે અટકળો ચાલી રહી હતી.
બેટિંગ કોચની મહત્વની સ્પષ્ટતા
ભારતીય ટીમના બેટિંગ કોચ સિતાંશુ કોટકે એક પ્રેસ કોન્ફરન્સ દરમિયાન Rinku Singh ની સ્થિતિ સ્પષ્ટ કરી છે. તેમણે જણાવ્યું કે, Rinku Singh બુધવારે સાંજ સુધીમાં ચેન્નાઈ પરત ફરીને ટીમ સાથે જોડાઈ જશે. કોટકે પુષ્ટિ કરી છે કે, ગુરુવારે ઝિમ્બાબ્વે સામે રમાનારી મેચમાં Rinku Singh પસંદગી માટે ઉપલબ્ધ રહેશે. આ સાથે જ ટીમમાં સંજુ સેમસનને પણ પ્લેઇંગ 11 માં સામેલ કરવા અંગે વિચારણા ચાલી રહી છે.
ફોર્મ અને ટીમમાં ભૂમિકા
Rinku Singh અત્યાર સુધી ટુર્નામેન્ટમાં ફિલ્ડિંગમાં શાનદાર રહ્યો છે, પરંતુ બેટિંગમાં તે હજુ સુધી કોઈ મોટી ઈનિંગ રમી શક્યો નથી. સાઉથ આફ્રિકા સામેની છેલ્લી મેચમાં તે શૂન્ય રને આઉટ થયો હતો. હવે જ્યારે ટીમ મુશ્કેલ સ્થિતિમાં છે, ત્યારે Rinku Singh પાસેથી ફરી એકવાર ધમાકેદાર ફિનિશિંગની અપેક્ષા રાખવામાં આવી રહી છે.
ભારત માટે 'કરો કે મરો' ની સ્થિતિ
સુપર-8 ની પહેલી મેચમાં સાઉથ આફ્રિકા સામે ભારતનો 76 રનથી પરાજય થયો હતો. આ હાર પછી હવે ભારત માટે સેમીફાઇનલમાં પહોંચવા માટે આગામી બંને મેચ જીતવી ખૂબ જ જરૂરી છે. આ ઉપરાંત, ભારતે આશા રાખવી પડશે કે, સાઉથ આફ્રિકાની ટીમ વેસ્ટ ઈન્ડિઝને હરાવે, જેથી ભારતનું સમીકરણ સરળ બની શકે.
મેચની વિગતો અને ટેલિકાસ્ટ
ભારત અને ઝિમ્બાબ્વે વચ્ચેનો આ મેચ ગુરુવાર, 26 ફેબ્રુઆરીના રોજ ચેન્નાઈના ઐતિહાસિક એમ.એ. ચિદમ્બરમ સ્ટેડિયમ (ચેપોક) ખાતે રમાશે. આ દિવસે બે મેચો રમાવાની છે. બપોરે 3 વાગ્યે સાઉથ આફ્રિકા vs વેસ્ટ ઈન્ડિઝ અને ત્યારબાદ ભારતની મેચ રમાશે. ચાહકો આ મેચનું લાઈવ ટેલિકાસ્ટ સ્ટાર સ્પોર્ટ્સ નેટવર્ક અને લાઈવ સ્ટ્રીમિંગ JioHotstar એપ પર જોઈ શકશે.
