આવનારા વર્ષ 2027માં અવકાશમાં એક એવી ઘટના બનશે જે ઇતિહાસમાં જવલ્લે જ જોવા મળે છે. ખગોળશાસ્ત્રીઓના જણાવ્યા મુજબ 2 ઓગસ્ટ 2027 ના રોજ સદીનું સૌથી લાંબુ સૂર્યગ્રહણ થશે. સામાન્ય રીતે ગ્રહણ થોડી મિનિટોનું હોય છે પણ આ ગ્રહણ 6 મિનિટ અને 23 સેકન્ડ સુધી ચાલશે. આટલા લાંબા સમય સુધી સૂર્ય દેખાશે નહીં અને પૃથ્વી પર અંધકાર છવાઈ જશે.
ક્યાં અને ક્યારે દેખાશે
ભારતીય સમય પ્રમાણે આ ગ્રહણ બપોરે 3 વાગીને 34 મિનિટે શરૂ થશે અને સાંજે 5 વાગીને 53 મિનિટે પૂરું થશે. ભારતમાં સાંજે 4:30 વાગ્યાના સુમારે આ નજારો આંશિક રીતે જોઈ શકાશે. ઉત્તર આફ્રિકા અને મધ્ય પૂર્વના દેશોમાં આ ગ્રહણ વધારે સ્પષ્ટ દેખાશે. ખાસ કરીને મોરોક્કો અને સાઉદી અરેબિયા જેવા દેશોમાં સંપૂર્ણ સૂર્યગ્રહણનો લહાવો મળશે.
વાતાવરણમાં ફેરફાર
નાસાના રિપોર્ટ મુજબ આ સમય દરમિયાન તાપમાનમાં મોટો ઘટાડો થશે. જ્યારે ચંદ્ર સૂર્યને ઢાંકી દેશે ત્યારે દિવસના સમયે તાપમાન 5 થી 10 ડિગ્રી જેટલું ઘટી જશે. આના કારણે વાતાવરણમાં ઠંડક પ્રસરી જશે અને પવનની દિશામાં પણ બદલાવ આવશે. આ અદભુત ખગોળીય ઘટનાને જોવા માટે વૈજ્ઞાનિકો અત્યારથી જ તૈયારી કરી રહ્યા છે.
