શાહરૂખ ખાન, બચ્ચને કર્યો છે અહીંથી અભ્યાસ : દેશની સૌથી પ્રતિષ્ઠિતમાની એક યુનિવર્સિટી

ભારતની સૌથી પ્રતિષ્ઠિત શૈક્ષણિક સંસ્થાઓમાંની એક એટલે દિલ્લી યુનિવર્સિટી. જેની સ્થાપના 1922માં કરવામાં આવી હતી. શરૂઆતમાં માત્ર ત્રણ કોલેજ-સેન્ટ સ્ટીફન્સ કોલેજ, હિન્દુ કોલેજ અને રામજસ કોલેજથી શરૂ થયેલી આ યુનિરવર્સિટીમાં આજે 90થી વધુ કોલેજો છે.

આઝાદી પહેલાં ઈન્ગ્લિશ શિક્ષણના કેન્દ્ર તરીકે સ્થાપિત આ યુનિવર્સિટીએ સ્વતંત્ર ભારતમાં ઉચ્ચ શિક્ષણના ક્ષેત્રમાં નવી ઊંચાઈઓ સર કરી હતી. હાલમાં, કોલેજ અંડરગ્રેજ્યુએટ અને અનુસ્નાતક અભ્યાસક્રમો પ્રદાન કરે છે. યુનિવર્સિટીમાં આર્ટ્સ, સાયન્સ, કોમર્સ, મેનેજમેન્ટ, લો અને મેડિસિન સહિત 500 થી વધુ અભ્યાસક્રમો છે.

પ્રવેશ CUET દ્વારા થાય છે
અંડરગ્રેજ્યુએટ અને અનુસ્નાતક અભ્યાસક્રમોમાં પ્રવેશ કોમન યુનિવર્સિટી એન્ટ્રન્સ ટેસ્ટ એટલે કે (CUET) દ્વારા થાય છે. આ ઉપરાંત કેટલાક અભ્યાસક્રમોમાં રમતગમત અને અભ્યાસેતર પ્રવૃત્તિઓના આધારે પણ પ્રવેશ આપવામાં આવે છે.

આ છે દિલ્લી યુનિવર્સિટીની ફી
ફી કોર્સ પર આધાર રાખે છે. સ્નાતક અભ્યાસ માટે વાર્ષિક ફી 12 હજારથી 15 હજાર અને બીએસસી માટે વાર્ષિક ફી 16 હજારથી 20 હજાર રૂપિયાની વચ્ચે છે, જ્યારે MA માટે વાર્ષિક ફી 16 હજારથી 20 હજાર અને M.SC માટે 14 હજારથી 22 હજાર રૂપિયા છે. તે જ સમયે, જો આપણે મેનેજમેન્ટ અને ફાઇન આર્ટ્સ જેવા અભ્યાસક્રમોની વાત કરીએ, તો તેમની ફી 45 થી 55 હજાર અને 20 થી 35 હજાર છે, મેડિકલ અને એન્જિનિયરિંગ જેવા અભ્યાસક્રમોની ફી આના કરતા વધારે છે.

અભિનેતાઓથી રાજકારણીઓ આ યુનિવર્સિટીમાંથી અભ્યાસ કરી ચુક્યા છે
અરુંધતી રોય (બુકર પુરસ્કાર વિજેતા લેખિકા), અરુણ જેટલી (પૂર્વ નાણામંત્રી), અમિતાભ બચ્ચન (અભિનેતા), શાહરુખ ખાન (અભિનેતા), કોમલ અમરોહી (પત્રકાર), અજય બંગા (માસ્ટરકાર્ડના CEO)નો સમાવેશ થાય છે.

વર્ષે 70 હજાર વિદ્યાર્થીઓને પ્રવેશ આપવામાં આવે છે
યુનિવર્સિટી દર વર્ષે આશરે 70 હજાર વિદ્યાર્થીઓને પ્રવેશ આપે છે. યુનિવર્સિટીમાં 100થી વધુ સંશોધન કેન્દ્રો છે, જ્યાં વિવિધ વિષયો પર રિસર્ચ હાથ ધરવામાં આવે છે. દિલ્હી યુનિવર્સિટીની ખાસ વાત એ છે કે દેશના ખૂણે ખૂણેથી વિદ્યાર્થીઓ અહીં આવે છે, જે તેને મિની ઇન્ડિયા બનાવે છે.

AI અને સાયબર સિક્યુરિટી જેવા પણ છે કોર્સ
તાજેતરમાં, યુનિવર્સિટીએ આર્ટિફિશિયલ ઇન્ટેલિજન્સ, ડેટા સાયન્સ અને સાયબર સિક્યુરિટી જેવા આધૂનિક વિષયો સહિત અનેક નવા અભ્યાસક્રમો શરૂ કર્યા છે. આ અભ્યાસક્રમો શરૂ થવાથી વિદ્યાર્થીઓને નવી ટેકનોલોજી અને રોજગારીની તકો સાથે જોડાવાની તક મળી રહી છે.