OpenAI : આર્ટિફિશિયલ ઇન્ટેલિજન્સ (AI) ના યુગમાં એક નવો અને ઐતિહાસિક વળાંક આવ્યો છે. દુનિયાભરમાં ધૂમ મચાવનાર ChatGPTની નિર્માતા કંપની OpenAIએ યુએસ શેરબજારમાં લિસ્ટ થવા માટે ગુપ્ત રીતે અરજી કરી છે. આ પહેલાં તેની મુખ્ય હરીફ કંપની એન્થ્રોપિક (Anthropic) પણ IPO માટે ફાઇલ કરી ચૂકી છે. આ બંને જાયન્ટ કંપનીઓના જાહેર બજારમાં પ્રવેશથી વૈશ્વિક ટેકનોલોજી સેક્ટરમાં ભારે ઉત્સાહ જોવા મળી રહ્યો છે અને રોકાણકારો પણ આ તેજીનો ભાગ બનવા આતુર છે.
લાખો કરોડોના મૂલ્યાંકનની તૈયારી
અહેવાલો મુજબ OpenAI શેરબજારમાં $1 ટ્રિલિયન એટલે કે આશરે 83 લાખ કરોડ રૂપિયાથી વધુના વિશાળ મૂલ્યાંકન સાથે પ્રવેશવાનું લક્ષ્ય ધરાવે છે. જો આ મૂલ્યાંકન સફળ રહેશે તો તે છેલ્લા 10 વર્ષમાં હાઇ-ગ્રોથ ટેકનોલોજી શેરો માટે રોકાણકારોની ભૂખની સૌથી મોટી કસોટી સાબિત થશે. જોકે કંપનીએ હજી સુધી IPOનું ચોક્કસ કદ કે શેરની કિંમતો જાહેર કરી નથી અને તેમાં થોડો સમય લાગી શકે છે કારણ કે ખાનગી કંપની તરીકે કેટલાક કામો કરવા વધુ સરળ હોય છે.
16 જૂને ભારતમાં લોન્ચ થશે Redmi Turbo 5: 7560mAh બેટરી અને 50MP કેમેરા સાથે મળશે પાવરફૂલ પ્રોસેસર!
બજારમાં અન્ય મોટી ટેક કંપનીઓની રેસ
શેરબજારમાં ઉતરવાની આ રેસમાં માત્ર OpenAI જ નથી. એલોન મસ્કની કંપની SpaceX પણ પોતાનો IPO લાવવાની તૈયારીમાં છે, જે જો પૂર્ણ થશે તો ઇતિહાસનો સૌથી મોટો IPO સાબિત થઈ શકે છે. આ સિવાય વાયરલ કોડિંગ આસિસ્ટન્ટ ક્લોડ કોડ (Claude Code) બનાવતી કંપની એન્થ્રોપિક પણ તાજેતરમાં જ $965 બિલિયનના મૂલ્યાંકન સાથે IPO માટે ફાઇલ કરી ચૂકી છે.
માઇક્રોસોફ્ટ સાથે ભાગીદારી અને અધધ કમાણી
OpenAIએ તાજેતરમાં તેની શરૂઆતની રોકાણકાર માઇક્રોસોફ્ટ સાથેની શરતોમાં ફેરફાર કર્યો છે, જેનાથી તે હવે એમેઝોન અને ગૂગલ જેવી અન્ય કંપનીઓ સાથે પણ નવી ભાગીદારી કરી શકશે. માર્ચ મહિનાના અહેવાલ અનુસાર OpenAI દર મહિને $2 બિલિયનની આવક મેળવી રહ્યું છે, જે ગૂગલ અને મેટા જેવી મોટી કંપનીઓની શરૂઆતની ઇન્ટરનેટ ક્રાંતિ કરતાં પણ ચાર ગણી ઝડપી વૃદ્ધિ દર્શાવે છે. જોકે કંપનીએ રોકાણકારોને સ્પષ્ટ કર્યું છે કે તે 2030 સુધી નફો કરી શકશે નહીં.
માત્ર AI સાથે વાત કરીને 20,000 Instagram એકાઉન્ટ હેક!: Meta ની ખામીએ વધારી ચિંતા
બજારમાં વધતી હરીફાઈ અને પડકારો
OpenAIએ જે AI ઉદ્યોગની શરૂઆત કરી હતી તે હવે ખૂબ જ ગીચ બની ગયો છે અને નિષ્ણાતો આ સેક્ટરની લાંબા ગાળાની તેજી પર નજર રાખી રહ્યા છે. એન્થ્રોપિક તેનો મોટો હરીફ બનીને ઉભરી આવ્યો છે કારણ કે સોફ્ટવેર ડેવલપર્સમાં તેના ક્લોડ AI મોડેલની માંગ ખૂબ વધારે છે. આ સાથે જ બજારના વિશ્લેષકો ચેતવણી આપી રહ્યા છે કે આ મોટા IPO બજારની ઘણી બધી મૂડી શોષી લેશે જેના કારણે નાની કંપનીઓને નુકસાન થઈ શકે છે.
જૂનો કાનૂની વિવાદ અને મુક્તિ
OpenAIની સ્થાપના વર્ષ 2015માં એક સંશોધન આધારિત બિનનફાકારક (Nonprofit) સંસ્થા તરીકે થઈ હતી પરંતુ વધતા ખર્ચને કારણે તેને નફાકારક કંપનીમાં બદલવામાં આવી હતી. એલોન મસ્કે આ બદલાવ સામે કાનૂની દાવો માંડ્યો હતો અને સેમ ઓલ્ટમેન પર ગંભીર આરોપો લગાવ્યા હતા. પરંતુ મે મહિનામાં યુએસ કોર્ટની જ્યુરીએ મસ્ક વિરુદ્ધ ચુકાદો આપ્યો હતો જેના કારણે OpenAI માટે IPO લાવવાનો કાનૂની રસ્તો સંપૂર્ણપણે સાફ થઈ ગયો છે.
