સોશિયલ મીડિયા અને ઈન્ટરનેટના યુગમાં આજકાલ એક વાત ખૂબ જ ચર્ચામાં છે કે જો મોબાઈલ નંબર તમારા મૂળાંક સાથે મેળ ખાતો હોય તો નોકરી, પૈસા અને સંબંધોમાં સુધારો થાય છે. ઘણા લોકો માને છે કે આ ડિજિટલ જ્યોતિષ છે, જ્યારે કેટલાક તેને માત્ર ભ્રમ માને છે. અંકશાસ્ત્ર મુજબ દરેક વ્યક્તિનો એક વિશિષ્ટ મૂળાંક હોય છે, જે તેના નિર્ણયો અને જોખમ લેવાની ક્ષમતા પર અસર કરે છે. ન્યુમરોલોજીના નિષ્ણાતોનું કહેવું છે કે જો મોબાઈલ નંબરનો કુલ સરવાળો અને મૂળાંક સમાન હોય તો વ્યક્તિનો આત્મવિશ્વાસ વધે છે અને જીવનમાં સકારાત્મક પરિવર્તન આવી શકે છે.
શા માટે લોકો બદલે છે પોતાનો ફોન નંબર?
મોટાભાગના લોકો જ્યારે જીવનમાં કોઈ મુશ્કેલીમાં હોય, અટકેલા કામ પૂરા કરવા માંગતા હોય અથવા નવી શરૂઆત કરવા ઈચ્છતા હોય ત્યારે નંબર બદલવાનો નિર્ણય લેતા હોય છે. જ્યોતિષીય દૃષ્ટિકોણથી જોઈએ તો માત્ર નંબર બદલવાથી સીધા પૈસા નથી આવતા કે લગ્નના પ્રસ્તાવ નથી મળતા, પરંતુ આ ફેરફારથી વ્યક્તિમાં એક માનસિક રીસેટ આવે છે. જ્યારે કોઈને લાગે છે કે તેણે ભાગ્ય બદલવા માટે કોઈ નવું પગલું ભર્યું છે, ત્યારે તે વધુ મહેનત અને ઉત્સાહ સાથે કામ કરવા લાગે છે, જે સફળતા માટે ટ્રિગરનું કામ કરે છે.
મૂળાંકને કેવી રીતે ગણવો?
તમારી જન્મ તારીખના આધારે મૂળાંક નક્કી થાય છે. જેનો સરવાળો 1 થી 9 ની વચ્ચે હોવો જોઈએ.
જો તમારી જન્મ તારીખ 5 હોય તો મૂળાંક 5 ગણાય.
જો તારીખ 14 હોય તો 1+4 = 5 થશે.
જો તારીખ 29 હોય તો 2+9 = 11 અને 1+1 = 2 ગણાશે.
તમારા મૂળાંક પ્રમાણે કયા નંબર છે ફ્રેન્ડલી?
અંકશાસ્ત્રમાં દરેક મૂળાંક માટે અમુક લકી નંબર સૂચવવામાં આવ્યા છે. જો તમારો મૂળાંક 5 હોય તો લોકો પ્રયાસ કરે છે કે તેમના મોબાઈલ નંબર, ગાડીનો નંબર કે બ્રાન્ડ નામમાં 5, 1 અથવા 6 અંક વધુ વખત આવે. વિવિધ મૂળાંક માટેના ફ્રેન્ડલી નંબર્સ નીચે મુજબ છે:
મૂળાંક 1: 1, 2, 3, 9
મૂળાંક 2: 2, 7
મૂળાંક 3: 1, 3, 9
મૂળાંક 4: 1, 5, 6
મૂળાંક 5: 1, 5, 6
મૂળાંક 6: 5, 6
મૂળાંક 7: 2, 7
મૂળાંક 8: 8
મૂળાંક 9: 1, 3, 8
