વર્ષ 2026ના આગમનને હવે ગણતરીના દિવસો બાકી છે અને લોકો આતુરતાથી નવા વર્ષની રાહ જોઈ રહ્યા છે. જ્યોતિષ શાસ્ત્ર મુજબ આવનારું નવું વર્ષ ખૂબ જ ખાસ રહેવાનું છે કારણ કે પહેલા જ દિવસે ગ્રહો અને નક્ષત્રોની સ્થિતિ અત્યંત શુભ બની રહી છે. 1 જાન્યુઆરી 2026ના રોજ એક કે બે નહીં પરંતુ પૂરા 9 મહાસંયોગ બની રહ્યા છે જે ધાર્મિક અને જ્યોતિષીય દ્રષ્ટિએ ખૂબ જ મહત્વપૂર્ણ માનવામાં આવે છે. આ દિવસે કરવામાં આવેલી પૂજા અને શુભ કાર્યોનું ફળ અનેકગણું મળશે અને લોકોના જીવનમાં સકારાત્મક બદલાવ આવશે.
નવા વર્ષના પહેલા દિવસે બનતા 9 શુભ સંયોગ
નવા વર્ષની શરૂઆત ભગવાન શિવ અને વિષ્ણુની કૃપાથી થશે. પંચાંગ અનુસાર 1 જાન્યુઆરી 2026ના રોજ પોષ મહિનાના શુક્લ પક્ષની તેરસ તિથિ છે જે ભગવાન શિવને સમર્પિત છે. આ દિવસે ગુરુવાર હોવાથી ગુરુ પ્રદોષ વ્રતનો યોગ પણ બની રહ્યો છે જે શિવજીની પૂજા માટે શ્રેષ્ઠ ગણાય છે. ગુરુવાર ભગવાન વિષ્ણુ અને લક્ષ્મી નારાયણનો વાર હોવાથી તેમની કૃપા પણ વરસશે. આ દિવસે સવારથી સાંજે 05:12 વાગ્યા સુધી શુભ યોગ રહેશે અને ત્યારબાદ શુક્લ યોગ શરૂ થશે જે કોઈ પણ નવા કાર્ય કે રોકાણ માટે ઉત્તમ માનવામાં આવે છે.
ચંદ્ર અને નક્ષત્રની સ્થિતિ પણ લાભદાયી
આ દિવસે રોહિણી નક્ષત્રનો પ્રભાવ રહેશે જે રાત્રે 10:48 વાગ્યા સુધી ચાલશે અને બાદમાં મૃગશીર્ષ નક્ષત્ર શરૂ થશે. આ સાથે જ રવિ યોગ પણ બની રહ્યો છે જે તમામ પ્રકારના દોષને દૂર કરવા માટે જાણીતો છે. જ્યોતિષ મુજબ આ દિવસે ભગવાન શિવનો વાસ નંદી પર રહેશે જેથી રુદ્રાભિષેક કરવાથી વિશેષ ફળ મળશે. ચંદ્રની વાત કરીએ તો ચંદ્ર પોતાની ઉચ્ચ રાશિ વૃષભમાં બિરાજમાન રહેશે જેનાથી જાતકોને માનસિક શાંતિ અને સુખ મળશે. આ તમામ યોગ ભેગા મળીને વર્ષના પ્રથમ દિવસને અત્યંત શક્તિશાળી અને શુભ બનાવી રહ્યા છે.
