‘પાપા કહેતે હેં’ ફિલ્મની ક્યૂટ એક્ટ્રેસ આજે ક્યાં છે? : IIT અને બોલીવુડ છોડીને આ હિરોઈન બની ગૂગલ ઈન્ડિયાની 'ઈન્ડસ્ટ્રી હેડ'

બોલિવૂડમાં ખાસ સફળતા ન મળતા કોર્પોરેટ દુનિયામાં બનાવી નવી ઓળખ

1990ના દાયકામાં ફિલ્મ 'પાપા કહેતે હૈં' અને ગીત 'ઘર સે નીકલતે હી'થી ચર્ચામાં આવેલી અભિનેત્રી મયૂરી કાંગોએ આજે ફિલ્મી દુનિયાથી દૂર પોતાની અલગ ઓળખ બનાવી છે. એક સમયની લોકપ્રિય અભિનેત્રી હવે કોર્પોરેટ ક્ષેત્રમાં સફળ કારકિર્દી ધરાવે છે.

IITમાં પ્રવેશની તક છોડી

મયૂરી કાંગોને અભ્યાસ દરમિયાન IITમાં પ્રવેશની તક મળી હતી. જોકે, તેમણે ફિલ્મોમાં કારકિર્દી બનાવવા માટે આ તક છોડીને બોલિવૂડમાં એન્ટ્રી કરી.

અજય દેવગન અને બોબી દેઓલ સાથે કર્યું કામ

મયૂરીએ પોતાના ફિલ્મી કરિયરમાં અજય દેવગન, બોબી દેઓલ સહિત ઘણા જાણીતા કલાકારો સાથે કામ કર્યું. તેમ છતાં, તેમને બોલિવૂડમાં લાંબા સમય સુધી સફળતા મળી નહીં.

2003માં એક્ટિંગને કહ્યું અલવિદા

વર્ષ 2003માં મયૂરી કાંગોએ ફિલ્મ ઇન્ડસ્ટ્રી છોડવાનો નિર્ણય લીધો. ત્યારબાદ તેમણે લગ્ન કર્યા અને અમેરિકા શિફ્ટ થઈ ગઈ.

અમેરિકામાં MBA કરીને કોર્પોરેટમાં કરી એન્ટ્રી

અમેરિકામાં રહેતા તેમણે MBAનો અભ્યાસ પૂર્ણ કર્યો અને ડિજિટલ માર્કેટિંગ ક્ષેત્રમાં કારકિર્દી શરૂ કરી. ધીમે-ધીમે તેમણે કોર્પોરેટ જગતમાં પોતાની અલગ ઓળખ બનાવી.

આ પણ વાંચો: CJPના પ્રદર્શન પર કંગના રનૌત ભડકી | કહ્યું- પ્રદર્શનના માધ્યમથી સરકાર પર દબાણ લાવવું યોગ્ય રીત નથી | Offbeat Stories

2019માં Google Indiaમાં Industry Head બની

મયૂરી કાંગોની મહેનતનું પરિણામ એ રહ્યું કે વર્ષ 2019માં તેઓ Google Indiaમાં Industry Head તરીકે જોડાયા. હાલમાં તેઓ કોર્પોરેટ ક્ષેત્રમાં મહત્વની જવાબદારી સંભાળી રહ્યા છે.

ફિલ્મોથી કોર્પોરેટ સુધીની પ્રેરણાદાયી સફર

મયૂરી કાંગોની સફર બતાવે છે કે એક ક્ષેત્રમાં સફળતા ન મળે તો પણ નવી દિશામાં મહેનત કરીને મોટી સિદ્ધિ મેળવી શકાય છે. ફિલ્મોથી લઈને કોર્પોરેટ જગત સુધીની તેમની સફર ઘણા લોકો માટે પ્રેરણારૂપ માનવામાં આવે છે.