વર્ષ 2026ની શરૂઆતમાં જ ગ્રહોની સ્થિતિમાં મોટો ઉલટફેર જોવા મળી રહ્યો છે. શનિની માલિકીની કુંભ રાશિમાં મંગળનું આગમન જ્યોતિષની દ્રષ્ટિએ અત્યંત મહત્વનું મનાય છે. જાણીતા જ્યોતિષવિદ પ્રવીણ મિશ્રના જણાવ્યા અનુસાર, મંગળના આ ગોચરથી વ્યાવસાયિક મોરચે મોટી સફળતા મળવાના યોગ છે. ખાસ કરીને જે રાશિઓ પર શનિની પનૌતી કે ઢૈયા ચાલી રહી છે, તેમના માટે આ સમય 'જેકપોટ' જેવો સાબિત થઈ શકે છે.
જ્યોતિષશાસ્ત્રમાં 'ગ્રહોના સેનાપતિ' ગણાતા મંગળ ગ્રહે પોતાની રાશિ બદલીને કુંભ રાશિમાં પ્રવેશ કર્યો છે. 23 ફેબ્રુઆરીથી શરૂ થયેલું મંગળનું આ ભ્રમણ 2 એપ્રિલ સુધી ચાલશે. ખાસ વાત એ છે કે કુંભ રાશિમાં પહેલેથી જ રાહુ, સૂર્ય, બુધ અને શુક્ર બિરાજમાન છે, જેના કારણે પંચગ્રહી યુતિ સર્જાઈ છે. આ ગોચર કેટલીક રાશિઓ માટે નસીબના દ્વાર ખોલનારું સાબિત થશે, તો કેટલીક રાશિઓએ સાવધાની રાખવી પડશે.
આ રાશિઓ માટે ખુલશે પ્રગતિના માર્ગ
મેષ રાશિ: અટકેલા પ્રમોશનની મળશે ખુશખબરી
મેષ રાશિના સ્વામી મંગળ પોતે છે. મંગળ તમારી રાશિના 11મા ભાવમાં એટલે કે લાભ સ્થાનમાં પ્રવેશ્યા છે. આ દરમિયાન પ્રોફેશનલ લાઈફમાં કોઈ સારા સમાચાર મળી શકે છે. તમારી કાર્યક્ષમતા અને સાચા નિર્ણયો લેવાની શક્તિ તમને આર્થિક લાભ અપાવશે.
વૃષભ રાશિ: મહેનતનું મળશે મીઠું ફળ
તમારી રાશિથી 10મા ભાવમાં મંગળનું ગોચર થઈ રહ્યું છે. શુક્ર, સૂર્ય અને બુધ સાથે મંગળની હાજરી હોવાથી કાર્યક્ષેત્રમાં સફળતા મેળવવા માટે તમારે વધુ પ્રયત્નો કરવા પડશે, પરંતુ મહેનત કરનાર લોકો માટે આ સમય ઉત્તમ છે.
સિંહ રાશિ: શનિની ઢૈયા છતાં લાગશે જેકપોટ
સિંહ રાશિના જાતકો માટે આ ગોચર સૌથી વધુ ભાગ્યશાળી સાબિત થઈ શકે છે. સાતમા ભાવમાં મંગળનું ગોચર કરિયરમાં સુવર્ણ તકો લાવશે. શનિની ઢૈયા હોવા છતાં, મંગળ તમારી મહેનતનું શાનદાર પરિણામ અપાવશે. વેપારીઓ માટે કમાણીના નવા સ્ત્રોત ખુલશે.
તુલા રાશિ: આર્થિક સ્થિતિમાં થશે મોટો સુધારો
તુલા રાશિના જાતકો માટે પ્રમોશન અને નવી જવાબદારી મળવાની પ્રબળ શક્યતા છે. નાણાંની આવક વધશે, પરંતુ સામે ખર્ચ પર અંકુશ રાખવો પણ એટલો જ જરૂરી રહેશે.
આ રાશિઓએ રહેવું પડશે અત્યંત સાવધાન
મિથુન રાશિ: નકારાત્મક વિચારોથી દૂર રહેવું. કોઈની વાતોમાં આવીને ઉતાવળિયો નિર્ણય ન લેવો, અન્યથા મોટું નુકસાન થઈ શકે છે.
કર્ક રાશિ: આઠમા ભાવમાં મંગળ હોવાથી ઓફિસમાં વિવાદોથી બચવું. ઉપરી અધિકારીઓ સાથે દલીલબાજી ટાળવી અને વાણી પર સંયમ રાખવો.
કન્યા રાશિ: મોટા રોકાણ કે જોખમ લેવાથી બચવું. કાર્યક્ષેત્રમાં મતભેદ થઈ શકે છે. જોકે, વિદ્યાર્થીઓ માટે સમય અનુકૂળ છે.
વૃશ્ચિક રાશિ: ગુસ્સો અને ઉતાવળ નુકસાન કરાવી શકે છે. પારિવારિક મામલામાં સમજી-વિચારીને નિર્ણય લેવા.
મકર રાશિ: કામમાં આળસ છોડી સમયસર કામ પૂરું કરવું. કરિયરમાં સુધારાના સંકેત છે પણ ઉતાવળ ટાળવી.
કુંભ રાશિ: મંગળ તમારી જ રાશિમાં છે, તેથી વિશેષ સાવધાની રાખવી. અજાણ્યા લોકો પર ભરોસો ન કરવો અને ખર્ચ પર કાબૂ રાખવો.
મીન રાશિ: બજેટ ખોરવાઈ શકે છે, તેથી આર્થિક આયોજન વિચારીને કરવું. સ્વાસ્થ્યનું ધ્યાન રાખવું અને વિવાદોથી દૂર રહેવું.
