khushi dubey intimate scene shoot : ‘આશિકાના’ ફેમ અભિનેત્રી ખુશી દુબેએ પહેલી વખત ખુલાસો કર્યો કે ઇન્ટિમેટ સીન શૂટ કર્યા પછી શું દશા થઇ. નેમ-ફેમ અને ચમક-દમક પાછળ શું હાલત થાય છે જાણો અભિનેત્રીએ કર્યો ખુલાસો. કર્યો સેટ પરની પરિસ્થિતિ અંગેનો પર્દાફાશ. ટીવી અને OTT દુનિયામાં ઝડપથી પોતાની ઓળખ બનાવનાર ખુશી દુબે ફરી એકવાર ચર્ચામાં છે. ‘આશિકાના’ સિરીઝથી ઘરઘરમાં ઓળખ મેળવનાર ખુશી દુબેએ તાજેતરના એક ઈન્ટરવ્યૂમાં ઇન્ટિમેટ સીન શૂટિંગનો પોતાનો અનુભવ ખુલ્લેઆમ શેર કર્યો છે.
અભિનેત્રીએ જણાવ્યું કે કેમેરા સામે રોમેન્ટિક દૃશ્યો કરવું જેટલું સરળ દેખાય છે, વાસ્તવમાં તે એટલું જ મુશ્કેલ અને માનસિક દબાણથી ભરેલું હોય છે. અભિનેત્રીના આ નિવેદન પછી સોશિયલ મીડિયા પર પણ ચર્ચા તેજ બની છે. ખાસ કરીને ટીવી કલાકારો માટે ઇન્ટિમેટ દૃશ્યો અંગે દર્શકોની માનસિકતા અને OTT પ્લેટફોર્મ્સ પર બદલાતી સ્ટોરીટેલિંગ શૈલી ફરી ચર્ચાના કેન્દ્રમાં આવી છે. મીડિયામાં પ્રકાશિત અહેવાલમાં આ ચોંકાવનારી માહિતી સામે આવી હતી.
‘આશિકાના’થી મળી મોટી ઓળખ
Aashiqana સિરીઝમાં ખુશી દુબેએ ‘ચિક્કી ચૌહાણ’નું પાત્ર ભજવ્યું હતું. આ સિરીઝમાં તેમના સાથે ઝૈન ઇબાદ ખાન પણ મુખ્ય ભૂમિકામાં જોવા મળ્યા હતા. બંનેની સ્ક્રીન કેમિસ્ટ્રીને દર્શકોએ ખૂબ પસંદ કરી હતી અને સિરીઝ OTT દર્શકો વચ્ચે હિટ સાબિત થઈ હતી. સિરીઝમાં અનેક રોમેન્ટિક અને ઇન્ટિમેટ દૃશ્યો હતાં, જેના વિશે ખુશી દુબેએ કહ્યું કે શરૂઆતમાં તેઓ ખૂબ નર્વસ થઈ ગઈ હતી. તેમના કહેવા મુજબ, આ પ્રકારના દૃશ્યો પહેલાં ક્યારેય કર્યા ન હોવાથી તેમને કેમેરા સામે પોતાને નેચરલ રાખવામાં મુશ્કેલી પડી હતી. જોકે, કો-સ્ટાર સાથે સારી સમજણ અને ટીમના સપોર્ટને કારણે તેઓ ધીમે ધીમે કમ્ફર્ટેબલ બની શકી હતી.
‘200 લોકો સામે શૂટિંગ કરવું સહેલું નથી’
ખુશી દુબેએ એક ઈન્ટરવ્યૂમાં કહ્યું હતું કે સ્ક્રીન પર દેખાતી રોમેન્ટિક ક્ષણો અને વાસ્તવિક સેટ પરનું વાતાવરણ એકબીજાથી સંપૂર્ણપણે અલગ હોય છે. તેમના જણાવ્યા મુજબ, કોઈ પોતાના પ્રિય વ્યક્તિ સાથે ખાનગી પળો વિતાવે અને બીજી તરફ 200 જેટલા લોકોની હાજરીમાં એ જ પ્રકારના દૃશ્યો શૂટ કરે - બંને અનુભવમાં ઘણો મોટો ફરક છે. તેમણે કહ્યું કે સેટ પર લાઈટિંગ ટીમ, કેમેરા યુનિટ, ડિરેક્ટર, મોનિટર સ્ટાફ અને અન્ય ઘણા લોકો હાજર હોય છે. આવી પરિસ્થિતિમાં ભાવનાઓને સ્વાભાવિક રીતે રજૂ કરવી કલાકાર માટે પડકારરૂપ બની જાય છે. ખુશીએ એ પણ જણાવ્યું કે ડિરેક્ટર અને ટીમે તેમને વિશ્વાસ આપ્યો હતો, જેના કારણે તેઓ દૃશ્યો સારી રીતે કરી શકી હતી.
ટીવી દર્શકો અને OTT દર્શકો વચ્ચેનો તફાવત
અભિનેત્રીના જણાવ્યા મુજબ OTT પર દર્શકો હવે વધુ પરિપક્વ પ્રકારની કન્ટેન્ટ સ્વીકારી રહ્યા છે. રોમેન્ટિક દૃશ્યોને લઈને ડિજિટલ પ્લેટફોર્મ પર લોકોનો અભિગમ ટીવીની તુલનામાં અલગ છે. ખુશી દુબેએ સ્વીકાર્યું કે OTT પર આ દૃશ્યોને લોકો નેચરલ રોમેન્ટિક અભિવ્યક્તિ તરીકે જોઈ રહ્યા હતા, પરંતુ ટીવી ઓડિયન્સ માટે આ થોડું ‘શોકિંગ’ હતું. તેમણે કહ્યું કે પરંપરાગત ટીવી સિરિયલોમાં હીરો-હીરોઈન વચ્ચે કિસ અથવા ઇન્ટિમેટ સીન બહુ ઓછા જોવા મળે છે. તેથી જ્યારે આવા દૃશ્યો ડિજિટલ પ્લેટફોર્મ પર દેખાયા ત્યારે કેટલાક દર્શકોને આશ્ચર્ય થયું હતું. તેમ છતાં, નવી પેઢીના દર્શકો સ્ટોરી અને પાત્રોની માંગ પ્રમાણે કન્ટેન્ટ સ્વીકારી રહ્યા છે.
OTT ઉદ્યોગમાં બદલાતી વિચારસરણી
છેલ્લા કેટલાક વર્ષોમાં ભારતીય OTT ઉદ્યોગમાં સ્ટોરીટેલિંગની પદ્ધતિમાં મોટો ફેરફાર આવ્યો છે. વેબ સિરીઝમાં હવે વધુ વાસ્તવિક સંબંધો, માનસિક સંઘર્ષ અને આધુનિક જીવનશૈલીને રજૂ કરવામાં આવી રહી છે. જેના કારણે કલાકારોને પણ પરંપરાગત ટીવી અભિનયથી અલગ પ્રકારની તૈયારી કરવી પડે છે. ઘણા કલાકારો અગાઉ પણ કહી ચૂક્યા છે કે ઇન્ટિમેટ દૃશ્યો માટે હવે ‘ઇન્ટિમસી કોઓર્ડિનેટર’ જેવી વ્યવસ્થા પણ ઘણી પ્રોડક્શન ટીમોમાં અપનાવવામાં આવી રહી છે, જેથી કલાકારો સુરક્ષિત અને આરામદાયક અનુભવે. ખુશી દુબેના નિવેદન બાદ ફરી એકવાર આ ચર્ચા તેજ બની છે કે કલાકારો માટે માનસિક સુરક્ષા અને વ્યાવસાયિક વાતાવરણ કેટલું મહત્વનું છે.
